4. fundur íþrótta- og tómstundanefndar
4. fundur íþrótta- og tómstundanefndar, kjörtímabilið 2006-2010, haldinn miðvikudaginn 22. nóvember 2006, kl. 17:15 í ráðhúsi Árborgar.
Mætt: Grímur Arnarson, Kristín Hrefna Halldórsdóttir, Helgi S. Haraldsson, Elín Harpa Valgeirsdóttir,Gylfi Þorkelsson ogGrímur Hergeirsson.
1. mál: 0610022
Beiðni frjálsíþróttadeildar Umf. Selfoss um styrk til kaupa á áhöldum til æfinga og keppni í stangarstökki.
Vísað til ÍTÁ af bæjarráði 26.10.06.
Samþykkt að vísa beiðninni til síðari úthlutunar íþrótta- og tómstundastyrkja 2006.
Helgi S. Haraldsson vék af fundi við afgreiðslu málsins vegna vanhæfis.
2. mál: 0611093
Auglýsing vegna íþrótta- og tómstundastyrkja, síðari úthlutun 2006.
Drög að auglýsingu lögð fram og samþykkt samhljóða. Umsóknarfrestur er til 13. desember.
3. mál: 200302039
Afreks- og styrktarsjóður Árborgar.
a) Tillaga um breytingar á samþykkt um sjóðinn.
b) Skipun í stjórn sjóðsins.
a) Formaður lagði fram tillögu að breytingum á samþykkt fyrir sjóðinn. Breytingin felur í sér að ákvæði um að einn fulltrúi í þriggja manna stjórn sjóðsins skuli skipaður af Umf.Selfoss er fellt út. Þess í stað skipar ÍTÁ alla þrjá í stjórnina. Þetta er gert til að gæta jafnræðis milli íþróttafélaganna í Árborg.
Tillagan samþykkt samhljóða.
b) Nefndin samþykkti samhljóða að skipa þá Grím Arnarson, Helga S. Haraldsson og Grím Hergerisson í stjórn Afreks- og styrktarsjóðs Árborgar.
4. mál: 2002120023
Reglugerð um kjör Íþróttamanns Árborgar.
Nefndin samþykkir samhljóða að í stað þess að útnefna einn íþróttamann Árborgar verði sú breyting á að bæði verði útnefnd íþróttakarl og íþróttakona Árborgar. Nefndin felur formanni og verkefnisstjóra íþrótta-, forvarna- og menningarmála að gera tillögu að breytingum á núgildandi reglugerð í samræmi við þessa ákvörðun.
5. mál:
Uppskeruhátíð ÍTÁ 2006.
Stefnt er að því að uppskeruhátíðin verði haldin fimmtudaginn 28. desember nk. Nefndin samþykkir að skipa þau Grím Arnarson, Kristínu Hrefnu Halldórsdóttur og Elínu Hörpu Valgeirsdóttur í undirbúningsnefnd fyrir hátíðina.
6. mál: 0611041
Uppbygging útikörfuboltavallar með gerviefni - tillaga frá Gylfa Þorkelssyni, S-lista. Vísað til umsagnar ÍTÁ af bæjarstjórn 08.11.06.
Nefndin samþykkir eftirfarandi bókun:
“Með hliðsjón af afgreiðslu á 17. fundi bæjarráðs þann 2.11 sl., á bréfi UMFS, varðandi uppbyggingu aðalleikvangs við Engjaveg samþykkir Íþrótta-og tómstundanefnd Árborgar,að vísa tillögu Gylfa Þorkelssonar, um “Uppbyggingu útikörfuboltavallar með gerviefni” til þeirrar vinnu sem hafin er við framkvæmda- og fjárhagsáætlanagerð um uppbyggingu íþróttamannvirkja almennt í Sveitarfélaginu Árborg.”
Gylfi Þorkelssonlýsti sig vanhæfan og tók ekki þátt í afgreiðslu málsins.
7. mál: 0607041
Skýrslur starfshóps um tillögur að endurbótum á Sundhöll Selfoss. Lagt fram til kynningar.
Formaður kynnti í stuttu máli skýrslu meirihluta starfshópsins. Krístín Hrefna Halldórsdóttir lagði fram svo hljóðandi bókun:
“Ég fagna nýútkominni skýrslu starfshóps um tillögur að endurbótum áSundhöll Selfoss. Í henni eru sett fram glæsileg framtíðarsýn sem vonandi verður að veruleika sem fyrst. Það yrði Árborg til mikils sóma.”
8. mál:
Önnur mál.
a) Kristín Hrefna tók til máls og ræddi um stöðu mála varðandi undirbúning að opnun ungmennahúss.
b) Helgi S. Haraldsson tók til máls og lagði fram svo hljóðandi bókun:
“Íþrótta-og tómstundanefnd Árborgar, fagnar ákvörðun bæjarráðs Árborgar, að hita upp nýja gervigrasvöllinn við Engjaveg á Selfossi.”
Nefndin tekur samhljóða undir bókunina.
Fundi slitið kl. 18:50
Grímur Arnarson
Kristín Hrefna Halldórsdóttir
Gylfi Þorkelsson
Helgi S. Haraldsson
Elín Harpa Valgeirsdóttir
Grímur Hergeirsson
