124. fundur bæjarráðs

Fundargerðir til kynningar

1.

1301198 - Fundargerð stjórnar Skólaskrifstofu Suðurlands

145. fundur haldinn 18. janúar

Lagt fram.

Almenn afgreiðslumál

2.

1301119 - Beiðni Sæbýlis ehf um afslátt af hitaveitugjaldi fyrir sæbjúgnaeldi fyrir árið 2013

Bæjarráð samþykkir að veita 25% afslátt af heitavatnsnotkun fyrir árið 2013 í samræmi við reglurnar.

3.

1108086 - Jafnréttisáætlun og framkvæmdaáætlun

Bæjarráð frestar afgreiðslunni til næsta fundar.

4.

1301151 - Umsögn - frumvarp til laga um náttúruvernd, heildarlög

Bæjarráð vísar erindinu til skipulags- og byggingarnefndar.

5.

1301171 - Minnisblað um mögulegt samstarf við lögreglu um uppsetningu og notkun öryggismyndavéla á Selfossi

Bæjarráð hefur í samstarfi við lögreglu skoðað möguleika á að koma upp öryggismyndavélum í sveitarfélaginu í öryggis- og forvarnaskyni. Bæjarráð samþykkir að settar verði upp þrjár öryggismyndavélar á Selfossi og vísar kostnaði til viðauka við fjárhagsáætlun. Gerður verði samstarfssamningur við lögreglu um verkefnið.

6.

1209056 - Úthlutun byggðakvóta 2012-2013

Bæjarráð samþykkir eftirfarandi sérstök skilyrði fyrir úthlutun byggðakvóta:

Sveitarfélagið Árborg.
Ákvæði reglugerðar nr. 628 frá 13. júlí 2012 gilda um úthlutun byggðakvóta Stokkseyrar og Eyrarbakka með eftirfarandi viðauka/breytingum:

a) Ákvæði b-liðar 1. mgr. 1. gr. verður svohljóðandi: Eru skráð í viðkomandi byggðarlagi 1. desember 2012.

b)        Ákvæði 1. málsl. 1. mgr. 4. gr. breytist og verður: Skipting þess aflamarks, sem nú kemur í hlut byggðarlags, auk þess aflamarks byggðarlagsins sem kann að vera eftir af úthlutun fyrra fiskveiðiárs, skal að öðru leyti fara fram til einstakra fiskiskipa sem uppfylla skilyrði 1. gr., sbr. og reglur um sérstök skilyrði fyrir úthlutun byggðakvóta í einstökum sveitarfélögum sem ráðuneytið staðfestir samkvæmt 2.-3. gr., eftir því sem við á,  og skal skipt hlutfallslega af því aflamarki sem fallið hefur til viðkomandi byggðarlags, miðað við allan landaðan botnfiskafla í tegundum sem hafa þorskígildisstuðla, í þorskígildum talið, á tímabilinu 1. september 2010 til 31. ágúst 2012.

c)        2. mgr. 4. gr. fellur brott.

d)        Ákvæði 1. og 2. málsl.  1. mgr. 6. gr. breytist og verður: Fiskiskipum er skylt að landa þeim afla sem telja á til byggðakvóta til vinnslu innan sveitarfélagsins á tímabilinu frá 1. september 2011 til 31. ágúst 2013. Aflinn skal nema , í þorskígildum talið, tvöföldu magni þess aflamarks sem þau fá úthlutað samkvæmt reglugerð þessari.

Rökstuðningur:

a)      Bæjarráð telur eðlilegt, í ljósi þess að sérstök skilyrði þess vegna

 úthlutunar byggðakvóta fyrir fiskveiðiárið 2011/2012 voru ekki

 afgreidd af sjávarútvegsráðuneytinu, með þeirri afleiðingu að byggðakvóta

 var ekki úthlutað fyrir það fiskveiðiár, að úthlutað verði aflamarki til

 skipa sem skráð voru í byggðarlaginu hinn 1. desember 2012, í stað

 1. júlí 2012.

b)      Í byggðarlögunum Eyrarbakka og Stokkseyri háttar þannig til að ekki

 er hafnaraðstaða til löndunar afla. Nauðsynlegt er því að veitt

 verði undanþága frá þeirri skyldu að afla sem fellur til á

 grundvelli byggðakvóta sé landað í viðkomandi byggðarlagi. Verði

 slík undanþága veitt verður fiskiskipum, sem fá byggðakvóta úthlutað,

 unnt að landa afla í öðrum  höfnum.

c)      Megináhersla laga nr. 116/2006 um stjórn fiskveiða og reglugerðar nr. 628/2012 um úthlutun byggðakvóta til fiskiskipa er að styrkja atvinnusköpun innan byggðarlaga sem uppfylla tiltekin skilyrði með úthlutun byggðakvóta. Í báðum byggðarlögum sveitarfélagsins sem fá úthlutað byggðakvóta eru nú reknar fiskvinnslur, tvær á Stokkseyri og ein á Eyrarbakka og því unnt að vinna afla hvors byggðarlags um sig innan viðkomandi byggðarlags. Þrátt fyrir framangreint hefur atvinnu- og nýsköpunarráðuneytið hafnað því að vinnsla afla á grundvelli byggðakvóta verði bundin við viðkomandi byggðarlög og óskar bæjarráð því eftir þeirri undanþágu að heimilað verði að vinna aflann innan sveitarfélagsins til að koma í veg fyrir að byggðakvótinn falli niður.

Bæjarráð felur framkvæmdastjóra sveitarfélagsins að leita álits umboðsmanns alþingis á málsmeðferðinni.

7.

1301154 - Málefni hjúkrunarheimila

Bæjarráð ræddi í síma við Óskar Reykdalsson, framkvæmdastjóra lækninga á HSU,  um stöðu mála.

Bæjarráð telur löngu tímabært að byggja upp hjúkrunarrými á Selfossi og ítrekar fyrri tilmæli um það. Mögulegt er að staðsetja hjúkrunarheimili í næsta nágrenni við Heilbrigðisstofnun Suðurlands og gefur það möguleika á hagkvæmum samrekstri. Sveitarfélagið er tilbúið að leggja sitt af mörkunum til að tryggja að af uppbyggingu verði. Á Selfossi er ein öflugasta heilbrigðisstofnun landsins sem nýtist vel í samrekstri og uppbyggingu á hjúkrunarrýmum.

Erindi til kynningar

8.

1301114 - Lífshlaupið 2013

Bæjarráð hvetur starfsmenn og íbúa sveitarfélagsins til að taka þátt í lífshlaupinu.