18. fundur fræðslunefndar
18. fundur fræðslunefndar Árborgar, kjörtímabilið 2010-2014 haldinn fimmtudaginn 9. febrúar 2012 í Norðursal, Ráðhúsi Árborgar, Austurvegi 2, Selfossi, kl. 17:15
Mætt:
Sandra Dís Hafþórsdóttir, formaður, D-lista,
Brynhildur Jónsdóttir, nefndarmaður, D-lista,
Grímur Arnarson, nefndarmaður, D-lista,
Arna Ír Gunnarsdóttir, nefndarmaður, S-lista,
Andrés Rúnar Ingason, nefndarmaður, V-lista,
Birgir Edwald, fulltrúi skólastjóra,
Helga Geirmundsdóttir, fulltrúi leikskólastjóra,
Gunnhildur Gestsdóttir, fulltrúi kennara,
Málfríður Garðarsdóttir, fulltrúi foreldra grunnskóla,
Linda Rut Ragnarsdóttir, fulltrúi foreldra leikskóla,
Þorsteinn Hjartarson, fræðslustjóri.
Dagskrá:
1. 1109098 - Skólastefna Sveitarfélagsins Árborgar 2011-2012
Fjallað um fund foreldraráða og skólaráða sem haldinn var 2. febrúar í Sunnulækjarskóla. Fundurinn tókst vel og stefnt er að því að ljúka úrvinnslu hans á næstu dögum og birta svo á heimasíðu sveitarfélagsins. Stjórnir nemendafélaga grunnskólanna hittast fljótlega á sambærilegum hugarflugsfundi en með þeirri aðferð er leitast við að ná betur fram sjónarmiðum nemenda. Stefnt að því að opna ábendingavef í þessum mánuði. Lagt er til að stofnaður verði fjögurra manna stýrihópur sem taki að sér frekari verkstjórn og samræmingarvinnu. Vinna hópsins verði kynnt reglulega í fræðslunefnd og á heimasíðu Árborgar. Lagt er til að í hópnum verði einn leikskólastjóri, einn skólastjóri, fræðslustjóri og formaður fræðslunefndar. Áfram verði lögð áhersla á opið samráð í endurskoðunarvinnunni og sem flestir hvattir til að taka þátt.
2. 1202233 - Fjölnám fyrir nemendur í grunnskóla
Minnisblað fræðslustjóra og skólastjórnenda lagt fram. Þar er m.a. fjallað um þörf fyrir skólaúrræði fyrir nemendur sem ná ekki að fóta sig nógu vel í grunnskóla. Fyrirmynd að skólaúrræðinu gæti verið fjölgreinadeild Lækjarskóla í Hafnarfirði sem hefur verið starfrækt í nokkur ár með góðum árangri en þar er mikil áhersla lögð á verklegar námsgreinar, lífsleikni, félagsfærni og ræktun jákvæðra viðhorfa til náms í góðu samstarfi við félagsmiðstöðvar sveitarfélagsins. Áhugi er á því að hefja undirbúning að stofnun slíkrar deildar hér í Árborg og sækja um styrk í Sprotasjóð leik-, grunn- og framhaldsskóla. Fræðslunefnd samþykkir að fræðslustjóri og skólastjórnendur haldi áfram þessari undirbúningsvinnu og leiti allra leiða til að verkefnið ná fram að ganga á sem hagkvæmastan hátt.
3. 1008823 - Stofnanaúttektir á leik- og grunnskólum
Bréf frá mennta- og menningarmálaráðuneytinu, dags. 1. febrúar 2012, um helstu niðurstöður úttektar á leikskólanum Árbæ. Þar kemur fram að skólinn búi yfir mörgum styrkleikum og einnig eru þar nokkrar tillögur til úrbóta. Frekari kynning á skýrslunni og umbótaáætlun leikskólans fer fram á fundi fræðslunefndar fimmtudaginn 8. mars næstkomandi.
4. 1111101 - Stofnanaúttektir á leik- og grunnskólum 2012
Svar mennta- og menningarmálaráðuneytis, dags. 17. janúar 2012, við umsókn um úttekt á Vallaskóla. Alls bárust 34 umsóknir og um leið og ráðuneytið þakkar áhuga á þátttöku er tilkynnt að ekki hafi verið hægt að verða við umsókn sveitarfélagsins að þessu sinni.
5. 1202235 - Foreldrafélag leikskólans Brimvers 2012
Ályktun og erindi frá foreldrum og forráðamönnum barna í Brimveri.
Foreldraráði leikskólans Brimvers þykir miður að upplýsingum um niðurlagningu stöðu aðstoðarleikskólastjóra hafi ekki verið miðlað til foreldra á viðeigandi hátt. Samkvæmt lögum um leikskóla skulu foreldraráð hafa umsagnarétt um slíkar breytingar. Minnt er á að gott flæði upplýsinga er lykillinn að farsælu samstarfi foreldra og skóla. Leikskólastjóra og fræðslustjóra eru þökkuð greinagóð svör sem fengust á fundi í kjölfar ályktunar og undirskriftasöfnunar foreldra vegna málsins.
Eins og fram kemur í erindinu hafa leikskólastjóri og fræðslustjóri þegar haldið fund með foreldraráði Brimvers og svarað ýmsum spurningum. Fræðslunefnd tekur undir með foreldraráði að gott flæði upplýsinga sé lykill að góðu samstarfi foreldra og skóla og þykir leitt að þessi breyting skyldi ekki hafa verið kynnt. Fræðslunefnd leggur áherslu á að upplýsingaflæði verði aukið milli foreldra og leikskólastjóra, m.a. með reglulegum samráðs- og upplýsingafundum. Þá geti foreldraráð alltaf óskað eftir samráðsfundum með fræðslustjóra þegar á þarf að halda.
6. 1110156 - Styrkir vegna langveikra barna og barna með ADHD
Styrkir til verkefna í Sveitarfélaginu Árborg í þágu langveikra barna og barna með ADHD. Sveitarfélaginu Árborg stendur til boða styrkur frá velferðarráðuneytinu að upphæð kr. 6.180.000.- vegna sex verkefna sem fræðslustjóri kynnti. Félagsþjónustan og fræðslusvið sveitarfélagsins stóðu sameiginlega að umsóknunum með góðum árangri.
7. 1201094 - Samræmd könnunarpróf skólaárið 2012-2013
Dagsetningar samræmdra könnunarprófa í 4., 7. og 10. bekk 2012. Lagt fram til kynningar.
8. 1201192 - Rannsókn á einelti meðal barna á Íslandi
Ábyrgð og aðgerðir - Niðurstöður þverfræðilegrar rannsóknar á einelti meðal barna á Íslandi. Rannsóknarstofnun Ármanns Snævarr gaf ritið út í desember 2012 og hefur stofnunin fært hverjum grunnskóla eitt eintak að gjöf. Fræðslunefnd tekur undir með menntamálaráðherra þegar útgáfu ritsins er fagnað og lítur svo á að það sé gagnlegt öllum sem vinna að baráttunni gegn einelti. Lýsir einnig yfir ánægju með þá ákvörðun að gefa ritið til grunnskóla landsins.
9. 1201090 - Skólaráð BES 2011-2012
Fundargerðir skólaráðs BES frá 14. desember 2011 og 31. janúar 2012 lagðar fram til kynningar.
10. 1202224 - Skólaráð Sunnulækjarskóla 2011-2012
Fundargerð skólaráðs Sunnulækjarskóla (22. fundur, 25.01.2012) lögð fram til kynningar.
11. 1112024 - Fréttabréf leikskóla í Árborg 2011-2012
Álfheimafréttir, 2. tbl. febrúar 2012, lagt fram til kynningar. Þar í eru fundargerðir foreldraráðs leikskólans frá 6. janúar 2012 og 3. febrúar sl.
Fundargerð lesin upp og fundi slitið kl: 18:35
Sandra Dís Hafþórsdóttir
Brynhildur Jónsdóttir
Grímur Arnarson
Arna Ír Gunnarsdóttir
Andrés Rúnar Ingason
Birgir Edwald
Helga Geirmundsdóttir
Gunnhildur Gestsdóttir
Málfríður Garðarsdóttir
Linda Rut Ragnarsdóttir
Þorsteinn Hjartarson
