13. fundur bæjarráðs
13. fundur bæjarráðs Árborgar, kjörtímabilið 2006-2010 haldinn 05.10.2006 í Ráðhúsi Árborgar, Austurvegi 2, Selfossi, kl. 08:10
Mætt:
Þórunn J Hauksdóttir, formaður
Margrét Katrín Erlingsdóttir, varaformaður
Gylfi Þorkelsson, bæjarfulltrúi
Jón Hjartarson, áheyrnarfulltrúi
Stefanía Katrín Karlsdóttir, bæjarstjóri
Ásta Stefánsdóttir, bæjarritari
Formaður leitaði afbrigða að taka á dagskrá bókun vegna Suðurlandsvegar. Samþykkt samhljóða.
Dagskrá:
1. Fundargerðir til staðfestingar:
0606112 |
|
|
b. |
0606107 |
|
c. |
0607048 |
|
d. |
0607019 |
|
1a) - liðir 13, 14 og 15, bæjarráð samþykkir deiliskipulagstillögurnar.
-liður 17, bæjarráð samþykkir tillögu skipulags- og byggingarnefndar.
1b) - liður 3, bæjarráð fagnar framkomnum tillögum og vísar þeim til fjárhagsáætlunargerðar fyrir árið 2007.
- liður 9, bæjarráð tekur undir tillögu leikskólanefndar.
-liður 3, bókun:
Undirritaður lýsir andstöðu við framkomna tillögu um valgreiðslur til forráðamanna barna skv. tillögu meirihluta leikskólanefndar. Valgreiðslur af þessu tagi stríða gegn hugmyndum um jafnrétti, ýta undir félagslega einangrun kvenna í láglaunastörfum, sbr. rannsóknir í nágrannalöndum okkar, ýta undir svarta atvinnustarfsemi og eru auk þess skálkaskjól meirihlutans til þess að gera engar raunverulegar úrbætur fyrir þennan aldurshóp innan veggja leikskólans. Fjármunum sem meirihlutinn ætlar til valgreiðslna er betur varið til uppbyggingar á aðstöðu fyrir ung börn inni á leikskólunum eða þá til lækkunar leikskólagjalda þeirra sem nú þegar nýta sér þjónustu leikskólans.
Jón Hjartarson, V-lista.
-liður 3, tillaga frá Gylfa Þorkelssyni, S-lista:
Bæjarráð leggur til við bæjarstjórn að leikskólagjöld í sveitarfélaginu verði lækkuð í áföngum á næstu misserum, frá 1. janúar 2007 að telja. Markmiðið væri að sveitarfélagið lækkaði gjöldin til jafns við þau sveitarfélög sem bjóða ódýrustu þjónustuna á þessu sviði. Jafnframt leggur bæjarráð til að sveitarfélagið taki fyrsta skrefið að gjaldfrjálsum leikskóla 5 ára barna með því að bjóða þeim fría þjónustu hluta úr degi frá 1. janúar 2007. Leikskólafulltrúa og framkvæmdastjóra Fjölskyldumiðstöðvar verði falið að taka saman kostnað og móta tillögur um áfangaskiptingu og tímaramma verkefnisins. Gert verði ráð fyrir kostnaði sem af þessu hlýst í fjárhagsáætlun ársins 2007, sem og í þriggja ára áætlun 2007-2009.
-liður 3, bókun:
Í málefnasamningi meirihluta bæjarstjórnar er stefnt að því að börn frá 18 mánaða aldri fái inngöngu í leikskóla. Einnig kemur fram í áðurnefndum tillögum að lækka eigi leikskólagjöld niður í einn gjaldflokk á kjörtímabilinu. Það er mat meirihluta bæjarráðs að sú aðgerð að lækka leikskólagjöld í einn gjaldflokk komi fleirum til góða en gjaldfrjáls leikskóli fyrir 5 ára börn hluta úr degi. Þess vegna hafnar meirihluti bæjarráðs tillögunni.
-liður 5, fyrirspurn frá Gylfa Þorkelssyni, S-lista:
Leggur meirihluti bæjarstjórnar blessun sína yfir stofnun nefndar um endurskoðun innritunarreglna fyrir leikskóla í Árborg? Ef svo er, hvaða tilefni er til endurskoðunar reglnanna og hvert er markmiðið? Undirritaður leggur einnig á það þunga áherslu að fulltrúar minnihlutans fái að skipa fulltrúa í vinnunefndir sem þessa, svo tryggt sé að allir kjörnir fulltrúar séu upplýstir um framgang mála og geti komið sjónarmiðum sínum að við tillögugerð.
1c) - liður 4, bæjarráð vísar málinu til gerðar fjárhagsáætlunar.
Gylfi Þorkelsson ítrekar bókun sína á fundi nefndarinnar.
Bókun:
Undirritaður telur hugmyndir um frekari uppbyggingu á aðalleikvanginum við Engjaveg á Selfossi varhugaverðar. Hann telur að frekar eigi að setja vinnu og fé í undirbúning að nýju fjölnota íþrótta- og tómstundasvæði í sveitarfélaginu, sem svari kröfum ört vaxandi sveitarfélags og standist nútímakröfur um aðgengi, fjölbreytni og þróunarmöguleika þegar til langs tíma er litið. Það er ljóst að aðstaðan við Engjaveg gefur ekki möguleika á uppbyggingu, þar sem saman fara fjölnota íþróttahús, sundlaugarmannvirki með öllu sem þeim fylgja, aðalleikvangi fyrir knattspyrnu og frjálsíþróttir og því er nauðsynlegt að huga að nýju svæði nú þegar.
Jón Hjartarson, V-lista.
1d) - liður 2, bæjarráð felur menningarnefnd að vinna tillögurnar.
Fundargerðirnar staðfestar.
2. Fundargerðir til kynningar:
0601064 |
|
|
b. |
0601091 |
|
c. |
0602102 |
|
d. |
0609111 |
|
e. |
0601067 |
|
f. |
0601124 |
|
2a) Fundargerð aðalfundar SASS, bæjarráð gerir athugasemdir við fundargerð vegna kosningar til formanns og stjórnar SASS. Bæjarstjóra er falið að koma athugasemdunum á framfæri við framkvæmdastjóra SASS.
Lagðar fram.
3. 0601078
Tillaga vinnuhóps um skipulag flutnings nemenda unglingadeildar Vallaskóla í Sunnulækjarskóla í ágúst 2007 -
Bæjarráð vísar tillögunni til skólanefndar.
4. 0412036
Reglur um félagslegar leiguíbúðir og sérstakar húsaleigubætur í Sveitarfélaginu Árborg -
Bæjarráð felur félagsmálanefnd að gefa bæjarstjórn umsögn um drög að nýjum reglum um félagslegar leiguíbúðir og sérstakar húsaleigubætur.
5. 0609108
Forkaupsréttur sveitarfélagsins að landi innan sveitarfélagsins -
Bæjarráð samþykkir að hefja undirbúning að gerð samþykktar um forkaupsrétt að lóðum og löndum innan sveitarfélagsins til þess að greiða fyrir áætlaðri þróun þess. Bæjarritara er falið að vinna að málinu.
6. 0609078
Styrkbeiðni - skólaþróunarverkefni í Vallaskóla -
Bæjarráð vísar erindinu til verkefnisstjóra fræðslumála. Bæjarráð samþykkir að gera ráð fyrir fjárveitingu til þróunarsjóðs fyrir leik- og grunnskóla Árborgar á fjárhagsáætlun 2007 og felur verkefnisstjóra fræðslumála að móta reglur um sjóðinn.
7. 0609060
Styrkbeiðni - niðurfelling á húsaleigu á stofum í Vallaskóla sumarið 2006 -
Bæjarráð samþykkir erindið.
8. 0502081
Tillaga Jóns Hjartarsonar V-lista um heildstæða skipulagsúttekt vegna legu þjóðvegar 1 í gegnum Árborg. -
Bæjarráð vísar tillögunni til starfshóps um endurskoðun aðalskipulags.
9. 0609044
Svör við fyrirspurnum - Svar við fyrirspurn Gylfa Þorkelssonar, S-lista, og Jóns Hjartarsonar, V-lista, á fundi bæjarráðs 14.09.06 um sölu félagslegra leiguíbúða og sérstakar húsaleigubætur.
1. Á síðasta kjörtímabili var ákveðið að selja 11 félagslegar leiguíbúðir og átti sala á tveimur íbúðum sér stað í kjölfarið. Núverandi meirihluti hefur ákveðið að hefja sölu á þeim félagslegu leiguíbúðum sem ákveðið var að selja á síðasta kjörtímabili, þ.e. þeim níu íbúðum sem voru á sölulista. Sala þessara níu íbúða mun eiga sér stað á næstu mánuðum og misserum, þegar þær losna úr leigu.
2. Sérstakar húsaleigubætur verða teknar upp í kjölfar sölu íbúða. Eins og staðan er í dag þá má reikna með að tíu umsækjendur um félagslegar leiguíbúðir hafi rétt til sérstakra húsaleigubóta. Áætlanir gera ráð fyrir að kostnaður sveitarfélagsins vegna þessa nemi allt að 35.000 krónum á mánuði til viðbótar hefðbundnum húsaleigubótum á einstakling sem rétt á.
3. Þeir sem nú eru á biðlista eftir félagslegu leiguhúsnæði og eru í brýnustu þörfinni munu hljóta sérstakar húsaleigubætur. Ekki verður séð að biðlistar lengist við sölu þessara íbúða og upptöku sérstakra húsaleigubóta. Ef skoðuð er hámarksfjárhæð og tekjumörk vegna sérstakra húsaleigubóta sem lagt er upp með í sveitarfélaginu Árborg má sjá að um er að ræða hærri hámarksfjárhæð og rýmri tekjumörk en til dæmis í Reykjavík. Biðlistar eftir félagslegu leiguhúsnæði eru ávallt til staðar í sveitarfélögum og er það eins hér í Árborg. Sveitarfélagið Árborg er ört stækkandi sveitarfélag sem veitir íbúum sínum þjónustu í fremstu röð og eru sérstakar húsaleigubætur kærkomin viðbót við hana.
10. 0504045
Tvöföldun Suðurlandsvegar -
Bæjarráð Árborgar fagnar orðum forsætisráðherra sem fram komu í stefnuræðu hans á Alþingi, um að ráðast nú þegar í sérstakt átak til úrbóta á umferðaræðum út frá Reykjavík. Í þessu sambandi ítrekar bæjarráð nauðsyn þess að Suðurlandsvegur verði tvöfaldaður hið fyrsta.
11. Erindi til kynningar:
a) 0409013
Bygging hjúkrunardeildar við HSS - niðurstaða gerðardóms.
Bréf Sambands íslenskra sveitarfélaga lagt fram til kynningar.
b) 0609106
Ársskýrsla Heilbrigðisstofnunar Suðurlands 2005 -
Skýrslan liggur frammi á skrifstofu bæjarstjóra.
c) 0609123
Ársskýrsla umboðsmanns barna 2005 -
Skýrslan liggur frammi á skrifstofu framkvæmdastjóra Fjölskyldumiðstöðvar.
Fundargerð lesin upp og fundi slitið kl: 9:15.
Þórunn J Hauksdóttir
Margrét Katrín Erlingsdóttir
Gylfi Þorkelsson
Jón Hjartarson
Stefanía Katrín Karlsdóttir
Ásta Stefánsdóttir
