26.5.2016

28. fundur framkvæmda- og veitustjórnar

28. fundur framkvæmda- og veitustjórnar Árborgar, kjörtímabilið 2014-2018, haldinn miðvikudaginn 18. maí 2016 að Austurvegi 67, Selfossi, kl. 08:10.  Mætt: Gunnar Egilsson, formaður, D-lista, Ragnheiður Guðmundsdóttir, nefndarmaður, D-lista, Ingvi Rafn Sigurðsson, nefndarmaður, D-lista, Viktor Pálsson, nefndarmaður, S-lista, Helgi Sigurður Haraldsson, nefndarmaður, B-lista, Jón Tryggvi Guðmundsson, framkvæmda- og veitustjóri. Dagskrá: 

Almenn afgreiðslumál
1.	1507014 - Rannsóknir og jarðhitaleit í Laugardælum
	Skýrsla frá ÍSOR um borun í Laugardælum lögð fram. Stjórnin samþykkir að ráðast í borun á nýrri vinnsluholu ÞK-18 með fyrirvara um samþykki bæjarráðs um fjármögnun.
2.	1507013 - Rannsóknir og jarðhitaleit í nágrenni við Selfosskirkju og Ölfusárbrú
	Upplýsingar um rannsóknarboranir í nágrenni við Selfosskirkju og Ölfusá lagðar fram. Hola SE-29 var boruð í 516 m. SE-30 hefur verið dýpkuð samkvæmt ráðgjöf ISOR.
3.	1601147 - Ný dælustöð hita- og vatnsveitu fyrir Eyrarbakka og Stokkseyri
	Farið yfir stöðu verkefnisins. Hönnun dælustöðvar er nánast lokið og deiliskipulag verður tekið fyrir á næsta fundi skipulags- og byggingarnefndar.
4.	1605064 - Sundhöll Selfoss - trjágróður á lóð
	Stjórnin samþykkir framkomnar hugmyndir um grisjun og endurnýjun trjágróðurs við Sundhöll Selfoss.
5.	1605214 - Gatnaframkvæmdir í Hagalandi 2016
	Stjórnin samþykkir að malbika gangstéttir og stíga við Tjarnarmóa, Lyngmóa og Víkurmóa. Framkvæmdirnar eru á fjárfestingaráætlun ársins 2016.
6.	1605215 - Selfossveitur -endurnýjun á þakklæðningu verkstæðishúss
	Ákveðið að taka tilboði Blásteins í endurnýjun þakklæðningar á verkstæðishús Selfossveitna.

Fundargerð lesin upp og fundi slitið kl: 9:40

Gunnar Egilsson		Ragnheiður Guðmundsdóttir
Ingvi Rafn Sigurðsson		Viktor Pálsson
Helgi Sigurður Haraldsson		Jón Tryggvi Guðmundsson