4. fundur umhverfisnefnd
4. fundur í umhverfisnefnd Árborgar fimmtudaginn 8. nóvember 2006 klukkan 15.30
Fundurinn haldinn að Austurvegi 67 (Selfossveitur).
Fundinn sátu: Björn B. Jónsson (formaður), Elfa Dögg Þórðardóttir, María Ingibjörg Hauksdóttir, Jón Hjartarson, Björn Ingi Gíslason og Siggeir Ingólfsson sem ritaði fundargerð.
Dagskrá:
1. Umsögn um uppbyggingu kajakaferða á Stokkseyri.
Nefndin óskar eftir teikningum af fyrirhuguðum framkvæmdum.
2. Tillöga um fjölgun ruslakassa í Árborg næst miðbæ Selfoss.
Siggeir lagði fram tillögu að sem felur í sér lítilsháttar fjölgun á ruslakössum og breyta staðsetningu á þeim í miðbæ Selfoss. Nefndin telur að eðlilegra sé að umhverfisdeildin hafi eftirlit og umsjón með ruslakössum í framtíðinni, þar sem deildin sér um aðra umhirðu og hreinsun í sveitarfélaginu.
3. Umsögn um umhverfismat samgönguáætlana 2007 - 2018.
3.3. Nefndin gerir ekki efnislegar athugasemdir við umhverfismat samgönguáætlana 2007 – 2018, en bendir þó á að vitnað er í lög sem hafa verið felld úr gildi á blaðsíðu 19 um landshlutaverkefni í skógrækt. Ný lög nr.95/2006 tóku yfir eldri lög.
4. Umsögn um deiliskipulag.
a) Dísastaðir í Árborg. Lögð fram tillaga að deiliskipulagi (Drög)
Nefndin gerir athugasemd við skort á opnum svæðum og leiksvæðum, og leggur til að svæðin verði stækkuð umtalsvert.
b) Laugardælir. Deiliskipulagsuppdráttur 01.11.2006 og Skýringauppdráttur.
Nefndin gerir ekki athugasemdir við fram komið skipulag.
5.Notkun á illgresis- og skordýraeyðingarlyfjum í Árborg.
Siggeir lagði fram samantekt á þeim efnum sem sveitarfélagið er að nota og þeim efnum sem áætlað er að almenningur sé að nota.
Nefndin telur að samantektin gefi vísbendingar um að efnanotkun sé vel innan ásættanlegra marka.
Fundi slitið:16:45
Björn B. Björnsson
Elfa Þórðardóttir
Siggeir Ingólfsson
Jón Hjartarson
Björn Gíslason
María Hauksdóttir
