20.11.2014

4. fundur fræðslunefndar

4. fundur fræðslunefndar Árborgar, kjörtímabilið 2014-2018, haldinn fimmtudaginn 13. nóvember 2014 í Norðursal, Ráðhúsi Árborgar, Austurvegi 2, Selfossi, kl. 16:30.  Mætt: Sandra Dís Hafþórsdóttir, formaður, D-lista, Magnús Gíslason, nefndarmaður, D-lista, Brynhildur Jónsdóttir, nefndarmaður, D-lista, Arna Ír Gunnarsdóttir, nefndarmaður, S-lista, Guðbjartur Ólason, fulltrúi skólastjóra, Ingibjörg Stefánsdóttir, fulltrúi leikskólastjóra, Brynja Hjörleifsdóttir, fulltrúi starfsmanna leikskóla, Sigríður Pálsdóttir, fulltrúi kennara, Málfríður Garðarsdóttir, fulltrúi foreldra grunnskóla, Málfríður Erna Samúelsdóttir, fulltrúi foreldra leikskóla, Þorsteinn Hjartarson, fræðslustjóri. Dagskrá: 

Almenn afgreiðslumál
1.	1411048 - Verkfall tónlistarkennara
Fræðslunefnd tekur undir bókun, sem samþykkt var í bæjarstjórn 12. nóvember, og lýsir yfir áhyggjum af stöðu kjarasamningsviðræðna við tónlistarkennara og áhrifum þess á tónlistarnám barna og ungmenna í Árborg. Nefndin leggur áherslu á að tónlistarkennarar njóti kjara í samræmi við hliðstæðar starfsstéttir. Einnig verði lögð áhersla á að sérstaða tónlistarnáms fái notið sín. Þá verði því sýndur skilningur að tónlistarnám gegnir mikilvægu hlutverki í samfélaginu og sé stór hluti af menntun margra barna.
2.	1411027 - Námsferð starfsfólks Álfheima til Noregs 2015
Sótt er um breytingar á dagsetningu skipulagsdaga vegna námsferðar starfsfólks Álfheima til Noregs 22.-26. apríl 2015. Samþykkt samhljóða.
3.	1411050 - Samskipti skóla og trúfélaga
Arna Ír Gunnarsdóttir, S-lista, lagði fram tillögu um að settar verði formlegar reglur um um samskipti skóla og trúfélaga í Árborg. Fræðslustjóra falið að vinna drög í samstarfi við skólastjórnendur og kjörna fulltrúa. Tillögur að reglum verða teknar til afgreiðslu á næsta fundi.
4.	1411044 - Sumarlokanir leikskóla 2015
Samþykkt að hafa fyrirkomulag sumarlokana eins árið 2015 og það var sl. sumar. Foreldrakönnun verði svo lögð fyrir haustið 2015 vegna ársins 2016.
Erindi til kynningar
5.	1411047 - Tvítyngd börn í skólum Árborgar - lykiltölur
Til kynningar. Þessi samantekt starfsfólks leikskóla og skólaþjónustu er hluti af kortlagningu á stöðu mála í skólum sveitarfélagsins. Verið er að undirbúa stofnun faghóps sem mun vinna að frekari þróun á námi, kennslu og þjónustu við tvítyngd börn í leik- og grunnskólum sveitarfélagsins.
6.	1310030 - Ytra mat á Vallaskóla 2014
Til kynningar. - Bréf frá mennta- og menningarmálaráðuneytinu, dags. 13. október 2014, vegna eftirfylgni með úttekt á starfsemi Vallaskóla. - Ný útgáfa af umbótaáætlun Vallaskóla í kjölfar ytra mats þar sem tekið er mið af ábendingum í bréfi mmr.
7.	1403096 - Upplýsingatækni og skólastarf
Til kynningar. - Minnisblað fræðslusviðs um upplýsingatækni og skólastarf í Árborg. - Matsrammi fyrir upplýsinga- og tæknimennt frá skóla- og frístundasviði Reykjavíkurborgar. Fræðslunefnd tekur undir megináherslur minnisblaðsins og felur fræðslustjóra að skoða möguleika á framkvæmd ytra mats þar sem lagt er mat á nám, kennslu og tölvuþjónustu. Leita þarf allra leiða til að styðja við framþróun, símenntun, uppbyggingu og markvissa notkun upplýsingatækni í skólum sveitarfélagsins. Einnig þarf að styðja við frumkvæði og aukið sjálfstæði skólanna á þessu sviði.
8.	1402071 - Fundir leikskólastjóra, sérkennslufulltrúa og fræðslustjóra
Til kynningar. - Fundargerð frá 7. október 2014. - Fundargerð frá 11. nóvember 2014.
9.	1409163 - Viðbrögð við loftmengun vegna eldgoss
Til kynningar. - Leiðbeiningar til leik- og grunnskóla frá almannavarnadeild ríkislögreglustjóra o.fl. - Viðbragðsáætlanir leik- og grunnskóla í Árborg.
10.	1402055 - Skólaþjónusta
Til kynningar. Fundargerð samstarfsfundar skólastjórnenda grunnskóla og starfsfólks skólaþjónustu frá 14. október 2014.
11.	1401019 - Samstarfsfundur stjórnenda leikskóla og starfsfólks skólaþjónustu 2014
Til kynningar. Fundargerð frá 23. október 2014.
12.	1411036 - Vinnumat grunnskólakennara
Til kynningar. - Upplýsingar um kynningarfundi og kynningarefni á vef Sambands íslenskra sveitarfélaga vegna vinnumats grunnskólakennara. - Kynningarfundur fyrir kennara, skólastjórnendur, sveitarstjórnarmenn o.fl. verður haldinn í Sunnulækjarskóla fimmtudaginn 20. nóvember nk.   kl. 15-17.
13.	1411041 - Samráðsfundir skólastjóra, fræðslustjóra og stjórnenda FSu
Fundargerð frá 28. október 2014 til kynningar.
14.	1402054 - Álfheimafréttir
tbl. nóvember 2014 til kynningar en þar er m.a. fundargerð foreldraráðs frá 4. nóvember 2014.
15.	1411020 - Ný mennta- og æskulýðsáætlun ESB - möguleikar í Erasmus+
Til kynningar. Tölvupóstur um verkefnið dags. 24. október 2014.
16.	1410212 - Barnasáttmáli Sameinuðu þjóðanna 25 ára
Til kynningar. Bréf frá mennta- og menningarmálaráðuneytinu, dags. 24. október 2014. Fræðslunefnd tekur undir þá hvatningu sem sett er fram í bréfinu til leikskóla, grunnskóla og framhaldsskóla , þ.e. að skólarnir haldi upp á afmæli sáttmálans og veki jafnframt sérstaka athygli barna og ungmenna á sáttmálanum og gildi hans.
17.	1410091 - Rafræn handbók um velferð barna í grunnskólum
Til kynningar. Tölvupóstur frá mennta- og menningarmálaráðuneytinu, dags. 14. október 2014.

  Fundargerð lesin upp og fundi slitið kl: 18:15

Sandra Dís Hafþórsdóttir		Magnús Gíslason
Brynhildur Jónsdóttir		Arna Ír Gunnarsdóttir
Guðbjartur Ólason		Ingibjörg Stefánsdóttir
Brynja Hjörleifsdóttir		Sigríður Pálsdóttir
Málfríður Garðarsdóttir		Málfríður Erna Samúelsdóttir
Þorsteinn Hjartarson