29. fundur bæjarráðs
29. fundur bæjarráðs Árborgar, kjörtímabilið 2006-2010 haldinn 25.01.2007 í Ráðhúsi Árborgar, Austurvegi 2, Selfossi, kl. 08:10
Mætt:
Jón Hjartarson, formaður
Margrét Katrín Erlingsdóttir, varaformaður
Þórunn J Hauksdóttir, bæjarráðsmaður
Ragnheiður Hergeirsdóttir, bæjarstjóri
Ásta Stefánsdóttir, bæjarritari
Dagskrá:
1. Fundargerðir til staðfestingar:
0701062 |
|
1a) -liður 5, tillaga fulltrúa D-lista um 2,5% hækkun leikskólagjalda, bókun meirihluta bæjarráðs: Í forsendum fjárhagsáætlunar, sem Sjálfstæðisflokkurinn stóð að í fyrri meirihluta, er gert ráð fyrir 5% hækkun. Því vekur þessi bókun undrun.
-liður 5, bæjarráð samþykkir tillögu leikskólanefndar að breytingum á gjaldskrá leikskóla.
-liður 6, bæjarráð samþykkir tillögu að innritunarreglum með þeim breytingum sem leikskólanefnd lagði til.
Þórunn Jóna Hauksdóttir, D-lista, lagði fram bókun:
Í fyrsta lagi: Í fyrrverandi meirihluta lögðu fulltrúar D-lista áherslu á að útrýma orðinu ,,biðlisti” úr innritunarreglum í leikskóla því það er skoðun mín að biðlistar eigi ekki heima í barnvænu samfélagi. Það er ánægjulegt að sjá þessa breytingu á reglunum. Í öðru lagi er það skoðun mín að strax eigi að miða við að öll börn frá 18 mánaða aldri fái úthlutað leikskólaplássi og það eigi að koma fram í innritunarreglum. Svo er ekki. Í þriðja lagi ættu börn að fá dvöl á leikskóla hvenær sem er almanaksársins en ekki bara að hausti.
Margrét K. Erlingsdóttir, B-lista, leggur fram svohljóðandi bókun:
Í nýsamþykktum innritunarreglum fyrir leikskóla í Sveitarfélaginu Árborg er miðað við öll börn frá 2ja ára aldri fái inngöngu í leikskóla. Heimilt er að taka inn yngri börn þegar aðstæður skapast til þess. Að jafnaði eru börn tekin inn að loknum sumarleyfum því þá fer út einn árgangur sem hefur grunnskólagöngu. Börn fá að sjálfsögðu inngöngu á leikskóla á öðrum tímum ársins þegar pláss eru laus.
Meirihluti bæjarráðs.
-liður 10, bæjarráð samþykkir eftirfarandi tillögu leikskólafulltrúa og leikskólastjóra um sumarleyfislokun leikskóla, sbr. afgreiðslu leikskólanefndar:
Ásheimar - Álfheimar - Æskukot frá 12. júní til 13. júlí.
Árbær - Glaðheimar - Brimver frá 9. júlí til 13. ágúst.
Hulduheimar frá 26. júní til 27. júlí.
Fundargerðin staðfest.
2. Fundargerðir til kynningar:
0701073 |
|
|
b. |
0701067 |
|
2a) -liður 1, bæjarráð tekur undir ályktun stjórnar SASS um málefni Heilbrigðisstofnunar Suðurlands og leggur þunga áherslu á að fjármögnun til að ljúka viðbyggingunni til fulls verði tryggð.
-liður 3, bæjarráð tekur undir ályktun stjórnar SASS og beinir því til menntamálaráðherra að gæta jafnræðis milli landshluta við gerð menningarsamninga og halda sig við fyrri áform um gerð sérstaks menningarsamnings fyrir suðurland.
-liður 6, bæjarráð tekur undir ályktun Samgöngunefndar SASS um breikkun Suðurlandsvegar og krefst þess að fjármálaráðherra og samgönguráðherra tryggi þegar í stað fjármagn til lagningar tvöfalds Suðurlandsvegar frá Reykjavík til Selfoss, auk nýrrar brúar yfir Ölfusá.
-liður 10, bæjarráð lýsir þungum áhyggjum af málefnum Landbúnaðarháskóla Íslands að Reykjum og skorar á landbúnaðarráðherra að tryggja uppbyggingu og rekstur skólans að Reykjum í Ölfusi, með sérstaka áherslu á fjölbreytta rannsóknar- og vísindastarfsemi og nýtingu þeirra rannsóknarmannvirkja sem fyrir hendi eru.
Lagðar fram.
3. 0701022
Svör við fyrirspurn fulltrúa D-lista frá 11.01.07 - um fjölda tilbúinna lóða í Árborg -
Lagðar voru fram upplýsingar um íbúðalóðir, upplýsingar um atvinnulóðir liggja ekki fyrir, en þær verða lagðar fram á næsta fundi.
4. Erindi til kynningar:
Fundargerð lesin upp og fundi slitið kl. 08:40.
Jón Hjartarson
Margrét K. Erlingsdóttir
Þórunn J Hauksdóttir
Ragnheiður Hergeirsdóttir
Ásta Stefánsdóttir
