2. fundur fræðslunefndar
2. fundur fræðslunefndar, kjörtímabilið 2010-2014 haldinn fimmtudaginn 16. september 2010 í Norðursal, Ráðhúsi Árborgar, Austurvegi 2, Selfossi, kl. 17:15
Mætt:
Sandra Dís Hafþórsdóttir, formaður, D-lista
Grímur Arnarson nefndarmaður D-lista,
Ragnheiður Guðmundsdóttir, nefndarmaður, D-lista,
Gerður Sif Skúladóttir varamaður S-lista
Andrés Rúnar Ingason, nefndarmaður V-lista,
Guðrún Thorsteinsson fulltrúi kennara,
Linda Rut Ragnarsdóttir fulltrúi foreldra
Elín Höskuldsdóttir fulltrúi Flóahrepps
Eygló Aðalsteinsdóttir fulltrúi leikskólastjóra
Sigurður Bjarnason, verkefnisstjóri fræðslumála,
Arndís Harpa Einarsdóttir fulltrúi skólastjóra
Málfríður Garðarsdóttir fulltrúi foreldra
Hanna Rut Samúelsdóttir fulltrúi starfsmanna
Ásthildur Bjarnadóttir sérkennsluráðgjafi
Dagskrá:
1. 0903081 - Yfirlit um leiksólamál – verkefnisstjóri og sérkennsluráðgjafi.
Verkefnisstjóri og Ásthildur Bjarnadóttir sérkennsluráðgjafi fóru m.a. yfir fjölda starfsmanna á leikskólum, umfang og skipulag sérkennslu sem fer fram á leikskólunum.
Á leikskólum í sveitarfélaginu eru möguleg heilsdagspláss 565. Fjöldi starfsmanna er 156 í 127 stöðugildum. 49% stöðugilda á leikskólum Sveitarfélagsins Árborgar eru mönnuð með uppeldismenntuðu starfsfólki.
2. 1008069 – Tillaga að breytingu á reglum um innritun í leikskóla Árborgar
Arna Ír Gunnarsdóttir fulltrúi Samfylkingarinnar í fræðslunefnd lagði fram á 1. fundi fræðslunefndar eftirfarandi tillögu:
Í núverandi Reglum um innritun í leikskóla Árborgar er kveðið á um að “Sérstakan forgang frá 18 mánaða aldri hafa börn sem falla undir 1.flokk í reglum um sérkennsluþjónustu í leikskólum Árborgar frá 10.janúar 2002”.
Gerð er tillaga um að þessu ákvæði verði breytt og þess í stað komi“Sérstakan forgang frá 12 mánaða aldri hafa börn sem eru í 1. og 2. umönnunarflokki samkvæmt reglum Tryggingarstofnunar ríkisins vegna umönnunar fatlaðra barna og barna með þroska- og atferlisraskanir”.
Greinargerð:
Það er afar mikilvægt að alvarlega fötluð börn geti fengið leikskólaþjónustu eins fljótt og kostur er til þess að tryggja þeim mikilvæga þjálfun og örvun frá fagfólki leikskólanna. Snemmtæk íhlutun er lykilatriði til þess að draga úr áhrifum fötlunar, gera barnið sem mest sjálfbjarga og auka lífsgæði þess sem mest. Auk þessa eru það mikilvæg rök að það er nánast útilokað fyrir alvarlega fötluð börn að fá þjónustu hjá dagmæðrum vegna þess hversu sérhæfða þjónustu þau þurfa. Nú þegar leikskólarýmum í sveitarfélaginu Árborg hefur fjölgað til muna er lag að gera þessar breytingar á innritunarreglunum.
Bókun
Í ljósi aðvörunar eftirlitsnefndar um fjármál sveitarfélaga telur meirihluti fræðslunefndar ekki fært að rýmka innritunarreglur í leikskólum Sveitarfélagsins Árborgar að svo stöddu. Hins vegar teljum við mikilvægt að halda þeim möguleika opnum ef beiðni kemur um sérstakan forgang barna frá 12 mánaða aldri og falla undir umönnunarflokk 1 og 2, að þá verði hvert tilvik skoðað.
Bókunin samþykkt með þremur atkvæðum D-lista. Fulltrúar S og V-lista sátu hjá.
3. 1005065 - Staða innritunar í leikskóla - Verkefnisstjóri
Þau börn sem fædd eru á árinu 2008 og hafa sótt um leikskóapláss í leikskólum Árborgar hafa fengið úthlutað plássi. Í dag hafa 65 börn fædd á árinu 2009 sótt um leikskóla og er verið bjóða börnum úr árganginum laus pláss þessa dagana.
4. 1002096 - Mötuneytismál Barnaskólans á Eyrarbakka og Stokkseyri
Verkefnisstjóri fræðslumála hefur ásamt skólastóra Barnaskólans kannað möguleika á að hefja eldun á mat í nýju skólahúsnæði á Stokkseyri. Fræðslunefnd felur verkefnisstóra að leita hagkvæmustu leiða til að eldun á skólamat verði komið á svo fljótt sem auðið er og koma erindi þar að lútandi til bæjarráðs Árborgar.
Erindi til kynningar
5. 1009117 - Bréf frá mennta- og menningarmálaráðuneyti
Lagt var fram bréf frá mennta- og menningarmálaráðuneyti þar sem skólar, sveitarfélög, skólanefndir og foreldrafélög eru hvött til að byggja á bjartsýni og hlúa að velferð og vellíðan í skólum.
6. 1009208 - Lagðar fram reglugerðir;
Lögð fram reglugerð um sérfræðiþjónustu sveitarfélaga við leik- og grunnskóla og reglugerð um nemendaverndarráð í grunnskólum einnig reglugerð um nemendur með sérþarfir í grunnskóla.
7. 1002097 - Skólaráð Sunnulækjarskóla fundargerðir
Lögð fram fundargerð frá fundi skólaráðs Sunnulækjarskóla frá 1. september 2010
8. 0905085 - Fundargerðir frá fundum leikskólastjóra
Lögð var fram fundargerð frá 5. fundi leikskólastjóra árið 2010.
Í fundargerðinni kemur fram eftirfarandi tillaga frá leikskólastórum:
Leikskólastjórar gera það að tillögu sinni að fá að hafa starfsmannafundi tvisvar sinnum hálfan dag á vinnutíma yfir skólaárið.
Hægt væri að samræma þessa daga vetrarfríum í grunnskólum.
Málið rætt og verður tekið fyrir á næsta fundi fræðslunefndar
Fundargerðin lesin upp og fundi slitið kl. 19:20
Sandra Dís Hafþórsdóttir Grímur Arnarson
Ragnheiður Guðmundsdóttir Gerður Sif Skúladóttir
Andrés Rúnar Ingason Sigurður Bjarnason
Guðrún Thorsteinsson Elín Höskuldsdóttir
Arndís Harpa Einarsdóttir Eygló Aðalsteinsdóttir
Linda Rut Ragnarsdóttir Hanna Rut Samúelsdóttir
Málfríður Garðarsdóttir Ásthildur Bjarnadóttir
