11. fundur íþrótta- og tómstundanefndar

Almenn afgreiðslumál

1.

1211068 - Kjör íþróttakonu og -karls Árborgar 2012

Farið yfir dagskrárdrög vegna uppskeruhátíðar sem og rætt um fyrirkomulag sérstakra styrkja og viðurkenninga sem sveitarfélagið veitir á hátíðinni. Einnig rætt um hvatningarverðlaunin og verður ákvörðun um þau tilkynnt á uppskeruhátíðinni. ÍTÁ hvetur íbúa til að mæta á uppskeruhátíðina þann 3.janúar nk. sem haldin verður í sal FSu og hefst kl.20:00. Samþykkt samhljóða.

2.

1212037 - Reglugerð um afreks- og styrktarsjóð GOS og Árborgar

Reglugerð Golfklúbbs Selfoss lögð fram. ÍTÁ samþykkir reglugerðina en felur starfsmanni nefndarinnar að útfæra 3.gr. reglugerðarinnar með golfklúbbnum eftir þeim ábendingum sem fram komu á fundinum. Samþykkt samhljóða.

3.

1212038 - Yfirbygging yfir KSÍ sparkvelli

Gögn lögð fram og málið rætt.  

Hluti af kostnaðar áætlun um yfirbyggingu yfir KSÍ sparkvöll lögð fram. Málið rætt út frá ýmsum hliðum tengt uppbyggingu íþróttamannvirkja í sveitarfélaginu.

Tómas Þóroddsson, nefndarmaður S-Lista, leggur fram eftirfarandi tillögu:

"Legg til að horfið verði frá þessum hugmyndum og frekar leitað eftir samstarfi við Hveragerðisbæ um nýtingu á nýju Hamarshöllinni næstu árin en á sama tíma ætti að skoða nánar loftborið íþróttahús, t.d. yfir stóra gervigrasið á Selfossvelli."

Nefndarmenn D-lista þakka Tómasi fyrir góðar ábendingar en einungis lá fyrir að fá kostnaðaráætlun á verkið fyrir þennan fund en ekki taka afstöðu af eða á um framkvæmdina.

Erindi til kynningar

4.

1212039 - Hvatagreiðslur 2012

Lagt fram. ÍTÁ hvetur foreldra til að nýta sér hvatagreiðslurnar og minnir á að hægt er að sækja um fyrir árið 2012 allt fram til 31.janúar 2013.