139. fundur bæjarráðs

Fundargerðir til staðfestingar

1.

1301007 - Fundargerð framkvæmda- og veitustjórnar

53. fundur haldinn 29. apríl

Fundargerðin staðfest.

2.

1301010 - Fundargerð skipulags- og byggingarnefndar

36. fundur haldinn 30. apríl

-liður 7, mál nr. 1205364, tillaga að deiliskipulagi miðbæjarins á Selfossi. Bæjarráð samþykkir að tillagan verði auglýst.

-liður 8, mál nr. 1302218, tillaga að deiliskipulagi Sandvíkurseturs. Bæjarráð samþykkir að tillagan verði auglýst.

-liður 9, mál nr. 120767, tillaga að skipulagslýsingu vegna fyrirhugaðrar breytingar á aðalskipulagi. Bæjarráð samþykkir að hætt verði við fyrirhugaða aðalskipulagsbreytingu vegna athugasemda íbúa á svæðinu. Áfram verður unnið að lausn mála hvað varðar reiðleiðir út úr hesthúsahverfinu.

-liður 11, mál nr. 1110130, umsókn um að fá úthlutað lóð á gatnamótum Biskupstungnabrautar og Suðurlandsvegar undir ferðamanna- og þjónustumiðstöð. Bæjarráð bendir á að það sé forsenda úthlutunar lóðar á svæðinu að fyrir liggi hver endanleg veglína Suðurlandsvegar verði.

Fundargerðin staðfest.

Fundargerðir til kynningar

3.

1303083 - Fundargerð Byggðasafns Árnesinga

18. fundur haldinn 12. apríl

Lagt fram.

4.

1301266 - Fundargerð stjórnar SASS

466. fundur haldinn 26. apríl

Lagt fram.

Almenn afgreiðslumál

5.

1211126 - Ný samþykkt um stjórn Sveitarfélagsins Árborgar

Eggert Valur Guðmundsson, S-lista, lagði fram eftirfarandi bókun:

Bókun vegna endurskoðunar um stjórnar og samþykkta Svf Árborgar.

„Undirritaður hvetur fulltrúa meirihlutans til þess að endurskoða þá ákvörðun sína að fækka bæjarfulltrúum úr níu  í sjö áður en samþykktirnar koma til endanlegrar afgreiðslu í bæjarstjórn. Það er skoðun undirritaðs að með því að fækka bæjarfulltrúunum myndist verulegur lýðræðishalli og geri nýjum og minni framboðum erfiðara fyrir að koma sínum skoðunum á framfæri. Það á að vera þannig að fulltrúalýðræðið endurspegli vilja kjósenda. Verkefni sveitarfélaga hafa verið að aukast á undanförnum árum og stöðugt fleiri lögbundin verkefni að færast til sveitarfélaganna. Þannig hlýtur það að vera rangt að á sama tíma og verkefnunum fjölgar sem bæjarfulltrúar bera ábyrgð á, þá tekur meirihluti D lista þá ákvörðun um að fækka þeim sem  eru ábyrgir fyrir afgreiðslu fjölda mála.“

Eggert Valur Guðmundsson, fulltrúi S- lista

Þórdís Eygló Sigurðardóttir, V-lista, tók undir bókun Eggerts.

Helgi S. Haraldsson, B-lista, lagði fram eftirfarandi bókun:

„Enn og aftur ítreka ég mótmæli mín við þeirri  ákvörðun meirihluta Sjálfstæðismanna í upphafi kjörtímabilsins að breyta samþykktum sveitarfélagsins, með því að fækka bæjarfulltrúum úr níu í sjö.  Nú er verið að endurskoða samþykktirnar og færa til samræmis við ný sveitarstjórnarlög og því tel ég fulla ástæðu til að fjölga kjörnum fulltrúum aftur í níu.  Í nýjum sveitarstjórnarlögum, í grein 11, er farið yfir fjölda fulltrúa í sveitarstjórnum og hver fjöldi þeirra skal vera.  Þar er tekið fram að sveitarfélag með íbúa frá 2000-9999 manns skuli vera  7-11 aðalmenn.  Þar sem sveitarfélagið Árborg er með tæplega 8000 íbúa skýtur það verulega skökku við að vilja hafa kjörna fulltrúa til samræmis við lægri tölu þess lágmarks sem eru 2000 manns.  Miðað við þessi viðmið væri eðlilegast að þeir væru níu eins og nú er en ekki fækkað í sjö.“ 

Helgi S Haraldsson, áheyrnarfulltrúi B-lista.

Samþykktirnar verða lagðar fyrir bæjarstjórn til fyrri umræðu á næsta bæjarstjórnarfundi.

6.

1304430 - Frítt í strætó fyrir grunnskólabörn

Bæjarráð samþykkir að frá og með 1. júní nk. verði frítt í strætó fyrir börn í grunnskólum Árborgar hvað varðar ferðir innan sveitarfélagsins. Kostnaði við niðurgreiðslu fargjalda, 30.000 kr. á mánuði, er vísað til viðauka við fjárhagsáætlun. Bæjarráð felur framkvæmdastjóra að vinna að útfærslu málsins.

7.

1304423 - Áskorun íbúa við Engjaveg um að setja upp hraðahindrun á Engjaveg milli Tryggvagötu og Eyravegar

Bæjarráð þakkar ábendinguna og vísar erindinu til framkvæmda- og veitustjórnar.

8.

1304337 - Beiðni Icefitness ehf um styrk vegna Skólahreysti 2013

Bæjarráð sér sér ekki fært að verða við erindinu.

9.

1305044 - Beiðni Sýslumannsins á Selfossi um umsögn um breytingu á rekstrarleyfi - Hamborgarabúlla Tómasar, beiðni um umfangslítinn áfengisveitingastað

Bæjarráð vísar erindinu til umsagnar skipulags- og byggingarnefndar.

10.

1305072 - Trúnaðarmál

Fært í trúnaðarbók.

11.

1104257 - Samningar milli Gráhellu ehf., Sveitarfélagsins Árborgar og Smíðanda ehf um frágang og uppgjör vegna Gráhelluhverfis

Bæjarráð staðfestir samningana.

12.

1305093 - Beiðni Sýslumannsins á Selfossi um umsögn um rekstrarleyfisumsókn - 800 Bar/Bistro Eyravegi 2

Bæjarráð veitir jákvæða umsögn um erindið.

Erindi til kynningar

13.

1305023 - Friðun Tryggvaskála

Lagt fram bréf Minjastofnunar Íslands um friðun Tryggvaskála.

14.

1007011 - Safn mjólkuriðnaðarins á Selfossi, tilkynning Menningarráðs Suðurlands um styrk

Bæjarráð fagnar því að Menningarráð Suðurlands hefur veitt styrk til mjólkuriðnaðarsafns á Selfossi.

15.

1202261 - Söfnun upplýsinga um sögu húsa í Sveitarfélaginu Árborg

Bæjarráð fagnar því að Menningarráð Suðurlands hefur veitt styrk til verkefnis um söfnun upplýsinga um húseignir í Sveitarfélaginu Árborg.