16.8.2017
2. fundur nýs hverfaráðs Selfossi
Annar fundur hverfisráð Selfoss í ungmennahúsi Árborgar þriðjudaginn 27.júní 2017.
Fundur setur 20:00
Mættir eru: Sveinn Ægir Birgisson, Kristján Eldjárn Þorgeirsson, María Marko og Lilja Kristjánsdóttir
Forföll boðuðu: Helgi Sigurður Haraldsson, Gunnar Egilsson og Valur Stefánsson
Fundargerð ritar María Marko
- Gangbraut við fjölbrautaskólann. Það vantar gangbraut á Tryggvagötu frá malarstígnum við FSU og skátaheimilið.
- Má setja inn fleiri hraðahindranir á Tryggvagötu. Sérstaklega við Lágengi.
- Gangbraut við Þóristún/Smáratún og svo vantar fleiri gangbrautir á Eyraveginn, t.d. við ökuskólann.
- Mætti endurvekja “tjörnina” við Tjarnahverfi. Einnig mætti skoða tjörnina við tjaldstæðið en hún er í órækt og illa útlítandi.
- Við eigum ótrúlega fjallasýn af “Fjallinu eina”/ Stórahól. Þar mætti gjarnan setja upp útsýnisskífu sem sýnir hvaða fjöll eru hvar.
- Það má laga kanta og gera fleiri gangstéttar enda er bærinn vel nýttur í útivist, hjól, hlaup og fleira.
- Við leggjum til að auglýsingaskiltin áður en maður kemur að brúnni verði færð ofar til að byrgja ekki sýnina á bæinn þegar maður keyrir að bænum.
- Spurningamerki voru sett við malar”planið” sem hefur myndast með grjóti hægramegin við brúnna í norðurátt. Er þetta skilgreint sem útskot eða er þetta eitthvað sem þarf að takmarka aðgang að vegna slysahættu?
- Við viljum hvetja bæjarstjórn til að hvetja hátíðarhaldara til að skoða möguleikann á því að fá fyrirtæki til að kosta leiktæki á hátíðum. (Svipað og var gert á 17. júní þetta ár.)
- Viljum minna á að tímasetja stórar framkvæmdir með tilliti til stórra viðburða, bæjarhátíða o.þ.h. samanber sundlaugalokunin og Kótelettan.
- Gerum bæinn blómlegri. Það má bæta við bæði sumarblómum og fjölærum til að gera bæinn huggulegri.
- Við leggum til að setja skásett bílastæði við verslanir efst á Eyravegi, þannig væri hægt að fjölga bílastæðum og fækka árekstrum (þarna er oft bakkað á þegar fólk reynir að komast úr stæðum).
- Þegar líður að sumarhátíðinni má benda fólki á að taka niður skraut á skynsamlegum tíma en það standi ekki fram að jólum.
- Það má bæta lýsingu á hundasleppisvæðið, sérstaklega yfir veturinn. Þá má einnig setja upp skjólveggi hér og þar um svæðið og plöntur.
- Það mætti bæta við bekkjum við Ölfusá fyrir neðan hótelið og í Móahverfinu en þar er ágætis göngustígur sem mætti nýta betur.
- Það mætti setja upp leikvöll í Móahverfi.
- Sveitafélagið fá fégasamtök til að auglýsa betur sína félagsstarfsemi. T.d. hvaða daga, hvar og klukkan hvað.
Fundi lokið 21:25, ákveðið að næsti fundur skuli vera í september
