29.6.2017

29. fundur félagsmálanefndar

29. fundur félagsmálanefndar Árborgar, kjörtímabilið 2014-2018, haldinn fimmtudaginn 8. júní 2017 í Setri Egils, Ráðhúsi Árborgar, Austurvegi 2, Selfossi, kl. 16:15.  Mætt: Ari B. Thorarensen, formaður, D-lista Jóna S. Sigurbjartsdóttir, nefndarmaður, D-lista Þórdís Kristinsdóttir, nefndarmaður, D-lista Svava Júlía Jónsdóttir, nefndarmaður, S-lista Eyrún Björg Magnúsdóttir, nefndarmaður, Æ-lista Sigdís Erla Ragnarsdóttir, áheyrnarfulltrúi ungmennaráðs Anný Ingimarsdóttir, verkefnisstjóri félagslegrar ráðgjafar Guðlaug Jóna Hilmarsdóttir, félagsmálastjóri Formaður leitaði afbrigða að taka mál nr. 1704254 á dagskrá og var það samþykkt samhljóða. Fundargerð ritar Guðlaug Jóna Hilmarsdóttir. Sigdís Erla Ragnarsdóttir kom inn á fundinn undir lið 3. Dagskrá: 

Almenn afgreiðslumál
1.	1706036 - Barnaverndarmál - trúnaðarmál
	Trúnaðarmál fært í trúnaðarmálabók.
2.	1701043 - Reglur Sveitarfélagsins Árborgar um sérstakan húsnæðisstuðning
	Félagsmálanefnd samþykkir tillögur um breytingu á reglum Sveitarfélagsins Árborgar um sérstakan húsnæðisstuðning og leggur til að breytingarnar taki gildi frá og með 1. júní 2017.
3.	1607086 - Framkvæmd nýrra laga um almennar íbúðir
	Félagsmálanefnd leggur til við bæjarráð að ræða við VSÓ um gerð húsnæðisáætlunar fyrir sveitarfélagið.
5.	1704254 - Styrkbeiðni - starfsemi Bataseturs Suðurlands, geðræktarmiðstöð
	Hildur Gestsdóttir og Sjöfn Þórarinsdóttir komu á fund félagsmálanefndar fyrir hönd Bataseturs og skýrðu frá starfi þess. Félagsmálanefnd þakkar öllum þeim sem komið hafa að stofnun og starfi Bataseturs og ekki síst Jónu Heiðdísi Guðmundsdóttur. Draumur þeirra er að fá varanlegt húsnæði og 2 föst stöðugildi. Í dag er starfsemin á tveimur stöðum og opin þrjá daga vikunnar. Notendum hefur fjölgað jafnt og þétt og  í dag eru að meðaltali 10 sem koma á dag. Umræður voru um hvort Strókur og Batasetur ættu ekki möguleika á að vinna saman í sama húsi. Hildur og Sjöfn sögðu Batasetur vera jákvæð í garð þess en eins og staðan er í dag hafa þau einn dag til afnota í sama húsi og Strókur er og tvo daga í húsi Hvítasunnukirkjunnar. Félagsmálanefnd hvetur forstöðumenn Stróks og Bataseturs til að vinna að því að sameina krafta sína í enn öflugra starfi fyrir notendur á Suðurlandi. Félagsmálanefnd samþykkir að styrkja Batasetur um 250.000 krónur.
Erindi til kynningar
4.	1703251 - Staða leiguíbúða sveitarfélaga 2017
	Könnunin var lögð fram til kynningar.

    Fundargerð lesin upp og fundi slitið kl: 19:30  

Ari B. Thorarensen		Jóna S. Sigurbjartsdóttir
Þórdís Kristinsdóttir		Svava Júlía Jónsdóttir
Eyrún Björg Magnúsdóttir		Sigdís Erla Ragnarsdóttir
Anný Ingimarsdóttir		Guðlaug Jóna Hilmarsdóttir