31.8.2017

119. fundur bæjarráðs

119. fundur bæjarráðs Árborgar, kjörtímabilið 2014-2018, haldinn fimmtudaginn 31. ágúst 2017 í Setri Egils, Ráðhúsi Árborgar, Austurvegi 2, Selfossi, kl. 08:10. Mætt: Gunnar Egilsson, formaður, D-lista Kjartan Björnsson, bæjarfulltrúi, D-lista Arna Ír Gunnarsdóttir, bæjarfulltrúi, S-lista Eyrún Björg Magnúsdóttir, áheyrnarfulltrúi, Æ-lista Ásta Stefánsdóttir, framkvæmdastjóri Sveitarfélagsins Árborgar, sem ritaði fundargerð. Helgi Sigurður Haraldsson, áheyrnarfulltrúi, B-lista, boðaði forföll. Dagskrá: 

Fundargerðir til staðfestingar
1.	1701026 - Fundargerð félagsmálanefndar
	32. fundur haldinn 22. ágúst
	Fundargerðin staðfest.
2.	1701028 - Fundargerð framkvæmda- og veitustjórnar
	42. fundur haldinn 23. ágúst
	Fundargerðin staðfest.
Almenn afgreiðslumál
3.	1708161 - Beiðni um aukin stöðugildi í Vallaskóla
	Fylgigögn eru trúnaðarmál
	Bæjarráð leggur til við bæjarstjórn að gerður verði viðauki við fjárhagsáætlun að fjárhæð kr. 3.865.000 vegna fjölgunar stöðugilda í Vallaskóla.
4.	1603040 - Áskorun til heilbrigðisráðherra vegna væntanlegs hjúkrunarheimilis í Árborg
	Bæjarráð Árborgar ítrekar beiðni sína til heilbrigðisráðuneytisins þess efnis að fyrirhugað hjúkrunarheimili á Selfossi, sem nú er í undirbúningsferli, verði hannað miðað við að rúma 60 einstaklinga í hjúkrunarrýmum, en ekki 50 eins og kveðið er á um í samningi aðila. Núverandi áætlun um 50 rými gerir ráð fyrir að rýmum á Suðurlandi fjölgi um 15, þar sem 35 rými sem voru fyrir á Blesastöðum og Kumbaravogi gangi inn í hið nýja heimili. Fjölgunin er engan veginn næg til að mæta þörf fyrir hjúkrunarrými á svæðinu. Þá verður að horfa til þess að brýn þörf er fyrir rými til að nýta til hvíldarinnlagna í Árnessýslu. Íbúum fjölgar mjög hratt í sýslunni og brýnt að horfa til framtíðar hvað fjölda rýma varðar og þeirrar hagkvæmni sem fælist í því að reka fleiri rými í einni og sömu einingunni. Bæjarráði þykir miður að niðurstaða varðandi fjölgun rýma liggi enn ekki fyrir, nú þegar talsvert er liðið á undirbúningsferlið og skil gagna vegna hönnunarsamkeppni fara fram í næstu viku. Bæjarráði þykir það bera vott um skammsýni að ekki sé tekin ákvörðun um fjölgun rýma.

Fundargerð lesin upp og fundi slitið kl: 9:00.

Gunnar Egilsson		Kjartan Björnsson
Arna Ír Gunnarsdóttir
Eyrún Björg Magnúsdóttir		Ásta Stefánsdóttir