109. fundur bæjarráðs
109. fundur bæjarráðs Árborgar, kjörtímabilið 2006-2010 haldinn fimmtudaginn 25. september 2008 í Setri Egils, Ráðhúsi Árborgar, Austurvegi 2, Selfossi, kl. 08:10
Mætt:
Jón Hjartarson, formaður, V-lista
Þorvaldur Guðmundsson, bæjarfulltrúi, B-lista
Eyþór Arnalds, bæjarfulltrúi, D-lista
Ásta Stefánsdóttir, bæjarritari
Dagskrá:
Fundargerðir til staðfestingar:
•1. 0801034 - Fundargerð félagsmálanefndar
30.fundur haldinn 8.september
Fundargerðin staðfest.
- 2. 0801043 - Fundargerð lista- og menningarnefndar
17.fundur haldinn 18.september
-liður 1, 0709111, menningarhúsnæði, bæjarráð felur verkefnisstjóra íþrótta-, forvarnar- og menningarmála í samráði við bæjarstjóra, að gera tillögu að framkvæmdaáætlun um uppbyggingu menningarhúsnæðis á grundvelli skýrslunnar og í samræmi við menningarstefnu sveitarfélagsins. Óskað er eftir að tillagan verði tilbúin þann 1. nóvember n.k.
-liður 5, 0512037 listaverkið Sveipur, vegna gríðarlegrar hækkunar á heimsmarkaðsverði á stáli og breyttra aðstæðna hefur kostnaður við fyrirhugað listaverk farið verulega fram úr því sem áætlað var í upphafi, auk þess sem undirbúningsvinna vegna smíði verksins hefur dregist af óviðráðanlegum ástæðum. Meirihlutinn leggur áherslu á að listaverkið verði sett upp í sveitarfélaginu eins fljótt og unnt er og mun fjalla um málið við gerð fjárhagsáætlunar fyrir árið 2009 og þriggja ára áætlunar fyrir árin 2010-2012.
Eyþór Arnalds, D-lista, óskaði eftir að bókað yrði að hann óski eftir að fá samninginn við listamanninn lagðan fram á næsta fundi.
Fundargerðin staðfest. - 3. 0801039 - Fundargerð íþrótta- og tómstundanefndar
17.fundur haldinn 18. september
-liður 13, söfnun RKÍ, Göngum til góðs, bæjarráð hvetur til þátttöku í verkefninu.
Fundargerðin staðfest.
Fundargerðir til kynningar:
•4. 0801088 - Fundargerð stjórnar SASS
416.fundur haldinn 15.september
Lagt fram.
Almenn erindi
•5. 0809106 - Erindi frá SASS um þjónustu við innflytjendur á Suðurlandi
Bæjarráð vísar erindinu til framkvæmdastjóra Fjölskyldumiðstöðvar.
- 6. 0809130 - Fyrirspurn frá fulltrúa D-lista um stjórnunarkostnað sveitarfélagsins
Lögð var fram svohljóðandi fyrirspurn:
Hver er stjórnunarkostnaður sveitarfélagsins árin 2002, 2003, 2004, 2005, 2006, 2007 og áætlaður kostnaður 2008?Fyrirspurnin lögð fram.
- 7. 0809131 - Fyrirspurn frá fulltrúa D-lista um fjölda skrifstofufólks og stjórnenda
Lögð var fram svohljóðandi fyrirspurn:
Hver er fjöldi skrifstofufólks og stjórnenda hjá sveitarfélaginu árin 2002, 2003, 2004, 2005, 2006, 2007 og áætlaður 2008?Fyrirspurnin lögð fram.
- 8. 0809133 - Fyrirspurn frá fulltrúa D-lista, yfirlit ráðninga í stjórnunarstöður og öll ný störf
Lögð var fram svohljóðandi fyrirspurn:
Óskað er eftir yfirlit ráðninga í stjórnunarstöður og öll ný stöðugildi frá 1. janúar 2007.Fyrirspurnin lögð fram.
- 9. 0809134 - Fyrirspurn frá fulltrúa D-lista, Hver er kostnaður við aðkeypta þjónustu
Lögð var fram svohljóðandi fyrirspurn:
Hver er kostnaður við aðkeypta þjónustu 2002, 2003, 2004, 2005, 2006, 2007 og áætlaður kostnaður 2008?Fyrirspurnin lögð fram.
Erindi til kynningar
•10. 0807015 - Vefaðgangur að fundargerðum stjórnar Sambands íslenskra sveitarfélaga
Lagt fram.
- 11. 0808076 - Ársþing Samtaka Sunnlenskra sveitarfélaga 2008
Lögð fram tilkynning um breytta tímasetningu. - 12. 0808004 - Framlag sveitarfélaga í Varasjóð húsnæðismála vegna ársins 2008
Lagðar fram upplýsingar um fjárhæð gjaldsins.
Fundargerð lesin upp og fundi slitið kl: 08:30.
Jón Hjartarson
Þorvaldur Guðmundsson
Eyþór Arnalds
Ásta Stefánsdóttir
