2. fundur íþrótta- og tómstundanefndar
2. fundur íþrótta- og tómstundanefndar Árborgar, kjörtímabilið 2010-2014 haldinn mánudaginn 15. nóvember 2010 í Setri Egils, Ráðhúsi Árborgar, Austurvegi 2, Selfossi, kl. 17:00
Mætt:
Grímur Arnarson, formaður, D-lista
Þorsteinn Magnússon, nefndarmaður D-lista
Erling Rúnar Huldarson, nefndarmaður S-lista
Bragi Bjarnason, íþrótta- og tómstundafulltrúi.
Formaður leitar afbrigða til að taka á dagskrá mál nr. 1011118 sem varðar kjör á íþróttakonu og -karli Árborgar 2010. Samþykkt samhljóða og málið tekið til afgreiðslu á undan öðrum málum á dagskrá fundarins.
Bragi Bjarnason ritar fundagerð.
Dagskrá:
1. 1011118 - Kjör íþróttakonu og -karls Árborgar 2010
Íþrótta- og tómstundafulltrúi lagði fram tillögu að breytingum á reglugerð um kjör íþróttakonu og íþróttakarls Árborgar. ÍTÁ samþykkti breytingar á 5.gr. reglugerðarinnar vegna þess að fjölmiðlum á svæðinu hefur fjölgað um einn á árinu, starf verkefnisstjóra íþrótta-, forvarna og menningarmála verið lagt niður og ekki ráðið í starf framkvæmdastjóra fjölskyldumiðstöðvar. ÍTÁ felur íþrótta- og tómstundafulltrúa að sjá um framkvæmd kjörsins samkvæmt reglugerð þar um. ÍTÁ leggur til að nefndin og íþrótta- og tómstundafulltrúi skipi undirbúningsnefnd fyrir Uppskeruhátíð ÍTÁ sem verði haldin þriðjudaginn 28.desember nk. í sal FSu og hefjist kl.20:00. Samþykkt samhjóða.
2. 1011114 - Fjárhagsáætlun íþrótta- og tómstundamála
Íþrótta- og tómstundafulltrúi fer yfir forsendur fjárhagsáætlunar fyrir íþrótta- og tómstundadeild. Áætlunin rædd. Einnig teknar fyrir óskir félagasamtaka um aukaframlög sem hafði verið vísað til fjárhagsáætlunarvinnu fyrir árið 2011.
3. 1011088 - Húsnæðismál félagsmiðstöðvarinnar Zelsíuzar
Íþrótta- og tómstundafulltrúi fór yfir stöðu mála. Málið rætt og líst nefndarmönnum vel á hugmyndirnar. Kostnaðaráætlun liggur fyrir í vikunni og mun íþrótta- og tómstundafulltrúi upplýsa nefndina þegar hún liggur fyrir.
4. 1011078 - Uppbygging skátastarfs og húsnæði Fossbúa
ÍTÁ skilur húsnæðisþörf skátafélagsins en getur ekki tekið ákvörðun um úthlutun rýma í Björgunarmiðstöðinni. Málið rætt og bent á ýmsar aðrar leiðir. Íþrótta- og tómstundafulltrúa falið að vinna málið áfram.
5. 1011002 - Ósk fimleikadeildar Umf. Selfoss um að gera danssal á 2.hæð í Baulu
ÍTÁ vísar erindinu til vinnu við fjárhagsáætlun 2011.
6. 1010140 - Viðhald og tækjakaup fyrir mótorkrossbrautina á Selfossi
ÍTÁ tekur vel í erindið og felur íþrótta- og tómstundafulltrúa að afla frekari upplýsinga.
7. 0906086 - Sandvíkursalurinn - afnot Umf. Selfoss
ÍTÁ tekur undir húsnæðisvandamál júdó- og taekwondodeildar en telur sig ekki hafa heimild til að úthluta salnum.
8. 1011042 - Erindisbréf nefnda
ÍTÁ þakkar upplýsingarnar.
9. 1011045 - Reglugerð um hollustuhætti á sund- og baðstöðum
Íþrótta- og tómstundafulltrúi fer yfir helstu atriði reglugerðarinnar. ÍTÁ þakkar upplýsingarnar en lýsir yfir áhyggjum af þeim kostnaðarauka sem leggst á sveitarfélögin með henni.
10. 1010169 - Ósk Golfklúbbs Selfoss um æfingaaðstöðu innandyra yfir veturinn
ÍTÁ þakkar upplýsingar og líst vel á hugmyndina.
11. 1009263 - Jól í Árborg 2010
ÍTÁ þakkar upplýsingarnar og hvetur íbúa til að taka þátt í hátíðarhöldunum.
Fundargerð lesin upp og fundi slitið kl: 19:00
Grímur Arnarson
Þorsteinn Magnússon
Erling Rúnar Huldarson
Bragi Bjarnason
