32. fundur Framkvæmda- og veitustjórnar

1.

1006066 - Mögulegir virkjanakostir í Sveitarfélaginu Árborg

Páll Bjarnason frá Verkfræðistofu Suðurlands kom á fundinn og kynnti hæðarmódel og rennslistölur fyrir tvö möguleg lónsstæði.

2.

0806063 - Málefni Björgunarmiðstöðvar

Eiríkur Steinn Búason, umsjónarmaður fasteigna, lagði fram drög að kostnaðaráætlun vegna krafna leigutaka um lokafrágang hússins. Eiríki Steini er falið að vinna málið áfram og leggja fram lokaáætlun fyrir næsta fund.

3.

1201135 - ÞK - 17 borun eftir heitu vatni

Borverki er lokið, borað var niður á 1100m. Hita- og afkastamælingum er ólokið en niðurstöður munu liggja fyrir eftir páska.

4.

1202372 - Flutningur á trjám úr Hellisskógi inn í Árborg

Stjórnin þakkar erindið. Ekki er gert ráð fyrir þessu verkefni í fjárhagsáætlun 2012 og því sér stjórnin sér ekki fært að verða við erindinu að svo stöddu. Tekið verður tillit til verkefnisins við gerð fjárhagsáætlunar 2013.

5.

1202273 - Umhverfisverkefni sumarið 2012

Fundargerð verkefnahóps lögð fram til kynningar.

Fundur verkefnahóps um umhverfismál í Sveitarfélaginu Árborg, haldinn þann 21.febrúar 2011 kl. 08.15 á tækni- og veitusviði, Austurvegi 69.

Mættir:

Elfa Dögg Þórðardóttir

Marta María Jónsdóttir

Sesselja Sumarrós Sigurðardóttir

Þórdís Eygló Sigurðardóttir

Dagskrá fundarins.

1. 1.       Hlutverk verkefnahópsins

Farið var yfir verklag og umfjöllunarefni hópsins.  Ljóst er að á næstu 2 árum verða haldnir stórir viðburðir í Sveitarfélaginu sem krefjast samræmingar og markmiðssetningar.  Nefndin telur ekki þörf á að kjósa sérstakan formann,enda um verkefnahóp að ræða skipaðan fólki sem lætur sér annt um útlit og umhverfi í sveitarfélaginu, með menntun og áhuga á verkefnum tengdum umhverfismálum.

1. 2.       Miðbæjarskipulag

Rætt var um tillögur að miðbæjarskipulagi við miðjureit sem og skipulag það sem Vegagerðin hefur kynnt.  Nefndin telur að víðtækt skipulag og aðkomu margra þurfi við mótun tillagna, ekki síst umhverfissviðs.  

1. 3.       Gróðursetningar í sveitarfélaginu

Farið var yfir gróðursetningar og skreytingar í sveitarfélaginu.  Mikil litadýrð mun einkenna skreytingar og beð auk þess sem sérstakt þema verður í tengslum við Unglingalandsmót í ágúst.

1. 4.       Hleðslur garða á Eyrarbakka.

Ræddar voru hugmyndir varðandi uppbyggingu gamalla garða á Eyrarbakka sem eru einkennandi fyrir bæjarfélagið.  Kannað verður hvort hægt sé að koma á sérstökum hópi sem sérhæfa mun sig í hleðslum undir verkstjórn fagmanna.

1. 5.       Erindi Blómavals um samstarfs vegna Tryggvatorgs á Selfossi

Blómaval hefur óskað eftir samstarfi við sveitarfélagið varðandi Tryggvatorg og umhirðu þess.  Blómaval hefur boðist til að taka svæðið að sér og koma blómum í það og laukum.  Félag blómaskreyta hefur hug á að vinna með sveitarfélaginu varðandi útfærslu sem breytast mun ár frá ári. 

Mjög mikilvægt er að í tengslum við Landsmót UMFÍ verði ásjóna bæjarfélagsins með besta móti og ljóst að fagfólk í Félagi blómaskreyta getur aðstoðað verulega hvað það varðar sem og aðkoma fyrirtækja á borð við Blómaval. 

Áfram verður unnið að málinu.

1. 6.       Vinnuskóli

Verkefni sumarsins voru rædd og voru nefndarmenn sammála um að  koma verður á uppbyggilegri verkefnum en að skafa gangstéttar, en til þess eru margar leiðir.  Verkefni á borð við stígagerð, hleðslur og fleira eru verk sem eru mun líflegri og meira krefjandi.

1. 7.       Kotgarðar

Auður I. Ottesen kom inn á fundinn og lýsti yfir vilja til samstarf þess eðlis að koma á svokölluðum ”Kotgörðum“.  Nefndin tekur erindinu fagnandi og telur vera mikinn áhuga á slíku í sveitarfélaginu.  Líklega verður farið í samstarf við Garðyrkjufélag Íslands um málið og verður áfram unnið að verkefninu.  Einnig báru á góma svokallaðir ”Healing gardens“, garðar fyrir eldri borgara við Grænumörk sem og skólagarðar.