20. fundur Fræðslunefndar

1.

1203106 - Viðmið um vettvangsferðir í grunnskólum og fjáraflanir foreldra

Tillaga skólastjóra og fræðslustjóra frá 21. febrúar 2012 sem tekur m.a. mið af úrskurði menntamálaráðuneytisins um gjaldtöku vegna vettvangsferða. Fræðslunefnd samþykkir þau viðmið sem skólastjórar og fræðslustjóri hafa komið sér saman um vegna ferða á vegum grunnskóla og fjáraflanir foreldra. Nefndin fagnar þessu nýja viðmiði.

2.

1203022 - Leikskóladagatal 2012-2013

Tillögur að leikskóladagatali 2012-2013 með skýringum frá Álheimum, Árbæ, Brimveri og Æskukoti, Hulduheimum og Jötunheimum. Einnig lagt fram minnisblað frá fræðslustjóra um fjölda skipulagsdaga í leikskólum  nokkrurra sveitarfélaga. Fræðslunefnd samþykkir að fjölga skipulags­dögum um einn á leikskólum sveitarfélagsins vegna vinnu við skólanám­skrá og önnur fagleg störf og að tveir skipulagsdagar verði teknir 7. og 8. ágúst í beinu framhaldi af sumarleyfi. Þó fái Hulduheimar heimild til að taka skipulagsdaga 13. og 14. september vegna námsferðar starfsfólks. Fræðslustjóra falið að fara yfir málið með leikskólastjórum á næsta samstarfsfundi og að lokafrágangur leikskóladagatala 2012-2013 taki mið af afgreiðslu fræðslunefndar.

3.

1203023 - Skóladagatal 2012-2013

Tillögur að skóladagtali 2012-2013 frá Barnaskólanum á Eyrarbakka og Stokkseyri, Sunnulækjarskóla og Vallaskóla. Einnig lagt fram bréf frá skólastjóra BES vegna fráviks í lok skólaársins. Fræðslunefnd samþykkir beiðnina og tillögur grunnskólanna að skóladagatali sem hefur einnig fengið umfjöllun í skólaráðunum þremur.

4.

1204011 - Skipulagsbreytingar á fræðslusviði

Fræðslustjóri kynnti tillögu að nýju skipulagi fræðslusviðs sem snýr að því að sviðið sinni sjálft þeim verkefnum sem Skólaskrifstofa Suðurlands hefur sinnt til þessa frá og með 1. janúar 2013. Samþykkt að fresta fundi og halda áfram með málið næstkomandi þriðjudag kl. 17:15. 

Guðbjartur Ólason, fulltrúi skólastjóra á fundinum, boðaði forföll þriðjudaginn 17. apríl og í hans stað kom Birgir Edwald. Linda Rut Ragnarsdóttir boðaði einnig forföll og Kristjana Hallgrímsdóttir, fulltrúi kennara og í hennar stað kom Gunnhildur Gestsdóttir. Arna Ír Gunnarsdóttir og Andrés Rúnar Ingason lögðu fram eftirfarandi  breytingartillögu:

“Undirrituð leggja til að málinu verði frestað og hafið verði markvisst samráðsferli um sérfræðiþjónustu í  leik- og grunnskólum í Sveitarfélaginu Árborg þar sem kallaðir verði til fulltrúar leik- og grunnskóla, fulltrúar foreldra- og skólaráða, sérfræðingar skólaskrifstofu, fræðsluyfirvöld og aðrir sem málið varða.”

Fundarhlé var gert kl. 17:46 og fundi framhaldið kl. 17:51. Samþykkt samhljóða að fresta afgreiðslu og að málið verði tekið fyrir á fræðslunefndarfundi fimmtudaginn 3. maí.

5.

1204029 - Foreldrakönnun í grunnskólum

Kynning á viðhorfum foreldra grunnskólabarna í Sveitarfélaginu Árborg - apríl 2012. Hildur Björk Svavarsdóttir, deildarstjóri tölfræði- og rannsóknaþjónustu skóla- og frístundasviðs Rvk., kynnti helstu niður­stöður og svaraði fyrirspurnum. Foreldrakönnunin verður tekin aftur á dagskrá fundar fræðslunefndar í maí. Forseti bæjarstjórnar og framkvæmdastjóri sveitarfélagsins voru viðstaddir kynninguna. Í könnuninni komu fram mikilvægar upplýsingar sem gagnast skólunum og fræðsluyfirvöldum í Árborg. Einnig þakkar nefndin Hildi Björk fyrir góða vinnu og kynningu.

6.

1203169 - Samstarf leikskóla og grunnskóla

Auglýsing lögð fram til kynningar um fræðslufund fyrir starfsfólk leikskóla og grunnskóla í Árborg sem verður haldinn fimmtudaginn 26. apríl næstkomandi í Vallaskóla. Fundurinn tengist m.a. samþykkt fræðslunefndar á síðasta ári.

7.

1101166 - Fundargerðir leikskólastjóra og sérkennslufulltrúa 2011

Fundur leikskólastjóra, sérkennslufulltrúa og fræðslustjóra þriðjudaginn 14. febrúar 2012. Lagt fram til kynningar.

8.

1203171 - Fagráð vegna eineltismála í grunnskólum

Frétt og verklagsreglur,dags. 6. mars 2012, frá mennta- og menningarmálaráðuneytinu. Fagráðinu er ætlað að finna úrlausn á erfiðum málum sem ekki hefur tekist að leysa í nærsamfélaginu og á starfsemi ráðsins að skapa betri skilyrði til að útrýma einelti úr samfélaginu.

9.

1203083 - Foreldrafélag Sunnulækjarskóla

Fréttabréf í mars 2012 lagt fram til kynningar en í bréfinu eru m.a. 10 netheilræði SAFT og auglýsing um fyrirlestur um tölvunotkun barna sem var haldinn 20. mars síðastliðinn. Þátttaka var góð og látið var vel af fundinum.

10.

1201090 - Skólaráð BES 2011-2012

Fundargerð frá 27. mars 2012 til kynningar.

11.

1202224 - Skólaráð Sunnulækjarskóla 2011-2012

Fundur nr. 23 haldinn 28. mars 2012 til kynningar.

12.

1203219 - Skólaráð Vallaskóla 2012

Fundargerð frá 28. mars 2012 til kynningar.

13.

1112024 - Fréttabréf leikskóla í Árborg 2011-2012

Álfheimafréttir í mars 2012 til kynningar en þar er einnig fundargerð foreldraráðs frá 2. mars 2012.

14.

1203071 - Stjórn foreldrafélags Hulduheima

Fundargerð frá 14. febrúar 2012 til kynningar.

15.

1201072 - Fréttabréf Jötunheima 2012

Fréttabréf í mars 2012 til kynningar.

16.

1201084 - Fundargerðir Skólaskrifstofu Suðurlands 2012

Stjórnarfundur (nr. 137) frá 8. febrúar 2012 til kynningar.

17.

1109078 - Ungmennaráð sveitarfélaga

Skjal frá mars 2012 en þar má finna upplýsingar um fjölda og staðsetningu ungmennaráða á vegum sveitarfélaga sem og aldur fulltrúa í ráðunum.