122. fundur bæjarráðs

Fundargerðir til staðfestingar

1.

1201024 - Fundargerð skipulags- og byggingarnefndar

32. fundur haldinn 21. desember

-liður 7, 1212051, beiðni um umsögn um leyfi til reksturs veitingastaðar, Hamborgarabúllan. Bæjarráð veitir jákvæða umsögn um erindið.

-liður 9, 1212053, beiðni um umsögn um leyfi til reksturs veitingastaðar í Tryggvaskála. Bæjarráð veitir jákvæða umsögn um erindið.

Fundargerðin staðfest.

2.

1201019 - Fundargerð félagsmálanefndar

24. fundur haldinn 19. desember

Fundargerðin staðfest.

Fundargerðir til kynningar

3.

1202030 - Fundargerð stjórnar Sambands íslenskra sveitarfélaga

802. fundur haldinn 12. desember

Lagt fram.

4.

1210167 - Fundargerðir almannavarnanefndar Árnessýslu 2012

13. fundur haldinn 14. desember

Lagt fram.

Almenn afgreiðslumál

5.

1201041 - Beiðni Kaþólsku kirkjunnar um úthlutun lóðar, svonefnt sýslumannstún

Lögð var til eftirfarandi afgreiðsla erindisins: Bæjarráð tekur jákvætt í erindið og felur skipulags- og byggingarnefnd að úthluta lóðinni þegar deiliskipulag liggur fyrir. Úthlutunin skal vera bundin því skilyrði að framsal lóðarinnar verði óheimilt.

Tillagan var borin undir atkvæði og samþykkt með tveimur atkvæðum, Eggert Valur Guðmundsson, S-lista, sat hjá og lagði fram eftirfarandi bókun:

„Í ljósi formlegrar umsóknar Kaþólsku kirkjunnar á Íslandi um lóð á Austurvegi 37 á Selfossi (sýslumannstúni) fyrir kirkju , safnaðarheimili og prestsetur, vill undirritaður minna á að afstaða fulltrúa S-lista í bæjarráði hefur ekki breyst frá 98. fundi  bæjarráðs þann 14. júní sl. þar sem undirritaður lagði fram bókun með mótatkvæði sínu. Á 98. fundi bæjarráðs var Kaþólsku kirkjunni á Íslandi veitt vilyrði fyrir lóðinni Austurvegi 37 á Selfossi  til 6 mánaða með atkvæðum fulltrúa D-lista  gegn mótatkvæði fulltrúa S-lista. Undirritaður lítur svo á að áðurnefnd vilyrði séu ekki í gildi lengur þar sem  gefið var út vilyrði til 6 mánaða en sá tímafrestur er liðinn fyrir tæpum mánuði, auk þess sem umsækjandi hefur ekki sótt um framlengingu á gildistíma vilyrðisins innan þess tímaramma sem reglur um úthlutanir lóða í Svf Árborg segja til um.“ Eggert Valur Guðmundsson, bæjarfulltrúi  S-lista.

6.

0609045 - Beiðni um samþykki Árborgar fyrir aðilaskiptum á samningi milli Engjalands ehf og Sveitarfélagsins Árborgar um framkvæmdir einkaaðila í landi Dísarstaða, Vörðuland ehf komi í stað Engjalands ehf.

Bæjarráð samþykkir aðilaskipti á samningnum og þá framkvæmdaáætlun sem lögð var fram samhliða beiðninni. Bæjarráð felur framkvæmdastjóra sveitarfélagsins að fylgjast með því að fjármögnun framkvæmda sé tryggð.

7.

1110006 - Endurskoðun - starfsmannastefna Árborgar

Bæjarráð samþykkir að endurskoða starfsmannastefnu, vinnunni verði lokið fyrir 1. maí nk. Kallað verði eftir umsögnum starfsmanna.

8.

1204044 - Kaupsamningur við Bræðurna Róbertsson ehf vegna lóðar að Austurvegi 60b til staðfestingar

Bæjarráð staðfestir samninginn.

9.

1212092 - Umsókn Stracta ehf um lóð fyrir ferðaþjónustufyrirtæki

Bæjarráð tekur jákvætt í erindið og bendir á möguleika á Stokkseyri og Eyrarbakka. Bæjarráð felur framkvæmdastjóra og skipulags- og byggingarfulltrúa að ræða við umsækjanda.

10.

1203082 - Milliuppgjör 2012

Lagt var fram 11 mánaða uppgjör.

11.

1301012 - Beiðni um niðurfellingu á fasteignagjöldum fyrir Búðarstíg 22 árið 2013

Bæjarráði er ekki heimilt skv. lögum að fella niður eða veita afslátt af fasteignagjöldum og hafnar því erindinu.

12.

1212016 - Skipan fulltrúa í stjórn þjónustusvæðis vegna málefna fatlaðra

Bæjarráð skipar Ástu Stefánsdóttur, framkvæmdastjóra sveitarfélagsins, til setu í stjórninni.

13.

1210117 - Reglur um niðurgreiðslu daggæslu barna í heimahúsum í Sveitarfélaginu Árborg

Bæjarráð staðfestir reglurnar.

Erindi til kynningar

14.

1006066 - Skýrslur Veiðimálastofnunar um fiskirannsóknir og mat á búsvæðum laxfiska

Bæjarráð vísar skýrslunum til framkvæmda- og veitustjórnar.