31. fundur íþrótta- og tómstundanefndar
31. fundur íþrótta- og tómstundanefndar haldinn fimmtudaginn 23. febrúar 2006 kl. 17:15 í félagsmiðstöðinni Zelsiuz á Selfossi.
Mætt: Gylfi Þorkelsson, Elvar Gunnarsson, Sigríður Anna Guðjónsdóttir, Ármann Ingi Sigurðsson, í forföllum Guðmundar Karls Sigurdórssonar og Grímur Hergeirsson. Halldór Valur Pálsson forfallaðist.
1. mál: Sparkvöllur. Erindi frá KSÍ vegna möguleika á áframhaldandi samstarfi í sparkvallaátaki.
Nefndin samþykkir að sótt verði um áframhaldandi samstarf við KSÍ og nýjan sparkvöll sem staðsettur verður við barnaskólann á Eyrarbakka.
2. mál: Samningur við Umf. Selfoss um rekstur íþróttavallarsvæðisins á Selfossi.
Verkefnisstjóri fór yfir og kynnti samning sem liggur fyrir um rekstur íþróttavallarsvæðisins og samþykktur hefur verið í bæjarráði og af framkvæmdastjórn Umf. Selfoss. Samningurinn er til eins árs og verður undirritaður í næstu viku.
3. mál: Önnur mál.
a) Vinnuhópur um samþættingu skóla-, íþrótta- og tómstundastarfs hefur ekki komið saman. Verkefnisstjóra falið að kalla hópinn saman sem fyrst.
b) Verkefnisstjóri upplýsti að 13 umsóknir hefðu borist um starf forstöðumanns í Sundhöll Selfoss. Ráðið verður í stöðuna á næstu dögum.
Fundi slitið kl. 18:20.
Grímur Hergeirsson
Gylfi Þorkelsson
Elvar Gunnarsson
Sigríður Anna Guðjónsdóttir
Ármann Ingi Sigurðsson
