22.12.2017

45. fundur framkvæmda- og veitustjórnar

45. fundur framkvæmda- og veitustjórnar Árborgar, kjörtímabilið 2014-2018, haldinn 28. November 2017 að Austurvegi 67, Selfossi, kl. 08:10.  Mætt: Gunnar Egilsson, formaður, D-lista Ragnheiður Guðmundsdóttir, nefndarmaður, D-lista Ingvi Rafn Sigurðsson, nefndarmaður, D-lista Eggert Valur Guðmundsson, nefndarmaður, S-lista Helgi Sigurður Haraldsson, nefndarmaður, B-listi Jón Tryggvi Guðmundsson, framkvæmda- og veitustjóri Dagskrá: 

Almenn afgreiðslumál
1.	1706058 - Gatnagerð í Hagalandi 2017-2018
	Farið var yfir stöðu á verkhönnun nýs íbúahverfis í Hagalandi þar sem gert er ráð fyrir 72 nýjum íbúðum. Stefnt er á að bjóða verkið út í desember og verklok verði haustið 2018.
2.	1710183 - Endurnýjun götulýsingar - verðkönnun
	Niðurstaða verðkönnunar á "Endurnýjun götulýsingar" kynnt. Tilboðin verða yfirfarin m.t.t. verðs og gæða.
3.	1710123 - Uppsetning og rekstur hæghleðslustöðva í Árborg
	Niðurstaða útboðs á uppsetningu og rekstri hæghleðslustöðva í Árborg kynnt. Framkvæmdastjóra falið að vinna málið áfram.
4.	1507013 - Rannsóknir og jarðhitaleit í nágrenni við Selfosskirkju og Ölfusárbrú
	Kynnt var skýrsla frá ÍSOR varðandi jarðhitaleit norðan við Ölfusárbrú. Stjórnin samþykkir að fara í frekari tilraunaboranir samkvæmt tillögum ÍSOR á því svæði.
5.	1711264 - Viðbygging við Leikskólann Álfheima
	Stjórnin samþykkir að halda áfram hönnunarvinnu vegna stækkunar leikskólans Álfheima.

Fundargerð lesin upp og fundi slitið kl: 10:00  

Gunnar Egilsson		Ragnheiður Guðmundsdóttir
Ingvi Rafn Sigurðsson		Eggert Valur Guðmundsson
Helgi Sigurður Haraldsson		Jón Tryggvi Guðmundsson