44. fundur fræðslunefndar

Erindi til kynningar

1.

1402055 - Skólaþjónusta

Anna Ingadóttir og Þórdís H. Ólafsdóttir kynntu lykiltölur, helstu áherslur og verkefni. Stefnt er að því að gefa út fyrstu skýrslu skólaþjónustu Árborgar í sumar.

2.

1404285 - Starfsreglur sérdeildar Suðurlands og samstarfssamningur

Kristín Björk Jóhannsdóttir, deildarstjóri, kynnti Sérdeild Suðurlands (Setrið), m.a. nýjar starfsreglur og þjónustusamning. Fræðslunefnd þakkar Önnu, Þórdísi og Kristínu Björk fyrir góðar kynningar. Ingibjörg Stefánsdóttir þurfti að víkja af fundi kl. 18:00.

3.

1402071 - Fundir leikskólastjóra, sérkennslufulltrúa og fræðslustjóra

Fundargerð frá 6. maí 2014 til kynningar.

4.

1404197 - Könnun á starfsemi frístundaheimila

Til kynningar. Skýrsla mennta- og menningarmálaráðuneytis (2014). Könnun á starfsemi frístundaheimila haustið 2013.

5.

1401019 - Samstarfsfundur stjórnenda leikskóla og starfsfólks skólaþjónustu

Fundargerð frá 29. apríl 2014 til kynningar.

6.

 1404127 - Styrkur úr Sprotasjóði - að auka hæfni, þekkingu og leikni leikskólabarna í læsi

Til kynningar. Bréf til fræðslusviðs Árborgar, dags. 10. apríl 2014, frá Rannsókna- og þróunarmiðstöð Háskólans á Akureyri þar sem fram kemur að samþykkt hafi verið að veita styrk að upphæð kr. 2.000.000.- vegna verkefnisins Að auka hæfni, þekkingu og leikni leikskólabarna í læsi.

7.

1405183 - Innritun í leikskóla skólaárið 2014-2015

Arna Ír spurði hvernig gengi innritun barna í leikskólana. Hversu margir eru að hætta og hversu margir verða teknir inn og niður í hvaða aldur börnum er boðið leikskólapláss. Svar fræðslustjóra: Útskriftarhópur leikskólanna þetta vorið eru 127 börn og flest þeirra hætta um sumarfrí. Einstaka hætta fyrr og nokkur koma eftir sumarfrí og verða fram að grunnskólabyrjun. Búið er að úthluta leikskólaplássum til allra þeirra sem voru á biðlista og eru fædd 2012 og eldri eða alls 90 börn. Einnig eru a.m.k. 10 umsóknir um leikskólapláss í sveitarfélaginu fyrir börn sem eru ekki enn komin með lögheimili en eru fædd 2012 og eldri og eru að flytja í Árborg í sumar. Við gerum ráð fyrir plássum fyrir þau. Við munum bíða eitthvað lengra fram á sumarið með að úthluta plássum til barna fædd 2013 en búast má við að einhver í þeim árgangi fái inni eins og undanfarin ár og þá þau sem fædd eru fyrst á árinu.