34. fundur framkvæmda- og veitustjórnar

1.

0806063 - Málefni   Björgunarmiðstöðvar

Björgunarmiðstöðin á   Selfossi var keypt af sveitarfélaginu haustið 2010 í bágbornu ástandi og   hafði húsið staðið í langan tíma ókynnt og því orðið fyrir verulegum skemmdum   af þeim völdum.  Við kaup á húsinu var ekki gerð stöðuúttekt og því kom   ekki í ljós raunverulegt ástand þess fyrr en á verktímanum sjálfum og því   varð um verulegan kostnaðarauka að ræða miðað við upprunalegar áætlanir.    Leigusamningar eru um húsið og því hefur sveitarfélagið skyldur til að   klára ýmis mál er snúa að þeim og ljóst að ekki var gert ráð fyrir öllu í   útboðslýsingu hvað það varðar. 

Húsið flokkast að   stórum hluta sem iðnaðarhúsnæði, en einnig eru á neðri hæð miðbyggingar   skrifstofur og íbúð sjúkraflutninga á efri hæð.

Kostnaður við húsið,   með kaupum á því, stendur nú í um 115 þúsundum á m2 eða 319 milljónum og er   þá meðtalinn kostnaður við frágang lóðar, verk og lögfræðikostnaður.    Miðað við tilboð verktaka hefði sá kostnaður átt að standa í um 104   þúsundum pr. m2 eða um 286 milljónum. Fyrir liggur kostnaðaráætlun vegna   athugasemdalista frá leigutökum, sem nemur 22,2 milljónum.

2.

1201098 - Endurbætur   á Þuríðarbúð

Framkvæmda- og   veitustjórn leggur til að farið verði í framkvæmdir á Þuríðarbúð í   sumar. Fyrir liggur tilboð frá Stokkum og Steinum og heildarkostnaðaráætlun   sem nemur 2,5 milljónum.

Þuríðarbúð er farin að   láta á sjá og veruleg slysahætta er vegna fúa í þaki.

Framkvæmda- og   veitustjórn óskar eftir viðbótarfjármagni í framkvæmdina þar sem ekki er gert   ráð fyrir verkefninu á fjárfestingaráætlun fyrir árið 2012.

3.

1006066 - Mögulegir   virkjanakostir í Sveitarfélaginu Árborg

Framkvæmda- og   veitustjórn lét Verkfræðistofu Suðurlands yfirfara gögn sem lögð höfðu verið   fram fyrr á kjörtímabilinu vegna virkjana hugmynda við Efri Laugardælaeyju.   Niðurstaða þeirrar vinnu sýnir að ekki var um raunhæfar áætlanir að ræða   hvorki hvað varðar arðsemi né tæknilega útfærslu. Framkvæmda- og   veitustjórn leggst eindregið gegn því að farið verði í virkjun á þessum stað.

4.

1201135 - ÞK - 17   borun eftir heitu vatni

Tækni- og veitustjóra   falið að vinna úr ráðleggingum sérfræðinga ÍSOR varðandi áframhald í   heitavatnsöflun.

5.

1205032 -   Framkvæmdalisti 2012

Lagður fram til   kynningar.