12.10.2017

33. fundur íþrótta- og menningarnefndar

33. fundur íþrótta- og menningarnefndar Árborgar, kjörtímabilið 2014-2018, haldinn miðvikudaginn 27. september 2017 í Norðursal, Ráðhúsi Árborgar, Austurvegi 2, Selfossi, kl. 06:30.  Mætt: Kjartan Björnsson, formaður, D-lista Axel Ingi Viðarsson, nefndarmaður, D-lista Helga Þórey Rúnarsdóttir, nefndarmaður, D-lista Sesselja Sumarrós Sigurðardóttir, nefndarmaður, S-lista Estelle Burgel, nefndarmaður, Æ-lista Bragi Bjarnason, íþrótta- og menningarfulltrúi  Bragi Bjarnason ritaði fundargerð. Dagskrá: 

Almenn afgreiðslumál
1.	1709218 - Fjárhagsáætlun menningar- og frístundasviðs 2018
	Farið yfir drög að fjárhagsáætlun menningar- og frístundasviðs fyrir árið 2018. Farið yfir minnisblöð um styrki, rekstrarkostnað og tillögur að gjaldskrárbreytingum sem lagðar verða fyrir bæjarstjórn í fjárhagsáætlunarvinnunni. Starfsmanni falið að vinna áfram að áætluninni með þeim áherslum sem lagðar voru til á fundinum. Samþykkt samhljóða.
2.	1703030 - Menningarmánuðurinn október 2017
	Farið yfir dagskrá menningarmánaðarins sem stendur frá lok september og fram í miðjan nóvember. Fjölbreyttir viðburðir í gangi svo allir ættu að finna sér eitthvað við sitt hæfi og hvetur nefndin íbúa til þátttöku. Dagskráin er komin í auglýsingu og á næstu dögum fá íbúar senda sérstaka litabók með dagskrá hátíðarinnar. Samþykkt samhljóða.
3.	1709219 - Uppskeruhátíð ÍMÁ 2017
	Rætt um skipulag uppskeruhátíðar ÍMÁ sem fram fer í lok desember ár hvert. Ákveðið að hátíðin fari fram fimmtudaginn 28. desember í hátíðarsal FSu og er starfsmanni nefndarinnar falið að bóka salinn og halda áfram undirbúningi. Samþykkt samhljóða.
4.	1709221 - Afreksstyrkir íþróttafélaga í samningum
	Lagður fram listi yfir íþróttafélög sem hafa afreksstyrki í samningum við Sveitarfélagið Árborg. Rætt um fyrirkomulagið og lagt til að félögin sem hafa þessa styrki mæti á uppskeruhátíð ÍMÁ á hverju ári og tilkynni um úthlutun úr þeirra sjóði. Starfsmanni falið að ræða við félögin og setja þetta inn sem ákvæði í samninga. Samþykkt samhljóða.

Fundargerð lesin upp og fundi slitið kl: 7:45  

Kjartan Björnsson		Axel Ingi Viðarsson
Helga Þórey Rúnarsdóttir		Sesselja Sumarrós Sigurðardóttir
Estelle Burgel		Bragi Bjarnason