1.10.2019
24. fundur hverfaráð Stokkseyrar
Fundur hjá Hverfaráði Stokkseyrar 24.06 2019
Mætt eru: Guðný Ósk, Hafdís Björg, Svala og Ari
- Farið var út í sundlaug og aðstaða sýnd þar. Verulegra úrbóta þarf þar. Sundlaugin er vel sótt og því nauðsynlegt að sinna viðhaldi.
Sem dæmi:
- Skjólveggur í kringum svæðið er orðin svo morkin að hann er að hruni kominn.
- Pottar orðnir málningarlitir og tæta upp sundföt gesta.
- Aðstaða í búningsklefum léleg
- Kantur í kringum sundlaug ónýtur
- Sjá myndir sem fylgja neðar í fundargerðinni
- Hesthúsahverfið á Stokkseyri að breytast í geymslusvæði – hverfaráð veltir fyrir sér hvort leyfilegt sé að hafa geymslusvæði þarna.
- Stokkseyri illa hirt. Vantar að hreinsa betur, nokkuð mikið um njóla og illgresi. Hverfaráð spyr hvort ekki sé hægt að fá öflugri verkstjórn og fleiri unglinga til að hreinsunar á þorpinu.
- Hverfaráð langar að minna á að lausa ganga hund er bönnuð, það á líka við á göngustígnum milli Stokkseyri og Eyrarbakka.
- Hverfaráð spyr hvað sé að frétta af hundagerðinu.
- Hverfaráð spyr hvort ekki standi til að taka Gimli í gegn. Húsið verður 100 ára, árið 2021 og væri gaman að sjá húsið tekið í gegn fyrir þann tíma. Eins mætti sinna viðhaldi betur á öðrum eignum sveitarfélagsins, eins og Áhaldahúsinu (slökkvistöð) sem dæmi.
- Vantar að setja töppur af sjóvarnargarði niður í fjóru við Íragerði. Mikið af ferðamönnum sem fara þarna niður og slysahætta mikil þar sem vantar tröppur. Eins eru tröppurnar sem liggja upp á sjóvarnargarðinn (staðsettar á milli húsana Strönd og Sjólyst) hættulegar. Ítrekum lið 5 úr fundagerð síðan 26.júní 2017 5. Hverfisráð hvetur til að sjóvarnargarðurinn verði til sóma og fólk eigi auðvelt með að ganga hann, fínt væri að setja gott efni á garðinn svo auðvelt sé að ganga hann. Það væri líka til bóta að hægt væri að komast upp á hann og niður í fjöru. Stiginn sem er milli Sjólystar og Strandar (Strandgata 8 og 10) er í ólagi, of stutt á milli þrepa og mikil slysahætta af honum, fólk hefur dottið í honum. Þar mætti setja nýjan stiga og líka stiga niður í fjöru, eins við Íragerði 12a og jafnvel á fleiri stöðum
- Gleymist að slá í kringum Dæluna.
- Vantar spegil á móts við innkeyrsluna að sundlauginni í Stjörnusteinum. Oft börn að leik í götunni og það þarf að keyra út á Stjörnusteina til að sjá hvort það séu að koma bílar.
- Hverfaráð vill koma fram hrósi til þeirra í þorpinu sem hafa málað húsin sín og fegrað umhverfið sitt.
- Hverfaráð spyr hvort ekki sé hægt a tæma bláu tunnuna oftar en gráu tunnuna.
- Bíðum spennt eftir kalli frá Mannvirkja- og umhverfissviði, sjá lið 6. 1905420 - Miðbær – Stokkseyri úr fundargerð 4 fundar hjá Eigna- og veitunefnd þann 29.maí sl.
Myndir frá sundlaug Stokkseyrar