116. fundur bæjarráðs
116. fundur bæjarráðs Árborgar, kjörtímabilið 2006-2010 haldinn fimmtudaginn 6. nóvember 2008 í Setri Egils, Ráðhúsi Árborgar, Austurvegi 2, Selfossi, kl. 08:10
Mætt:
Jón Hjartarson, formaður, V-lista
Þorvaldur Guðmundsson, bæjarfulltrúi, B-lista
Eyþór Arnalds, bæjarfulltrúi, D-lista
Ragnheiður Hergeirsdóttir, bæjarstjóri
Ásta Stefánsdóttir, bæjarritari
Eyþór Arnalds, D-lista, leitaði afbrigða til að taka á dagskrá bókun um Safnahelgi á Suðurlandi.
Var það samþykkt samhljóða.
Formaður bæjarráðs leitað afbrigða til að taka á dagskrá samning við Aska Capital um lánsfjármögnun. Var það samþykkt samhljóða.
Dagskrá:
Fundargerðir til staðfestingar:
1. 0801114 - Fundargerð atvinnuþróunarnefndar Árborgar
5.fundur haldinn 27.október
-liður 1, 0810115, fundur með forsvarsmönnum í atvinnurekstri, bæjarráð lýsir yfir ánægju sinni með framtak nefndarinnar og fundinn sem haldinn var á Hótel Selfossi í gær.
Fundargerðin staðfest.
2. 0801047 - Fundargerð framkvæmda- og veitustjórnar
152.fundur haldinn 29.október
Fundargerðin staðfest.
3. 0801039 - Fundargerð íþrótta- og tómstundanefndar
18.fundur haldinn 30.október
Fundargerðin staðfest.
Fundargerðir til kynningar:
4. 0802009 - Fundargerð stjórnar Atvinnuþróunarfélags Suðurlands
279.fundur haldinn 22.október
Fundargerðin lögð fram.
5. 0801091 - Fundargerð stjórnar Skólaskrifstofu Suðurlands
109.fundur haldinn 27.október
-liður 1, drög að fjárhagsáætlun, bæjarráð Árborgar getur ekki fallist á fjárhagsáætlun sem gerir ráð fyrir meiri hækkun á rekstri byggðasamlaga en sveitarfélagið áætlar vegna eigin stofnana. Bæjarráð Árborgar ítrekar nauðsyn þess að meðferðarhluti ART verkefnisins er á ábyrgð ríkisins.
Fundargerðin lögð fram.
Almenn erindi
6. 0709111 - Tillaga um að skilum á tillögu um framkvæmdaáætlun um uppbyggingu menningarhúsnæðis á grundvelli skýrslu RHA og í samræmi við menningarstefnu sveitarfélagsins verði frestað til 1. febrúar 2009
Tillagan var borin undir atkvæði og samþykkt með tveimur atkvæðum, Eyþór Arnalds, D-lista, situr hjá.
Eyþór Arnalds, D-lista, lagði fram svohljóðandi bókun:
Réttast væri að fresta þessu máli alfarið þar sem margt annað hlýtur að vera brýnna en enn ein álitsgjöfin og tillagan vegna menningarhúsnæðis. Meirihlutinn hefur misst af því að vinna markvisst í þessum málum í góðærinu og lögðu áherslu á skýrslugerð meðal annars með skýrslukaupum frá Háskólanum á Akureyri. Nær væri að verja fjármunum í verkefni á sviði menningarmála en álitsgerðir. Rétt væri að skoða í staðinn hvernig minnka megi stjórnunarkostnað í Ráðhúsinu.
7. 0810152 - Samningsumboð fyrir kjarasamninga kjarafélags viðskipta- og hagfræðinga
Bæjarráð samþykkir að veita Launanefnd sveitarfélaga fullnaðarumboð til kjarasamningsgerðar við kjarafélag viðskipta- og hagfræðinga.
8. 0810153 - Tillaga um framlengingu samnings um endurskoðun fyrir Sveitarfélagið Árborg
Lögð var fram svohljóðandi tillaga:
Bæjarráð Árborgar samþykkir að samningur við PricewaterhouseCoopers hf. um endurskoðun fyrir Sveitarfélagið Árborg frá 19. desember 2003 verði framlengdur um eitt ár, eða til 6. nóvember 2009.
Tillagan var borin undir atkvæði og samþykkt samhljóða.
9. 0804127 - Bréf félags- og tryggingamálaráðuneytisins um fjölgun dagvistarrýma fyrir heilabilaða
Bæjarráð fagnar afgreiðslunni. Stefnt er að opnun sem fyrst á nýju ári.
10. 0810126 - Fjárhagsáætlun
Bæjarráð samþykkir tillöguna sem forsendur fyrir gerð frumvarps að fjárhagsáætlun vegna ársins 2009. Forsendur þessar eru lagðar fram miðað við stöðuna í dag en vegna mikillar óvissu um þróun efnahagsmála á næstu vikum og mánuðum má gera ráð fyrir að endurskoða þurfi fjárhagsáætlunina á fyrri hluta næsta árs. Auk þess gæti komið til þess að taka þurfi upp forsendur síðar í áætlanagerðinni en afar erfitt er að áætla þessa dagana um væntanlegar tekjur og gjöld sveitarfélagsins.
11. 0810033 - Staða efnahagsmála
Bæjarstjóri fór yfir stöðu mála.
12. 0811019 - Samningur við Aska Capital um lánsfjármögnun
Bæjarráð samþykkir að fela bæjarstjóra að vinna áfram að samningsgerð.
13. 0809037 - Nótt safnanna á Suðurlandi 2008
Bæjarráð fagnar því góða framtaki sem Safnahelgi á Suðurlandi er. Ástæða er til að hvetja íbúa til að taka þátt. Menningartengd ferðaþjónusta er eitt helsta sóknarfæri Suðurlands á samdráttartímum.
Fundargerð lesin upp og fundi slitið kl: 9:00.
Jón Hjartarson
Þorvaldur Guðmundsson
Eyþór Arnalds
Ragnheiður Hergeirsdóttir
Ásta Stefánsdóttir
