Athugið

Bæjarstjórnarfundur í beinni útsendingu


12.1.2017

26. fundur íþrótta- og menningarnefndar

26. fundur íþrótta- og menningarnefndar Árborgar, kjörtímabilið 2014-2018, haldinn miðvikudaginn 11. janúar 2017 í Norðursal, Ráðhúsi Árborgar, Austurvegi 2, Selfossi, kl. 06:30.  Mætt: Kjartan Björnsson, formaður, D-lista, Axel Ingi Viðarsson, nefndarmaður, D-lista, Helga Þórey Rúnarsdóttir, nefndarmaður, D-lista, Eggert Valur Guðmundsson, nefndarmaður, S-lista, Estelle Burgel, nefndarmaður, Æ-lista, Bragi Bjarnason, íþrótta- og tómstundafulltrúi, Guðmunda Bergsdóttir, áheyrnarfulltrúi ungmennaráðs.  Bragi Bjarnason ritaði fundagerð. Dagskrá: 
Almenn afgreiðslumál
1. 1612040 - Hátíðir í Sveitarfélaginu Árborg 2017
  Lagður fram listi yfir þær hátíðir sem fyrirhugaðar eru í sveitarfélaginu árið 2017. Rætt um að boða til opins fundar þriðjudaginn 31. janúar með hátíðarhöldurum og öðrum áhugasömum líkt og gert hefur verið sl. ár. Starfsmanni nefndarinnar falið að auglýsa fundinn. Samþykkt samhljóða.
     
2. 1701046 - Vor í Árborg 2017
  Rætt um fyrirkomulag Vors í Árborg 2017. Ákveðið að hátíðin fari fram helgina 21. - 24. apríl 2017 í tengslum við sumardaginn fyrsta sem er fim. 21. apríl. Farið yfir mögulega viðburði, staðsetningu opnunarhátíðar og tengingu við alla byggðarkjarna. Kallað verður eftir atriðum og viðburðum frá íbúum líkt og áður. Starfsmanni falið að vinna áfram að undirbúningi hátíðarinnar. Samþykkt samhljóða.
     
3. 1612038 - Umsóknir um framkvæmd 17. júní hátíðarhalda á Selfossi
  Kjartan Björnsson nefndarmaður D lista vék af fundi undir þessum fundarlið sem var tekið fyrir sem síðasta mál. Farið aftur yfir umsóknir og gögn úr viðtölum við umsóknaraðila. Eftir góðar umræður leggur nefndin til við bæjarráð að gengið verði til samninga við Sónus viðburði. Samþykkt samhljóða.
     
4. 1612059 - Tillaga - Sveitarfélagið Árborg skilgreint sem barnvænt sveitarfélag
  Nefndin tekur vel í tillöguna. Fram kom að sviðstjórar menningar- og frístundasviðs, fræðslusviðs og félagsþjónustunnar hafi fundað um málið til að samræma vinnuna. Nefndarmönnum lýst vel á verkefnið en leggja áherslu á að ef það á að fara í þessa vinnu að hún muni nýtast til framtíðar og tengist t.d. öðrum stefnum sem eru til endurskoðunar. Starfsmanni nefndarinnar falið að vinna áfram að málinu. Samþykkt samhljóða.
     
5. 1612036 - Endurskoðun íþrótta- og tómstundastefnu Árborgar
  Ákveðið að halda sérstakan vinnufund til að vinna að endurskoðun stefnunnar. Starfsmanni falið að boða til fundarins í byrjun febrúar. Samþykkt samhljóða
     
6. 1612037 - Endurskoðun menningarstefnu Árborgar
  Ákveðið að halda sérstakan vinnufund til að vinna að endurskoðun stefnunnar. Starfsmanni falið að boða til fundarins í byrjun febrúar. Samþykkt samhljóða.
     
Fundargerð lesin upp og fundi slitið kl: 8:00
Kjartan Björnsson   Axel Ingi Viðarsson
Helga Þórey Rúnarsdóttir   Eggert Valur Guðmundsson
Estelle Burgel   Bragi Bjarnason
Guðmunda Bergsdóttir    

Þetta vefsvæði byggir á Eplica