17. fundur bæjarstjórnar
17. fundur bæjarstjórnar Árborgar, kjörtímabilið 2006-2010, haldinn miðvikudaginn 10. apríl 2007 kl. 17.00 í Ráðhúsi Árborgar, Selfossi.
Neðanskráðir bæjarfulltrúar eru mættir:
Margrét K. Erlingsdóttir B listi
Kristín Eiríksdóttir B listi, varamaður Þorvaldar Guðmundssonar
Ragnheiður Hergeirsdóttir S listi
Gylfi Þorkelsson S listi
Jón Hjartarson, V listi
Þórunn Jóna Hauksdóttir D listi
Snorri Finnlaugsson D listi
Grímur Arnarson D listi, varamaður Eyþórs Arnalds
Elfa Dögg Þórðardóttir D listi,
Auk þess situr fundinnÁsta Stefánsdóttir, bæjarritari, sem ritar fundargerð.
Dagskrá:
I. Fundargerðir:
1. a) 0703038
Framkvæmda- og veitustjórn frá 07.03.07
b) 0701068
Skipulags- og byggingarnefnd frá 08.03.07
c) 36. fundur bæjarráðs - 0701016 frá 15.03.07
2. a) 0701012
Skólanefnd frá 22.03.07
b) 0701012
Félagsmálanefnd frá 12.03.07
c) 0504050
Bygginganefnd BES frá 16.03.07
d) 0701016
37. fundur bæjarráðs frá 22.03.07
3. a)0701062
Leikskólanefnd frá 21.03.07
b) 0701118
Íþrótta- og tómstundanefnd frá 21.03.07
c) 0701068
Skipulags- og byggingarnefnd frá 22.03.07
d) 0701016
38. fundur bæjarráðs frá 29.03.07
-liður 1 c) 36. fundur bæjarráðs 15.03.07- liður 3,
Þórunn Jóna Hauksdóttir, D-lista tók til máls.
-liður 2 d) 37. fundur bæjarráðs 22.03 – liður 6:
Þórunn Jóna Hauksdóttir, D-lista, tók til máls.
-liður 2 d) 37. fundur bæjarráðs 22.03 -liður 5
Þórunn Jóna Hauksdóttir, D-lista lagði fram svohljóðandi bókun:
Bæjarfulltrúar D-lista harma þá ákvörðun meirihluta bæjarstjórnar að verja ekki fé til hátíðarinnar Vors í Árborg 2007. Frá því í nóvember hafa bæjarfulltrúarnir lýst vilja sínum til að hátíðin verði haldin.
- liður 3d) 38. fundur bæjarráðs 29. mars 2007, -liður 1 d)
Margrét K. Erlingsdóttir, B-lista, vék af fundi við afgreiðslu á 11. lið fundargerðar skipulags- og byggingarnefndar og Ármann Ingi Sigurðsson kom á fundinn við afgreiðslu þess liðar.
11.liður fundargerðarinnar var borinn sérstaklega undir atkvæði og samþykktur samhljóða.
Ármann Ingi vék af fundi að því loknu og Margrét kom aftur inn á fundinn.
-liður 3d) 38. fundur bæjarráðs 29.03 – liður 4:
Þórunn Jóna Hauksdóttir, D-lista, tók til máls og lagði fram svohljóðandi fyrirspurn:
Núverandi meirihluti tók þá ákvörðun að hægt er að þiggja sérstakar húsaleigubætur og líka vera á biðlista eftir félagslegu húsnæði. Þetta skýrir að hluta til biðlista eftir félagslegu húsnæði. Hefur meirihlutinn í hyggju að fjölga félagslegum leiguíbúðum í eigu Sveitarfélagsins Árborgar?
-liður 3d) 38. fundur bæjarráðs 29.03 – liður 10:
Snorri Finnlaugsson, D-lista, tók til máls og lagði fram svohljóðandi tillögu:
Tillaga fulltrúa D-lista.
Bréf HSK fjallar um tillögur sem samþykktar voru á 85. héraðsþingi sambandsins og beint er til sveitarfélaga. Jafnframt segir í bréfinu “vinsamlegast takið efni ofangreindrar tillögu til umfjöllunar”.
Bæjarstjórn samþykkir að verða við ósk bréfritara og vísar efni bréfsins til íþrótta- og tómstundanefndar til umfjöllunar.
Bæjarfulltrúar D-lista
Gert var fundarhlé.
Þórunn Jóna Hauksdóttir, D-lista, tók til máls.
Tillagan var borin undir atkvæði og samþykkt samhljóða.
-liður 3d) 38. fundur bæjarráðs 29.03.07, -liður 4
Þórunn Jóna Hauksdóttir, D-lista, tók til máls og lagði fram svohljóðandi bókun:
Bæjarfulltrúar D-lista skilja nauðsyn þess að fara í 70 m. kr. viðgerðir á félagslegu húsnæði í eigu Árborgar þar sem ekki er vilji hjá meirihlutanum til að selja félagslegar íbúðir eins og fyrrverandi meirihluti B- og D-lista hafði ákveðið. Bæjarfulltrúar D-lista hefðu viljað sjá þá ákvörðun í framkvæmd.
-liður 3 d) 38. fundargerð bæjarráðs 29.03.07, - liður 12
Snorri Finnlaugsson, D-lista, tók til máls og lagði fram svohljóðandi tillögu:
Á fundi bæjarráðs er lögð fram bókun frá meirihluta bæjarráðs um að “bæjarráð samþykki o.s.frv.” Ekki getur verið um afgreiðslu bæjarráðs að ræða þar sem engin tillaga var lögð fram og borin undir atkvæði. Bókun getur aldrei falið í sér ákvarðanir bæjarráðs eins og fram koma um að bæjarstjóra séu falin tiltekin verkefni og þess háttar.
Við leggjum því til að tillaga um það sem felst í áðurnefndri bókun verði lögð fram og tekin til afgreiðslu bæjarstjórnar á þessum fundi.
Bæjarfulltrúar D-lista
Bæjarstjóri tók til máls og tók undir orð Snorra.
Tillaga fulltrúa D-lista var borin undir atkvæði og samþykkt samhljóða.
Forseti bæjarstjórnar lagði fram eftirfarandi tillögu:
Meirihluti bæjarstjórnar samþykkir að hafinn verði formlegur undirbúningur að samstarfi milli sveitarfélagsins og FAAS um að koma á fót dagdvöl fyrir alzheimersjúklinga í Sveitarfélaginu Árborg. Bæjarstjóra er falið að rita bréf til heilbrigðisráðuneytis þar sem fram komi að Árborg muni leggja til húsnæði fyrir starfsemina. Bæjarstjóra, ásamt framkvæmdastjórum sviða er falið að vinna málinu framgang í samráði við bæjarráð.
Snorri Finnlaugsson, D-lista, tók til máls.
Tillagan var borin undir atkvæði og samþykkt samhljóða.
-liður 3 d) 38. fundargerð bæjarráðs 29.03.07, - liður 9
Þórunn Jóna Hauksdóttir, D-lista, tók til máls og lagði fram svohljóðandi tillögu:
Bréf HSK fjallar um landsmót UMFÍ 2012 og uppbyggingu íþróttamannvirkja. Í bréfinu segir “Vinsamlegast takið efni ofangreindrar tillögu til umfjöllunar.”
Bæjarstjórn samþykkir að verða við ósk bréfritara og vísar efni bréfsins til íþrótta- og tómstundanefndar og starfshóps um uppbyggingu íþróttamannvirkja til umfjöllunar.
Gert var fundarhlé.
Tillagan var borin undir atkvæði og samþykkt samhljóða.
Fundargerðirnar voru bornar undir atkvæði að undanskildu því sem þegar hafði verið afgreitt. Voru þær staðfestar samhljóða.
II. Önnur mál
1. 0704035
Tillaga bæjarfulltrúa D-lista um stofnun samráðshóps um innra starf leikskólans við Leirkeldu.
Þórunn Jóna Hauksdóttir, D-lista, fylgdi svohljóðandi tillögu úr hlaði:
Bæjarstjórn leggur til að stofnaður verið samráðshópur um innra starf leikskólans í Leirkeldu í suðurbyggð á Selfossi. Í hópnum munu starfa fulltrúi meirihlutans, fulltrúi minnihlutans, framkvæmdastjóri framkvæmda- og veitusviðs, leikskólastjórar Ásheima og Glaðheima og leikskólafulltrúi, en sá síðastnefndi mun jafnframt stýra starfi hópsins.
Greinagerð: Tekin hefur verið ákvörðun um að byggja leikskóla í Leirkeldu í Suðurbyggð á Selfossi. Leikskóli er ekki bara húsnæði fullt af börnum og leikskólakennurum. Í leikskólum Árborgar er til að mynda þróttmikið innra starf og öflug kennsla yngstu íbúa Árborgar. Mikilvægt er að húsnæði nýja leikskólans falli sem best að því starfi sem á að vinna í leikskólanum til framtíðar. Nauðsynlegt er að álit og vilji fagfólks um stefnu leikskólans komi fram strax og verði haft til hliðsjónar við frekari ákvarðanir og framkvæmdir. Eðlilegt er að leikskólastjórar þeirra leikskóla sem nauðsynlega þarfnast nýs húsnæðis, sitji í hópnum – þ.e. leikskólastjórar Ásheima og Glaðheima. Svo flæði upplýsinga sé sem best er lagt til að meirihluti og minnihluti bæjarstjórnar eigi fulltrúa í samráðshópnum ásamt þeim embættismönnum sem hafa með málið að gera.
Bæjarstjóri tók til máls og lagði til að tillögunni yrði vísað frá.
Greinargerð með frávísunartillögu vegna samráðshóps:
Á dagskrá bæjarráðs á morgun, fimmtudaginn 12. apríl, er tillaga um fyrirkomulag framkvæmda vegna byggingar nýs leikskóla við Leirkeldu á Selfossi. Næsta skref er að skipuleggja með hvaða hætti verði unnin stefnumörkun fyrir innra starf í hinum nýja leikskóla og því ótímabært að afgreiða tillögu sem þessa. Meirihlutinn hefur auk þess efasemdir um að rétt sé að skipa tvo pólitíska fulltrúa í þessa undirbúningsvinnu vegna innra starfs skólans. Um er að ræða tillögugerð um faglegar áherslur í starfi sem eðlilegt er að sé í höndum fagaðila fremur en pólitískt kjörinna fulltrúa. Eðlilegt er að pólitískt kjörnir fulltrúar tilnefni fagaðila í faghóp til skipulagningar innra starfs, fremur en að sitja þar sjálfir. Þá telur meirihlutinn eðlilegra að í þetta verkefni, stefnumörkun vegna innra starfs, væri skipaður framkvæmdastjóri Fjölskyldumiðstöðvar fremur en framkvæmdastjóri Framkvæmda- og veitusviðs. Auk þess bendir meirihlutinn á að ekki liggur fyrir ákvörðun um að starfsemi Glaðheima flytjist í Leirkeldu þó vissulega sé það einn valkosturinn í stöðunni.
Frávísunartillagan var borin undir atkvæði og samþykkt með fimm atkvæðum gegn atkvæðum fulltrúa D-lista.
Gert var fundarhlé.
Þórunn Jóna Hauksdóttir, D-lista, tók til máls og gerði grein fyrir atkvæði sínu og Gríms Arnarsonar:
Mikilvægt er að fagaðilar komi að undirbúningi starfs leikskólans við Leirkeldu sem allra fyrst svo stefnumörkun innra starfs verði leiðarljós við uppbygginguna. Jafnframt benda bæjarfulltrúar á að meirihlutanum dugði ekki minna en þrír pólitískir fulltrúar í þverfaglegan vinnuhóp um uppbyggingu BES. Við vísum því rökum meirihlutans fyrir frávísun til föðurhúsanna.
Snorri Finnlaugsson, D-lista, gerði grein fyrir atkvæði sínu og Elfu Daggar:
Í frávísunartillögu meirihlutans er boðuð tillaga um fyrirkomulag vegna byggingar nýs leikskóla. Þar er verði að boða breytingu á samningi sem enga umfjöllun né afgreiðslu hefur fengið hjá bæjarráði né bæjarstjórn.
Slíkir samningar skulu hljóta staðfestingu að öðrum kosti hafa þeir ekkert gildi. Við greiðum atkvæði á móti frávísun.
2. 0511007
Svar við fyrirspurnum bæjarfulltrúa D-lista um bráðabirgðahúsnæði.
Lagt var fram svohljóðandi svar við fyrirspurn frá D-lista vegna bráðabirgðahúsnæðis:
Meirihluti B, S og V lista leggur áherslu á að veita góða þjónustu í samræmi við þarfir á hverjum tíma. Sú staða getur augljóslega komið upp að nota þurfi húsnæði sem hugsað er til bráðabirgða, t.d. þegar íbúafjölgun er mikil eins og verið hefur í Árborg undanfarin ár. Það vekur undrun, svo ekki sé meira sagt, að kjörnir bæjarfulltrúar D lista telji sig geta lýst því yfir að þeir hafni alltaf bráðabirgðaúrræðum. Slíkar yfirlýsingar er vart hægt að skilja öðru vísi en svo að engin þjónusta sé betri en þjónusta sem veitt er í húsnæði sem hugsað er til bráðabirgða.
Núverandi meirihluti hyggst halda áfram uppbyggingu leikskóla í Árborg. Nú þegar eru mörg 18 mánaða börn í leikskólum í Árborg og núverandi meirihluti hyggst halda áfram uppbyggingu leikskóla í sveitarfélaginu þannig að öllum börnum frá 18 mánaða aldri standi til boða leikskólapláss. Jafnframt er ætlunin á næstu árum að flytja starfsemi Ásheima og Glaðheima í nýtt og betra húsnæði. Enn liggur ekki fyrir ákvörðun um hvert og hvenær Glaðheimar flytjist en gert er ráð fyrir að Ásheimar flytji í nýja skólann við Leirkeldu. Deildirnar sem nú eru starfandi í bráðabirgðahúsnæði við leikskólana Álfheima og Árbæ munu flytjast í nýja skóla á næstu árum. Viðræður hafa farið fram við arkitekta Álfheima og Árbæjar vegna þessa og gera þeir ekki athugasemdir við þessar áætlanir sveitarfélagsins enda aðstæður þær sem hér hafa verið undanfarin ár í kjölfar mikillar íbúafjölgunar flestum skiljanlegar.
3. 0701013
Svar við fyrirspurn bæjarfulltrúa D-lista um uppbyggingu búsetuúrræða fyrir aldraða.
Lagt var fram svar við fyrirspurninni:
Þann 22. febrúar s.l. lagði meirihluti bæjarráðs fram eftirfarandi frávísunartillögu vegna framkominnar tillögu fulltrúa D-lista um viðræður við eigendur Hagalands og fyrirtækið Kögunarhól ehf. um ný búsetuúrræði fyrir aldraða:
”Meirihluti bæjarstjórnar Árborgar leggur áherslu á að byggðir verði upp fjölbreyttir búsetukostir fyrir aldraða í sveitarfélaginu og fagnar áformum framkvæmdaaðila um slíkt. Eins og margoft hefur komið fram þá liggur fyrir viljayfirlýsing um samstarf milli sveitarfélagsins og Fossafls ehf. þar sem gert er ráð fyrir samstarfi um uppbyggingu fjölbreyttrar þjónustu við aldraða. Staðsetning sú er heppileg vegna nálægðar við þá þjónustu við aldraða sem fyrir hendi er í Grænumörk 1-3-5. Gert er ráð fyrir að innan skamms muni fást niðurstaða í þeirri vinnu sem liggja þarf fyrir til að unnt sé að taka ákvörðun um umfang slíks samstarfs og meirihlutinn telur ekki skynsamlegt að binda hendur sveitarfélagsins frekar að svo stöddu. Meirihlutinn leggur áherslu á að ekkert samþykki liggur enn fyrir frá ríkisvaldinu um leyfi til framkvæmda eða reksturs á nýjum þjónustuíbúðum, þjónustumiðstöð eða hjúkrunarheimili fyrir aldraða á Selfossi, hvorki í Hagalandi né við Austurveg. Því er lagt til að tillögu D-lista verði vísað frá. “
Meirihluti B, S og V lista leggur áherslu á vönduð vinnubrögð og skýra framtíðarsýn við frekari uppbyggingu á þjónustu við aldraða, jafnt varðandi húsnæðismál sem fjölbreytta stoðþjónustu. Eins og minnihluta má vera kunnugt þá liggja ekki fyrir neinir samningar um uppbyggingu í búsetuúrræðum fyrir aldraða en hins vegar hafa a.m.k. tveir framkvæmdaaðilar haft áform um uppbyggingu íbúða með mismunandi þjónustustig fyrir eldra fólk á Selfossi.
4. 0410077
Svar við fyrirspurn bæjarfulltrúa D-lista um samstarfssamning við forsvarsmenn Lista- og menningarverstöðvarinnar Hólmarastar.
Lagt var fram svar við fyrirspurn vegna samnings um Hólmaröst.
Á síðasta kjörtímabili var gerður sá samningur við forsvarsmenn Hólmarastar sem enn er í gildi. Núverandi meirihluti hefur fullan hug á að halda því samstarfi áfram.
5. 0704034
Viðskiptasamningur milli Landsbanka Íslands og Árborgar, veiting umboðs
Snorri Finnlaugsson, D-lista, tók til máls, og gerði fyrirspurnir í nokkrum liðum um samninginn.
Þórunn Jóna Hauksdóttir, D-lista, tók til máls.
Bæjarstjóri tók til máls og fór fram á að fyrirspurnirnar yrðu lagðar fram skriflega, tók jafnframt fram að gögn hafa legið fyrir í heila viku.
Snorri Finnlaugsson, D-lista, tók til máls og kvaðst myndi leggja fyrirspurnirnar fram skriflega.
Lagði hann fram eftirfarandi tillögu:
Við leggjum til að afgreiðslu á veitingu umboðs til að undirrita viðskiptasamning við LÍ verði frestað þar til fyrir liggja svör við nauðsynlegum spurningum vegna samningsins.
Gert var fundarhlé.
Frestunartillagan var borin undir atkvæði og felld með fimm atkvæðum gegn atkvæðum fulltrúa D-lista.
Gert var fundarhlé.
Forseti bæjarstjórnar lagði til að bæjarstjórn samþykki samninginn og veiti Guðlaugu Sigurðardóttur, framkvæmdastjóra fjármála- og stjórnsýslusviðs, umboð til að undirrita hann.
Tillagan var borin undir atkvæði og samþykkt með fimm atkvæðum. Fulltrúar D-lista sátu hjá.
Þórunn Jóna Hauksdóttir, D-lista, gerði grein fyrir atkvæði fulltrúa D-lista:
Engin gögn lágu fyrir frá bæjarstjóra um tilurð viðskiptasamningsins. Óskað var eftir upplýsingum á fundinum en þær ekki veittar. Þess vegna sitjum við hjá.
Gert var fundarhlé.
Bæjarstjóri gerði grein fyrir atkvæði meirihlutans.
Viðskiptasamningur þessi var sendur út með fundargögnum fyrir viku síðan og allir bæjarfulltrúar höfðu tækifæri til að fá allar upplýsingar sem þeir töldu nauðsynlegar varðandi samninginn.
Fleira ekki gert. Fundargerð lesin upp og fundi slitið kl. 18:55.
Jón Hjartarson
Margrét K. Erlingsdóttir
Ragnheiður Hergeirsdóttir
Gylfi Þorkelsson
Kristín Eiríksdóttir
Þórunn Jóna Hauksdóttir
Snorri Finnlaugsson
Grímur Arnarson
Elfa Dögg Þórðardóttir
Ásta Stefánsdóttir
