22.3.2018

49. fundur framkvæmda- og veitustjórnar

49. fundur framkvæmda- og veitustjórnar Árborgar, kjörtímabilið 2014-2018, haldinn 13. mars 2018 að Austurvegi 67, Selfossi, kl. 08:10.  Mætt: Gunnar Egilsson, formaður, D-lista Ragnheiður Guðmundsdóttir, nefndarmaður, D-lista Eggert Valur Guðmundsson, nefndarmaður, S-lista Jón Tryggvi Guðmundsson, framkvæmda- og veitustjóri  Jakob H. P. Burgel Ingvarsson áheyrnarfulltrúi frá ungmennaráði sat fundinn. Helgi S. Haraldsson boðaði forföll. Dagskrá: 

Almenn afgreiðslumál
1.	1711264 - Viðbygging við leikskólann Álfheima
	Framkvæmda- og veitustjóri fór yfir stöðu hönnunar vegna viðbyggingar við leikskólann Álfheima við Sólvelli. Gert er ráð fyrir að bjóða verkið út í byrjun ágúst nk., reiknað er með að framkvæmdir taki eitt ár.
2.	1803093 - Sunnulækjarskóli 6. áfangi 2018
	Framvinduskýrslur frá eftirlitsaðila vegna janúar og febrúar lagðar fram. Verkið er á áætlun og verklok eru áætluð fyrir skólabyrjun í haust.
3.	1706058 - Gatnagerð í Hagalandi 2017-2018
	Niðurstaða útboðs lögð fram. Tveir lægstbjóðendur uppfylltu ekki skilyrði útboðsgagna. Stjórnin samþykkir að taka tilboði Borgarverks ehf. um verkið sem hljóðar upp á 218.871.000. Verkið rúmast innan fjárhagsáætlunar, áætluð verklok eru í september/október 2018.
4.	1803082 - Miðbær Selfoss 2018
	Samþykkt með þremur atkvæðum fulltrúa D-lista að fela framkvæmda- og veitustjóra að hefja hönnun hitaveitu í miðbæ Selfoss og vinna kostnaðaráætlun um verkið. Fulltrúi S-lista situr hjá við afgreiðslu málsins.
5.	1704230 - Ingólfsfjall vatnsvernd
	Sigurður Þór kom inn á fundinn og kynnti hugmyndir um öryggisgirðingar á vatnsverndarsvæði við Ingólfsfjall.
6.	1802016 - Vátryggingayfirlit veitu- og hafnarmannvirkja Árborgar 2018
	Stjórnin samþykkir að endurnýja tryggingar á hafnarmannvirkjum við ströndina.
7.	1803094 - Hreinsunarátak í Árborg 2018
	Stjórnin samþykkir að hreinsunarátak í Árborg 2018 verði með óbreyttu sniði dagana 7.-12. maí.
8.	1803095 - Leigusamningur um jarðhitaréttindi við Búnaðarsamband Suðurlands
	Samningur um jarðhitaréttindi í landi Stóra Ármóts lagður fram og kynntur. Stjórnin felur formanni og framkvæmda- og veitustjóra að undirrita samninginn.
9.	1612166 - Samningur um jarðhitaréttindi Oddgeirshólum
	Lagður var fram samningur við Hitaveitufélag Hraungerðishrepps um vatnsöflun og jarðhitaréttindi á landi jarðarinnar Oddgeirshóla. Stjórnin felur formanni og framkvæmda- og veitustjóra að undirrita samninginn.
10.	1803096 - Gatnagerð í Björk 2018
	Stjórnin felur framkvæmda- og veitustjóra að undirbúa verkhönnun á gatna- og veituhönnun í Björkurlandi.
11.	1803097 - Knatthús Selfossi 2018
	Stjórnin samþykkir að hefja vinnu við undirbúning að útboði á knatthúsi við íþróttavöllinn við Engjaveg.
12.	1510214 - Breyting á gjaldtöku í Tjarnabyggð.
	Málinu frestað.

  Fundargerð lesin upp og fundi slitið kl: 10:30 Gunnar Egilsson                                             Ragnheiður Guðmundsdóttir Eggert Valur Guðmundsson                         Jón Tryggvi Guðmundsson Sandra Dís Hafþórsdóttir                              Jakob H. P. B. Ingvarsson