13. fundur félagsmálanefndar
13. fundur félagsmálanefndar, kjörtímabilið 2006-2010 haldinn 16.04.2007 í Norðursal, Ráðhúsi Árborgar, Austurvegi 2, Selfossi, kl. 17:15
Mætt:
Kristín Eiríksdóttir, formaður, B-lista
Olga Sveinbjörnsdóttir, nefndarmaður V-lista
Guðmundur B. Gylfason, nefndarmaður D-lista
Bjarnheiður Ástgeirsdóttir, nefndarmaður D-lista
Katrín Ósk Þorgeirsdóttir, varamaður S-lista
Einnig sátu fundinn Guðlaug Jóna Hilmarsdóttir, verkefnisstjóri félagslegra úrræða, Anný Ingimarsdóttir, verkefnisstjóri félagslegra ráðgjafar sem ritaði fundagerð og Edda Lára Lárusdóttir, félagsráðgjafarnemi.
Katrín Ósk Þorgeirsdóttir kemur sem varamaður fyrir Þórunni Elvu Bjarkadóttur (S).
Olga Sveinbjörnsdóttir og Katrín Ósk Þorgeirsdóttir, skrifuðu undir drengskaparheit. Kristín Eiríksdóttir leitaði afbrigða frá auglýstri dagskrá vegna kynningar Eddu Láru Lárusdóttur á viðhorfskönnun var það samþykkt samhljóða.
Dagskrá:
1. 0704033
Húsnæðismál - trúnaðarmál -
fært í trúnaðarbók
2. 0704041
Málefni fatlaðra - trúnaðarmál -
fært í trúnaðarbók
3. 0702081
Forvarnarmál - trúnaðarmál -
fært í trúnaðarbók
4. 0701121
Hagir og líðan ungs fólks í Árborg - niðurstöður rannsókna meðal nemenda 8.,9. og 10 bekk í Árborg vorið 2006 - http://www.arborg.is
Félagsmálanefnd tekur undir bókun íþrótta-og tómstundarnefndar Árborgar frá 21. mars sl. Einnig vill Félagsmálanefnd benda á að rannsóknir hafa sýnt að umhyggja foreldra og eftirlit þeirra með unglingum tengist minni líkum á vímuefnanotkun unglinga. Þá hafa rannsóknir sýnt að jákvæð tengsl séu milli stuðnings og aðhalds foreldra og námsárangurs barna/unglinga. Unglingar sem eiga í sterkum, jákvæðum tengslum við foreldra sína eru alla jafna líklegri til að ganga betur í skóla en þeir sem eiga í síðra sambandi við foreldra sína. Þeir eru einnig líklegri til að líða vel í skólanum. Í skýrslunni Hagir og líðan ungs fólks í Árborg kemur fram að 43% drengja í Árborg segjast nær alltaf vera með foreldrum sínum um helgar og 35% stúlkna svara því að þær séu oft eða nær alltaf með foreldrum sínum. Þessar upplýsingar lýsa jákvæðri þróun í samskiptum foreldrar og barna. Félagsmálanefnd Árborgar fagnar þessum niðurstöðum og hvetur foreldra til þess að stuðla að enn frekari samvistartíma og samveru með börnum og unglingum, þar sem samvera unglinga með foreldrum og fjölskyldu hafi margvísleg jákvæð árhif í lífi þeirra.
5. 0703055
Mótum framtíð -þjónusta við fötluð börn og fullorðna 2007-2016 -
Nefndin ákvað að fresta umfjöllun um skýrsluna til næsta fundar þann 14. maí nk.
6. 0704032
Daggæslumál - fjöldi barna sem eru hjá dagforeldrum í Árborg og aldur þeirra - Fyrirspurn frá Guðmundi B. Gylfasyni (D)
Þann 1. apríl sl. voru 63 börn hjá dagforeldrum, 37 strákar og 26 stelpur. Aldur barnanna er frá 6 mánaða til 4,5 ára en flest börnin eru yngri en 2ja ára eða 60. Dvalartími hjá hverju barni er mismunandi allt frá 4 tímum upp í 10 tíma. Meðaldvalartími barna hjá dagforeldri eru 5-8 tímar.
Erindi til kynningar:
a) 0703116
Námsstefna - ættleiðingarmál -
Námstefna Dóms-og Kirkjumálaráðuneytisins var haldin á hótel Sögu þann 30. mars 2007. Minnispunktar lagðir fram til kynningar.
b) 0701013
Fundargerðir þjónustuhóps aldraðra 2007 - 152. fundur
Félagsmálanefnd tekur undir 4. lið í fundargerð og ítrekar mikilvægi þess að hjúkrunarfræðingur sé til staðar á hjúkrunarheimili. Með því að vera með hjúkrunarrými þá skuldbindur heimilið sig til þess að sinna þeirri þjónustu sem því fylgir.
c) 0704047
Jafnréttismál - fundur Fjarðabyggð 4.-5. júlí 2007 -
Landsfundur jafnréttisnefnda verður haldin í Fjarðabyggð 4.-5. júní nk. Dagskrá liggur ekki fyrir. Fundurinn verður auglýstur nánar síðar.
d) 0704077
Viðhorf notenda til þjónustu Fjölskyldumiðstöðvar Árborgar -
Edda Lára Lárusdóttir, félagsráðgjafanemi kynnti niðurstöðu viðhorfskönnunar meðal notenda til þjónustu Fjölskyldumiðstöðvar Árborgar á sviði félagslegrar ráðgjafar og félagslegra úrræða. Er þetta verkefni liður í starfsþjálfun hennar hjá Fjölskyldumiðstöð Árborgar. Í könnun hennar kemur fram að fólk er almennt ánægt með viðmót og þá þjónustu sem það fær á ofangreindum sviðum. Nefndin vill þakka Eddu fyrir upplýsingar og þakka henni fyrir samveruna og óskar henni góðs gengis í framtíðinni.
Fundargerð lesin upp og fundi slitið kl: 19:15
Kristín Eiríksdóttir
Anný Ingimarsdóttir
Olga Sveinbjarnardóttir
Guðlaug J. Hilmarsdóttir
Guðmundur B. Gylfason
Edda Lára Lárusdóttir
Katrín Ósk Þorgeirsdóttir
Bjarnheiður Ástgeirsdóttir
