3. fundur menningarnefndar
3. fundur menningarnefndar Árborgar kjörtímabilið 2006-2010, haldinn í ráðhúsi Árborgar, mánudaginn 30. október 2006, kl. 17:15.
Mætt: Þórir Erlingsson, formaður, Sigrún Jónsdóttir, Ingveldur Guðjónsdóttir, Sigurður Ingi Andrésson og Grímur Hergeirsson.
Dagskrá:
1. Umsóknir um menningarstyrki,- síðari úthlutun 2006.
Alls bárust umsóknir um styrki frá 7 aðilum, ýmist rekstrarstyrkir eða styrkir til sérstakra verkefna, samtals að upphæð kr. 1.580.000,-. Til úthlutunar nú eru kr. 1.090.000,-. Nefndin samþykkir að úthluta styrkjum með eftirfarandi hætti:
Rekstrarstyrkir:
Leikfélag Selfoss kr. 500.000,-
Harmonikkufélag Selfoss kr. 90.000,-
Verkefnastyrkir:
Gísli R Kristjánsson, Inga Lára Baldvinsdóttir, Jón Ragnarsson og Magnús Karel Hannesson vegna verkefnisins “Endurbygging Vesturbúðarinnar – draumur eða veruleiki” kr. 100.000,-
Sigurgeir Hilmar Friðþjófsson vegna vinnu við gerð söngleiks um Pál Ísólfsson, kr. 150.000,-
Hljómsveitin Uppþot á Selfossi vegna markaðs- og kynningarstarfs, kr. 50.000,-
Nykur, þjóðfræðifélag vegna verkefnisins “Nykur.is – Þjóðfræðirannsóknir” , kr. 100.000,-
Ferðaþjónustan Suðurströnd ehf. vegna verkefnisins “www.southcoast.is www.stokkseyri.is” , kr. 100.000,-
2. Framtíðarstaðsetning listaverksins Sendiboðans eftir Halldór Forna..
Nefndin ítrekar bókun frá fundi menningarnefndar Árborgar þann 31. ágúst 2005 varðandi að listaverkinu Sendiboðanum verði komið fyrir að nýju á hringtorgi á mörkum Tryggvagötu og Norðurhóla á Selfossi. Nefndin leggur á það áherslu að listaverkum í eigu sveitarfélagsins sé komið fyrir á áberandi stöðum þar sem íbúar og gestir geta notið þeirra.
3. Menningarstefna,- hugmyndir og umræður.
Farið yfir minnispunkta frá vinnufundi nefndarinnar þann 16. október sl. vegna mótunar menningarstefnu og þeir ræddir. Nefndin hyggst í framhaldinu heimsækja stofnanir og félagasamtök í sveitarfélaginu í tengslum við þessa vinnu.
4. Aðkoma sveitarfélagsins að menningarhátíðum í Árborg.
Nefndin samþykkir að fela formanni og varaformanni að ræða við þau félagasamtök og aðila sem séð hafa um framkvæmd hinna ýmsu hátíðahalda í sveitarfélaginu undanfarin ár og leggja í framhaldi af því fram tillögur að fyrirkomulagi og aðkomu sveitarfélagsins fyrir nefndina.
5. Önnur mál.
a) Nefndin stefnir að næsta reglulega fundi sínum mánudaginn 13. nóvember nk. kl. 17:15.
Fundi slitið kl. 18:35.
Þórir Erlingsson
Sigrún Jónsdóttir
Ingveldur Guðjónsdóttir
Sigurður Ingi Andrésson
Grímur Hergeirsson
