37. fundur framkvæmda- og veitustjórnar

1.

1206171 - Aðveituæð hitaveitu frá Þorleifskoti að miðlunartanki

Stjórnin samþykkir að flýta framkvæmdum við nýja aðveitulögn hitaveitu frá Þorleifskoti að miðlunartanki. Í fjárhagsáætlun ársins 2012 er reiknað með 25 milljónum til verksins og 25 milljónum 2013, en í ljósi niðurstaðna af borun ÞK-17, sem ekki skilaði þeim árangri sem vonast var til, og til þess að tryggja rekstraröryggi hitaveitunnar, er óskað eftir aukafjárveitingu til verksins á árinu 2012.

2.

1202238 - Fundargerðir hverfisráðs Selfoss 2012

Liður 2. Stjórnin þakkar ábendinguna og mun leitast við að lóðir sveitarfélagsins séu almennt vel hirtar.

Liður 5. Stjórnin hefur þegar ákveðið að vera í nánara samstarfi við framkvæmdaaðila í sveitarfélaginu, sbr. bókun frá 35. fundi stjórnar.

Liður 8. Stjórnin þakkar ábendinguna en telur að almennt séu umferðarmerkingar í góðu lagi í sveitarfélaginu.

3.

0806063 - Málefni Björgunarmiðstöðvar

Formanni stjórnar og umsjónarmanni fasteigna er falið að koma með tillögu að lokafrágangi Björgunarmiðstöðvar fyrir næsta fund.

4.

1202273 - Umhverfisverkefni sumarið 2012

Farið var yfir stöðu umhverfismála í sveitarfélaginu. Stjórnin felur umsjónarmanni umhverfis- og framkvæmda að velja fallegustu götu, fyrirtæki og garð í samvinnu við hverfisráðin.