136. fundur bæjarráðs

Fundargerðir til staðfestingar

1.

1301007 - Fundargerð framkvæmda- og veitustjórnar

52. fundur haldinn 17. apríl

-liður 1, 1303238, viðhald á íþróttahúsi Stokkseyrar. Bæjarráð samþykkir að ráðist verði í byggingu áhaldageymslu við íþróttahúsið á Stokkseyri og að kostnaði verði vísað til viðauka við fjárhagsáætlun.

-liður 2, 0912091, umhleðsluaðstaða á gámasvæði Árborgar. Bæjarráð samþykkir að fest verði kaup á rampi á gámasvæðinu, kostnaði, kr. 1.700.000, verði vísað til viðauka við fjárhagsáætlun.

Fundargerðin staðfest.

2.

1301008 - Fundargerð félagsmálanefndar

27. fundur haldinn 18. apríl

Fundargerðin staðfest.

3.

1301009 - Fundargerð fræðslunefndar

32. fundur haldinn 22. apríl

-liður 1, breytingar á formgerð sérfræðiþjónustu skóla í Árborg. Bæjarráð samþykkir tillögu fræðslustjóra um að ný formgerð á sérfræðiþjónustu skóla taki gildi um áramót og að kostnaði við breytingarnar, 8,9 mkr., verði vísað til viðauka við fjárhagsáætlun. Ekki eru forsendur til annars en að hefja undirbúning og ráðningar inn á fræðslusvið vegna áður samþykktra breytinga.

Almenn afgreiðslumál

4.

1304318 - Umsókn um leyfi til hænsnahalds að Baugstjörn 26, Selfossi

Bæjarráð vísar umsókninni til skipulags- og byggingarnefndar til umsagnar.

5.

1303249 - Umsóknir um að taka Tryggvaskála á leigu fyrir rekstur

Bæjarráð felur framkvæmdastjóra að ganga til samninga við Selfossveitingar ehf um rekstur Tryggvaskála.

6.

1303238 - Viðhald á íþróttahúsi Stokkseyrar 2013

Heimsókn frá fulltrúa UMF. Stokkseyrar

Fulltrúar Ungmennafélags Stokkseyrar komu inn á fundinn. Rætt var um áætlun um viðhald íþróttahússins á Stokkseyri árið 2013.

7.

1110130 - Beiðni Gatnamóta ehf um að fá úthlutað lóð

Bæjarráð vísar erindinu til skipulags- og byggingarnefndar.

8.

1106016 - Viðbygging við Sundhöll Selfoss, undirbúnings- og hönnunarvinna

Lagt var til að bæjarráð feli framkvæmdastjóra að ganga til samninga við Konsept ehf um gerð aðalteikninga.

Tillagan var samþykkt með tveimur atkvæðum, Eggert Valur Guðmundsson, S-lista, sat hjá og lagði fram eftirfarandi bókun:

„Í stað þess að samþykkja að ganga einhliða til samninga við einn aðila telur undirritaður að eðlilegra hefði verið að gera verðkönnun hjá fleiri aðilum vegna hönnunarkostnaðar vegna viðbyggingar við Sundhöll Selfoss. „

9.

1304330 - Beiðni Sýslumannsins á Selfossi um umsögn um tækifærisleyfi vegna kosningavöku í Hvíta húsinu

Bæjarráð gefur jákvæða umsögn um erindið.

Erindi til kynningar

10.

1304241 - Kynning Íþrótta- og ólympíusambands Íslands á verkefninu Hjólað í vinnuna 2013

Bæjarráð hvetur íbúa og starfsfólk til þátttöku í verkefninu.

11.

1303007 - Umsókn í Framkvæmdasjóð ferðamannastaða 2013 vegna endurbyggingar Þuríðarbúðar

Lögð var fram tilkynning atvinnuvega- og nýsköpunarráðuneytisins um 1.175.000 kr. styrk til endurbyggingar Þuríðarbúðar, Stokkseyri.

Framkvæmdir við verkið munu hefjast á næstu vikum.

12.

1209046 - Umsókn í Framkvæmdasjóð ferðamannastaða vegna Kríunnar

Lögð var fram tilkynning atvinnuvega- og nýsköpunarráðuneytisins um 1.150.000 kr. styrk til umhverfishönnunar og skipulags við Kríuna við Eyrarbakka.

Bæjarráð samþykkir að leita tilboða í skipulagsvinnu.

13.

1303004 - Umsókn í Framkvæmdasjóð ferðamannastaða 2013 vegna skipulags og hönnunar við Húsið á Eyrarbakka og Eyrarbakkakirkju

Lögð var fram tilkynning atvinnuvega- og nýsköpunarráðuneytisins um 3.150.000 kr. styrk til skipulags og hönnunar við Húsið á Eyrarbakka og Eyrarbakkakirkju.

Bæjarráð felur skipulags- og byggingarfulltrúa að hefja undirbúning að skipulagsvinnu.