31. fundur framkvæmda- og veitustjórnar

1.

1202372 - Flutningur á trjám úr Hellisskógi inn í Árborg

Erindi Skógræktarfélags Selfoss lagt fram. Stjórnin tekur jákvætt í erindið og felur formanni og tækni- og veitustjóra að afla frekari upplýsinga og leggja fram kostnaðaráætlun á næsta fundi.

2.

1202238 - Fundargerðir hverfisráðs Selfoss 2012

Fundargerð hverfisráðs Selfoss.

Liður 2. Verklagsreglur vegna snjómoksturs. Stjórnin þakkar ábendingarnar og mun taka tillit til þeirra við endurskoðun verklagsreglna vegna snjómoksturs fyrir næsta vetur.

Liður 5. Matjurtagarður á Selfossi. Stjórninni líst vel á hugmyndir hverfisráðs um matjurtagarð á Selfossi. Unnið er að undirbúningi matjurtagarðs á Selfossi í samvinnu við Auði Ottesen og Garðyrkjufélag Íslands.

Liður 8. Merkingar 30 km hverfi. Stefnt er að því að yfirborðsmerkja 30 km hámarkshraða á völdum svæðum í sumar.

3.

1201128 - Viðhaldsgjald fyrir götulýsingu og eignarhald

Tækni- og veitustjóri kynnti erindi frá Rarik. Rarik og Samband íslenskra sveitarfélaga vinna nú að gerð rammasamnings vegna hugsanlegrar yfirtöku sveitarfélaga á viðhaldi götulýsingar innan dreifisvæði Rariks. Dreifisvæði Rariks innan Árborgar nær til hluta dreifbýlis sveitarfélagsins.

4.

1201135 - ÞK – 17, borun eftir heitu vatni

Tækni- og veitustjóri kynnti stöðu verksins. Verkið er á áætlun. Þegar er búið að bora 692 m, stefnt er að því að fara niður á 1100 m dýpi. Verklok eru áætluð um miðjan apríl.