128. fundur bæjarráðs
128. fundur bæjarráðs Árborgar, kjörtímabilið 2006-2010 haldinn fimmtudaginn 12. febrúar 2009 í Setri Egils, Ráðhúsi Árborgar, Austurvegi 2, Selfossi, kl. 08:10
Mætt:
Jón Hjartarson, formaður, V-lista
Þorvaldur Guðmundsson, bæjarfulltrúi, B-lista
Eyþór Arnalds, bæjarfulltrúi, D-lista
Ragnheiður Hergeirsdóttir, bæjarstjóri
Ásta Stefánsdóttir, bæjarritari
Eyþór Arnalds, D-lista, leitaði afbrigða til að taka á dagskrá bókun um opnun verslunar á Eyrarbakka. Var það samþykkt samhljóða.
Almenn erindi
1. 0902015 - Athugasemdir eigenda Austurvegar 4 við staðsetningu umferðar- og upplýsingaskiltis við Austurveg 4
Bæjarráð felur bæjarritara að leita umsagnar lögreglu um staðsetningu stoppistöðva fyrir strætó við Austurveg
2. 0901197 - Tilfærsla 7. og 8. bekkjar úr Sunnulækjarskóla
Tillaga foreldra frá fundi 21.janúar.
Undirskriftalisti nemenda
Erindi lagt fram, bæjarráð þakkar hópnum aðkomu að málinu, afgreiðsla málsins kemur fyrir bæjarráð á næstunni.
3. 0812077 - Fyrirspurn um lóð við Heiðarbrún
Bæjarráð vísar erindinu til umsagnar umhverfis- og skipulagsnefndar og framkvæmda- og veitusviðs.
4. 0902026 - Beiðni um breytingu á leigusamningi um landið Lágteig landnr. 166147
Bæjarráð óskar upplýsinga frá starfsmönnum á umhverfis- og skipulagssviði fyrir næsta fund.
5. 0902028 - Tillaga að samningi við Hestamannafélagið Sleipni vegna uppbyggingar reiðhallar á hesthúsasvæðinu á Selfossi
Lögð voru fram drög að samningi við Hestamannafélagið. Bæjarráð felur bæjarstjóra og bæjarritara að ganga frá samningnum í samræmi við umræður á fundinum.
6. 0602010 - Afsal Búgarðabyggðar ehf vegna lands í Tjarnarbyggð, land nr. 202539 og 215375.
Bæjarráð staðfestir afsalið.
7. 0902084 - Opnun verslunar á Eyrarbakka
Eyþór Arnalds, D-lista, lagði til að bókað yrði:
Bæjarráð óskar Eyrbekkingum og aðstandednum Vesturbúðar til hamingju með áfangann. Ánægjulegt er að verslunarrekstur skuli aftur hafinn á Eyrarbakka.
Var það samþykkt samhljóða.
Fundargerð lesin upp og fundi slitið kl: 08:30
Jón Hjartarson
Þorvaldur Guðmundsson
Eyþór Arnalds
Ragnheiður Hergeirsdóttir
Ásta Stefánsdóttir
