28. fundur fræðslunefndar

Almenn afgreiðslumál

1.

1301047 - Sumarlokanir leikskóla 2013

Í ljósi athugasemda frá fulltrúum foreldra var samþykkt samhljóða að gera breytingar frá síðasta sumri þannig að það tímabil sem allir leikskólar loka á sama tíma verði stytt úr 24 virkum dögum í 10 daga, eða frá og með 8. júlí til og með 19. júlí 2013. Tímabil lokana leikskóla verða þá tvö, annars vegar frá 18. júní til og með 19. júlí og hins vegar frá 8. júlí til og með 9. ágúst. Fræðslustjóra falið að ganga frá skipulaginu í samráði við leikskólastjóra og kynna sem fyrst.

Erindi til kynningar

2.

1301025 - Aðalnámskrár leikskóla og grunnskóla

Minnisblað fræðslustjóra lagt fram en þar er fjallað um innleiðingu aðalnámskráa leikskóla og grunnskóla í Árborg. Stefnt er að því að leggja innleiðingaráætlanir skólanna fram til kynningar í mars næstkomandi en þær munu ná til ársins 2015.

3.

1301024 - Talþjálfun 2013

Lagðar fram upplýsingar um foreldragjald 2013 vegna talþjálfunar en gjaldið fylgir nú útgefinni gjaldskrá Sjúkratrygginga Íslands. Einnig var vakin athygli á því að þessi þjónusta er til viðbótar við verkefni talmeinafræðinga Skólaskrifstofu Suðurlands í skólum sveitarfélagsins sem snúa fyrst og fremst að greiningum og ráðgjöf.

4.

1301027 - Fundir leikskólastjóra, sérkennslufulltrúa og fræðslustjóra

Fundargerðir frá 17. desember 2012 og 8. janúar 2013 til kynningar.

5.

1301026 - Samráðsfundir skólastjóra og fræðslustjóra

Yfirlit yfir helstu mál samráðsfunda á haustönn 2012 sem eru haldnir að jafnaði einu sinni í viku.  

6.

1208041 - Vinnuhópur um sérfræðiþjónustu leik- og grunnskóla í Árborg

Fundargerð til kynningar frá 18. desember 2012.

Bókun um málsmeðferð

Unndirritaður telur það nauðsynlegt fyrir afgreiðslu þessa máls að fá umsögn Skólaskrifstofu Suðurlands á efnislegum atriðum skýrslu um sérfræðiþjónustu skóla í Árborg. Því fer ég fram á að óskað verði eftir formlegri umsögn stjórnar Skólaskrifstofu Suðurlands um skýrsluna.

Jafnframt fer ég fram á að haldinn verði fundur með stjórn Skólaskrifstofunnar til að ræða efnisatriði skýrslunnar.

Andrés Rúnar Ingason

fulltrúi V-lista.

Fræðslustjóri upplýsti að athugasemdir hefðu nýlega borist frá framkvæmdastjóra SKS sem vinnuhópurinn mun fjalla um nk. mánudag og í kjölfarið munu þær verða sendar fræðslunefnd með fundargerð hópsins.

7.

1301023 - Samstarfsnefnd um símenntun kennara

Lokaskýrsla um starf samstarfsnefndar um símenntun kennara frá október 2012 lögð fram til kynningar.

8.

1204180 - Álfheimafréttir

Til kynningar 11 tbl. í nóvember 2012. Í fréttabréfinu er m.a. fundargerð foreldraráðs frá 6. nóvember 2012.

9.

1201072 - Fréttabréf Jötunheima

Til kynningar 9. tbl. í desember 2012.

10.

1301048 - Skólaráð Sunnulækjarskóla

Til kynningar 26. fundur, haldinn 12. desember 2012.