13. fundur fræðslunefndar
13. fundur fræðslunefndar Árborgar, kjörtímabilið 2010-2014, haldinn fimmtudaginn 15. september 2011 í Norðursal, Ráðhúsi Árborgar, Austurvegi 2, Selfossi, kl. 17:15
Mætt:
Sandra Dís Hafþórsdóttir, formaður, D-lista,
Grímur Arnarson, nefndarmaður, D-lista,
Brynhildur Jónsdóttir, nefndarmaður, D-lista,
Andrés Rúnar Ingason, nefndarmaður, V-lista,
Arna Ír Gunnarsdóttir, nefndarmaður, S-lista,
Birgir Edwald, fulltrúi skólastjóra,
Guðrún Thorsteinsson, fulltrúi kennara,
Helga Geirmundsdóttir, fulltrúi leikskólastjóra,
Málfríður Garðarsdóttir, fulltrúi foreldra,
Linda Rut Ragnarsdóttir, fulltrúi foreldra,
Þorsteinn G Hjartarson, fræðslustjóri.
Formaður leitaði afbrigða til að taka á dagskrá trúnaðarmál.Samþykkt samhljóða.
Dagskrá:
1. 1008823 - Kynning á niðurstöðum úttektar á Sunnulækjarskóla
http://www.sunnulaekjarskoli.is/vefsidan/Data/MediaArchive/pdf/innra_mat/uttekt_mmrn_sls.pdf
Birgir Edwald, skólastjóri Sunnulækjarskóla, kynnti úttektina og umbótaáætlun skólans. Úttektin leiðir í ljós að mjög faglegt starf er unnið í Sunnulækjarskóla og styrkleikar skólans margir. Nýleg umbótaáætlun sýnir að þeir sem í skólanum starfa ætla að nýta ábendingar úttektaraðila til að efla hið góða skólastarf enn frekar. Einnig var sjálfsmatsskýrsla 2010-2011 lögð fram og kynnt.
2. 1109098 - Endurskoðun á skólastefnu Sveitarfélagsins Árborgar
Fræðslunefnd felur fræðslustjóra í samstarfi við formann að undirbúa fyrsta stefnumótunarfund vegna endurskoðunarvinnu við skólastefnu Árborgar. Helstu hagsmunaaðilar verði boðaðir, svo sem foreldrar, nemendur, skólastjórnendur, kennarar og annað starfsfólk leikskóla og grunnskóla, sem og fulltrúar í fræðslunefnd og annað áhugafólk um skólamál. Fundurinn verði byggður þannig upp að virkni þátttakenda verði mikil, til að mynda með litlum umræðuhópum.
3. 1102074 - Skólavogin
Sandra Dís Hafþórsdóttir, Birgir Edwald og Þorsteinn Hjartarson, nýráðinn fræðslustjóri, sóttu kynningarfund um Skólavogina sem var haldinn 5. september síðastliðinn. Fræðslustjóri lagði fram minnisblað sem var unnið úr gögnum fundarins.
4. 1109097 - Verkefna- og starfslýsing fræðslustjóra
Farið yfir kynningarblað þar sem fjallað er um hlutverk og helstu verkefni fræðslustjóra. Fræðslunefnd fagnar ráðningu Þorsteins Hjartarsonar og býður hann velkominn til starfa.
5. 1109100 - Skólaheimsóknir fræðslunefndar
Fræðslustjóra falið að skipuleggja skólaheimsóknir fræðslunefndar í leikskóla og grunnskóla Árborgar í vetur.
6. 1109101 - Samningur - talþjálfun leik- og grunnskólabarna
Fræðslustjóri og félagsmálastjóri hafa átt fund með Hólmfríði Árnadóttur, talmeinafræðingi, þar sem farið var yfir stöðu mála í talþjálfun leikskóla- og grunnskólabarna í Árborg. Hólmfríður mun áfram sinna ýmsum talþjálfunarverkefnum samkvæmt nýjum samningi sem verður undirritaður næstu daga.
7. 1109102 - Ný aðalnámskrá grunnskóla
Nýlegt bréf frá mennta- og menningarmálaráðuneytinu til grunnskóla vegna nýrrar aðalnámskrár grunnskóla lagt fram til kynningar.
8. 1003034 - Velferðarvaktin - velferð barna á krepputímum
Bréf lagt fram til kynningar.
9. 1109103 - Skýrsla um málumhverfi og lestrarnám barna
Í skýrslunni (2011), sem er unnin fyrir mennta- og menningarmálaráðuneytið, kemur m.a. fram að í flestum þeim 10 leikskólum sem voru teknir til skoðunar er markviss málörvun mjög tengd lestrarnáminu, fyrst og fremst þjálfun hljóðkerfisvitundar og eflingu orðaforða, enda benda rannsóknir til að þessi atriði hafi forspárgildi um gengi í lestrarnámi.
10. 1109104 - 30 ára afmæli FSU
Fræðslunefnd fagnar þessum tímamótum hjá Fjölbrautaskóla Suðurlands sem er fyrir löngu orðinn eitt helsta stolt íbúa í Árborg og annarra Sunnlendinga. Það er eftirtektarvert að í öll þessi 30 ár hefur skólinn stöðugt verið að þróa skólastarfið eins og vegleg afmælisdagskrá skólans, sýningar og uppistand sýndu svo vel 13. september síðastliðinn.
11. 1109120 - Trúnaðarmál
Formaður gerði grein fyrir málinu.
Fundargerð lesin upp og fundi slitið kl: 19:20
Sandra Dís Hafþórsdóttir
Grímur Arnarson
Brynhildur Jónsdóttir
Andrés Rúnar Ingason
Arna Ír Gunnarsdóttir
Birgir Edwald
Guðrún Thorsteinsson
Helga Geirmundsdóttir
Málfríður Garðarsdóttir
Linda Rut Ragnarsdóttir
Þorsteinn G Hjartarson
