156. fundur bæjarráðs Árborgar

Fundargerðir til staðfestingar

1.

1301011 - Fundargerð íþrótta- og menningarnefndar

10. fundur haldinn 9. október

Bæjarráð felur framkvæmdastjóra sveitarfélagsins að rita Frjálsíþróttasambandi Íslands bréf vegna frjálsíþróttaleikvangsins á Selfossi og hugmyndar um að gera hann að þjóðarleikvangi Íslendinga.

Eggert Valur Guðmundsson, S-lista, lagði fram eftirfarandi bókun:

"Undirritaður fagnar sérstaklega bókun íþrótta- og menningarnefndar er varðar beiðni nefndarinnar um að bæjarstjórn hlutist til um að hafnar verði viðræður við Frjálsíþróttasamband Íslands um að gera íþróttaleikvanginn á Selfossi að þjóðarleikvangi. Þetta sýnir svo ekki verður um villst að uppbygging íþróttamannvirkja mörg undanfarin ár í sveitarfélaginu hefur skilað þeim árangri að íþróttaaðstaðan í sveitarfélaginu er með því besta sem í boði er hér á landi."

Fundargerðin staðfest.

2.

1301007 - Fundargerðir framkvæmda- og veitustjórnar

60. fundur haldinn 9. október 61. fundur haldinn 10. október 62. fundur haldinn 11. október

-liður 3, fjárhagsáætlun 2014, gjaldskrá Selfossveitna. Bæjarráð vísar tillögunni til bæjarstjórnar.

Fundargerðirnar staðfestar.

3.

1301009 - Fundargerð fræðslunefndar 2013

37. fundur haldinn 10. október

Fundargerðin staðfest.

Fundargerðir til kynningar

4.

1302226 - Fundargerðir fagráðs Brunavarna Árnessýslu 2013

3. fundur haldinn 30. september 4. fundur haldinn 7. október

Fundargerðirnar lagðar fram.

Almenn afgreiðslumál

5.

1310043 - Fyrirspurn - vinabæjartengsl við Palmer Alaska

Bæjarráð felur framkvæmdastjóra sveitarfélagsins að svara erindinu, ekki stendur til að auka vinabæjarstarf.

6.

1305058 - Upplýsingar frá Íbúðalánasjóði um íbúðir í eigu sjóðsins

Bæjarráð vekur athygli á því hve margar íbúðir í eigu Íbúðalánasjóðs eru auðar í sveitarfélaginu, eða 78 íbúðir, sem er talsvert umfram landsmeðaltal. Löngu er tímabært að koma þessum íbúðum á markað með einum eða öðrum hætti. Ítrekar bæjarráð þá skoðun sína að koma verði íbúðunum í leigu eða sölu sem allra fyrst og mun fylgjast með framvindu mála. Þessi mál hafa verið í ófremdarástandi alltof lengi.

7.

1309180 - Gerð jafnlaunakönnunar fyrir Sveitarfélagið Árborg, tilboð í verkið

Bæjarráð samþykkir að taka tilboði Capacent Gallup í gerð jafnlaunakönnunar. Lagt er til við bæjarstjórn að samþykktur verði viðauki við fjárhagsáætlun að fjárhæð kr. 740.450,- vegna kostnaðar við verkið.

8.

1204105 - Málefni Leigubústaða

Bæjarráð felur framkvæmdastjóra að vinna samþykktir fyrir breytt félagaform Leigubústaða Árborgar.

9.

1310064 - Styrkbeiðni - starfsemi Landsbyggðin lifi

Bæjarráð sér sér ekki fært að verða við erindinu.

10.

1308004 - Erindi frá safnstjóra varðandi viðhald á húseignum Sjóminjasafnsins á Eyrarbakka og opnunartíma árið 2014

Bæjarráð vísar erindinu til vinnu við fjárhagsáætlunargerð fyrir árið 2014.

11.

1309177 - Beiðni allsherjar- og menntanefndar um umsögn - tillaga til þingsályktunar um leikskóla að loknu fæðingarorlofi

Lagt fram.

12.

1310079 - Beiðni um aukið fjárframlag vegna breytts fyrirkomulags skólaaksturs í Tjarnabyggð og dreifbýli í kringum Selfoss

Bæjarráð samþykkir erindið og leggur til við bæjarstjórn að samþykktur verði viðauki við fjárhagsáætlun að fjárhæð kr. 400 þúsund vegna kostnaðarauka á þessu ári.

13.

1303078 - Fundartímar bæjarráðs 2013

Bæjarráð samþykkir að fella niður fund bæjarráðs í næstu viku vegna ársþings SASS.