26. fundur menningarnefndar
26. fundur menningarnefndar Árborgar, haldinn í ráðhúsi Árborgar, fimmtudaginn 2. febrúar 2006, kl. 17:15.
Mætt: Inga Lára Baldvinsdóttir, formaður,Guðmundur Karl Sigurdórsson, Sigríður Gunnarsdóttir, Kristín Eiríksdóttir og Grímur Hergeirsson. Ingibjörg Ársælsdóttir boðaði forföll.
Dagskrá:
1. Umsögn Húsafriðunarnefndar ríkisins um íbúðarhúsið Haga.
Á grundvelli þess að Húsafriðunarnefnd ríkisins sér ekki ástæðu til að friða íbúðarhúsið Haga telur menningarnefnd ekki efni til að aðhafast í málinu eða beita sér fyrir friðun hússins.
2. Snorraverkefnið 2006, styrkbeiðni. Vísað til umfjöllunar í menningarnefnd frá bæjarráði.
Menningarnefnd hafnar styrkbeiðninni þar sem nefndin hefur úr takmörkuðum fjármunum að spila.
3. Vor í Árborg 2006
Farið yfir hugmyndir og tillögur sem borist hafa vegna hátíðarinnar sem fram fer dagana 12.-14. maí nk. Nokkrir aðilar hafa lýst yfir áhuga á að taka þátt í hátíðinni. Áfram verður unnið að undirbúningi á næstu vikum.
4. Önnur mál.
a. Þakkarbréf frá hljómsveitinni Nilfisk lagt fram.
b.Nefndin fagnar samþykktum um aukna kynningu á menningarstarfi fyrir skólanemendur í Sveitarfélaginu í Árborg.
Fundi slitið kl. 18:15
Inga Lára Baldvinsdóttir
Guðmundur Karl Sigurdórsson
Sigríður Gunnarsdóttir
Kristín Eiríksdóttir
Grímur Hergeirsson
