22. fundur menningarnefndar

Almenn   afgreiðslumál

1.

1204155 -   Menningarmánuðurinn október 2012

Farið yfir   menningarmánuðinn október 2012. Fram kom að viðburðir hafi í heildina gengið   vel. Fengu þeir í flestum tilfellum góða aðsókn og nefndin er ánægð með   að geta tengt viðburði líkt og 160 ára afmæli Barnaskólans á Eyrarbakka og   Stokkseyri við menningarmánuðinn. Stærsta kvöldið var án efa Byggðarhornsfjörið   sem heppnaðist mjög vel og var fullt út úr dyrum í Hvíta húsinu.   Menningarmánuðurinn endaði síðan 3.nóvember á pólskum menningardegi í   Tryggvaskála. Þar kynntu Pólverjar á Suðurlandi menningu sína og buðu upp á   fjölbreytt atriði og matarveislu fyrir gesti og gangandi. Skemmtilegur dagur   sem var til sóma. Kvikmyndin Hreint hjarta, sem kom aukalega inn í dagskrá   menningarmánaðarins, fékk góða aðsókn í Selfossbíói. Nefndin vill þakka   öllum þeim sem komu að skipulagningu og framkvæmd viðburða þeirra   framlag til hátíðarinnar.

Menningarnefndin telur    mjög miður að bíóinu á Selfossi   hafi verið lokað nýverið enda sé slík starfsemi menningarauki fyrir   samfélagið. Samþykkt samhljóða.

2.

1209161 - Vor í   Árborg 2013

Rætt um dagsetningar   fyrir Vor í Árborg 2013. Ákveðið að hafa hátíðina dagana  9. - 12.   maí 2013 en uppstigningardagur er á fimmtudeginum og því kemur inn auka   hátíðisdagur. Farið yfir útfærslu hátíðarinnar og stefnt á að afhending   menningarviðurkenningar Sv. Árborgar verði á fimmtudeginum við upphaf   hátíðarinnar. Samþykkt samhljóða.

3.

1209160 -   Menningarráð Suðurlands

Björn Ingi óskar eftir   umræðu um fjárveitingar Menningarráðs Suðurlands í framhaldi af því að   fjárveitingavald menningaráðsins til menningarmála hefur yfirtekið flesta   styrki til menningarmála frá fjárlaganefnd Alþingis þar sem   talið var að það væri faglegri leið. Farið yfir hvað skiptir miklu máli að   þeir sem úthluti séu með tilfinningu fyrir því hvað sé að gerast í   menningarmálum og velti upp til umræðu hvernig staðið er að úthlutunum í   menningarráðinu í dag og hvernig staðið er að kynningarmálum á   styrkúthlutunum en marga mánuði tók að koma úthlutuninni 2012 inn á vef   ráðsins og til fjölmiðla. Björn Ingi leggur til að nefndin óski eftir   því við Menningarráð Suðurlands að fá afhentan lista yfir alla þá sem   sóttu um árið 2012. Málið rætt og upplýsir formaður að mögulega séu   einhverjar breytingar í farvatninu á skipulagi menningarráðs innan SASS.

Samþykkt samhljóða að   óska eftir þessum upplýsingum og er starfsmanni nefndarinnar falið að senda   bréf á menningarráð og óska eftir upplýsingum um alla umsóknaraðila 2012 og   þær breytingar á ráðinu sem mögulega eru í farvatninu. 

4.

1209165 -   Fjárhagsáætlun 2013

Frestað mál frá   21.fundi nefndarinnar.

Farið yfir drög að   fjárhagsáætlun 2013 fyrir menningarmálaflokkinn. Fram kom að nefndin óskar   sérstaklega eftir því að fá inn fjármagn til að geta veitt þeim   menningarstyrki til þeirra sem eru ekki styrkhæfir til Menningarráðs   Suðurlands en eru að vinna að hinum ýmsu viðburðum og verkefnum innan   sveitarfélagsins. Samþykkt samhljóða.

5.

1210124 - Tillaga um   menningarmál

Menningarnefndin tekur   undir þær tillögur sem ungmennaráðið leggur til. Ýmislegt er vel gert   og sumt má bæta líkt og kynningar sem ná betur til yngri   kynslóðarinnar eins og t.d. í gegnum fésbókina. Nefndin áréttar fyrri bókanir   um menningarsalinn og mikilvægi hans fyrir sunnlenskt menningarlíf.   Nefndin þakkar ungmennaráðinu sérstaklega fyrir þeirra áhuga á   menningarmálum í sveitarfélaginu og hvetur þau áfram til að koma með   hugmyndir og tillögur að menningartengdum málum. Til stendur að halda   fund í kringum áramótin með hátíðarhöldurum og leggur nefndin til   að ungmennaráðinu verði boðið á þann fund. Samþykkt samhljóða.   

6.

1202261 - Söfnun   upplýsinga um sögu húsa í Sveitarfélaginu Árborg

Kjartan Björnsson fer   yfir aðdraganda verkefnisins og býður Þorstein Tryggva Másson,   héraðsskjalavörð, velkominn á fundinn. Fram kom hjá Þorsteini að   undirbúningur að verkefninu væri í fullri vinnslu hjá safninu og markmiðið   væri að nýta veraldarvefinn þannig að upplýsingarnar væru aðgengilegar hvar   sem er í heiminum og í gegnum snjallsíma. Þorsteinn sýnir sambærileg verkefni   sem eru komin af stað. Héraðsskjalasafn Árnesinga á mikið af gögnum sem hægt   verður að nota en síðan þurfa að koma til upplýsingar frá hinum almenna   íbúa sem settar verða inn í gagnagrunninn. Hægt væri t.d. að fá einhvern bekk   í grunnskóla eða áfanga í framhaldsskóla til að safna ákveðnum   upplýsingum til að virkja fleiri inn í verkefnið. Ákveða þarf hversu   langt aftur á að sækja upplýsingar til að ramma verkefnið betur inn og   hvernig eigi að standa að upplýsingaöfluninni. Tæknin býður upp á mikla   möguleika og mikilvægt að nýta hana þar sem t.d. snjallsímar og spjaldtölvur   eru orðnar mjög algengar í dag. Stefnt verði á sameiginlega   kynningu síðar. 

7.

1211072 -   Styrkbeiðni Listahátíð Íslands

Nefndin fjallar um   málið og felur starfsmanni nefndarinnar að fá fund   með umsóknaraðilum. Samþykkt samhljóða.  

Erindi til kynningar

8.

1211065 - Jól í   Árborg 2012

Menningar- og   frístundafulltrúi fer yfir þau verkefni sem liggja fyrir í tengslum við Jól í   Árborg 2012. Fram kom að jólaljósin verða kveikt í dag fyrir framan Ráðhúsið,   verið er að setja saman viðburðadagatal sem dreift verður inn á heimili í   Sveitarfélaginu Árborg og jólagluggarnir verða áfram opnaðir í fyrirtækjum og   stofnunum frá 1.des til 24.des. Sérstakur leikur fyrir yngri kynslóðina   verður í gangi í tengslum við jólagluggana þetta árið. Nefndin þakkar   upplýsingarnar.

9.

1211087 -   Örnefnalýsing á Sogni í Ölfusi

Lögð var fram   Örnefnalýsing fyrir Sogn í Ölfusi en nefndinni barst skýrslan frá höfundinum   Ágústi Dalkvist. Nefndin þakkar fyrir skýrsluna.