2. fundur íþrótta- og menningarnefndar

Almenn afgreiðslumál

1.

1408034 - Starfshættir íþrótta- og menningarnefndar 2014-2018.

Ákveðið að fresta afgreiðslu um fundartímann til næsta fundar. Nefndarmenn fengu kynningu á siðareglum Sveitarfélagsins Árborgar og samþykktu allir nefndarmenn reglurnar með undirritun sinni. Samþykkt samhljóða.

2.

1408035 - Menningarmánuðurinn Október 2014

Farið yfir drög að dagskrá fyrir menningarmánuðinn október 2014. Lagt upp með að halda fjögur menningarkvöld þetta árið. Tvö á Selfossi annars vegar Selfossbíó og hins vegar Bifreiðastöð Selfoss - Fossnesti og Ingóll, eitt skemmtikvöld á Eyrarbakka og menningardagur á Stokkseyri þar sem farið verður yfir sögu Umf. Stokkseyrar. Dagsetningar eru í vinnslu og verða kynntar fljótlega. Starfsmanni nefndarinnar og formanni falið að vinna áfram að verkefninu og halda nefndarmönnum upplýstum í gegnum tölvupóst. Samþykkt samhljóða.

3.

1408010 - 100 ára kosningaréttur kvenna

Formaður kynnti erindi vegna 100 ára afmælis kosningaréttar kvenna á Íslandi. Fram kom hugmynd um að tengja Héraðsskjalasafn Árnesinga inn í verkefnið og er starfsmanni nefndarinnar falið að kanna þann möguleika og vinna málið áfram. Samþykkt samhljóða.

Erindi til kynningar

4.

1408179 - Stofnun bókabæja á Suðurlandi

Fulltrúar frá starfshópi um bókabæi komu inn á fundinn og kynntu verkefnið. Bókabæir eru orðnir margir um heiminn og laða að sér fjölmarga ferðamenn á hverju ári. Fram kom að stofnfundur bókabæjarins færi fram í FSu laugardaginn 27. september nk. kl. 14:00 og eru allir velkomnir.