5. fundur bæjarstjórnar
5. fundur bæjarstjórnar Árborgar, kjörtímabilið 2006-2010, haldinn miðvikudaginn 8. nóvember 2006 kl. 17.00 í Ráðhúsi Árborgar, Selfossi.
Neðanskráðir bæjarfulltrúar eru mættir:
Þorvaldur Guðmundsson B listi
Margrét Katrín Erlingsdóttir B listi
Snorri Finnlaugsson D listi
Ari Thorarensen D listi, varamaður Elfu D. Þórðardóttur
Grímur Arnarson D listi, varamaður Eyþórs Arnalds
Kristín Hrefna Halldórsdóttir D listi, varamaður Þórunnar J. Hauksdóttur
Þórunn Elva Bjarkadóttir S listi, varamaður Ragnheiðar Hergeirsdóttur
Gylfi Þorkelsson S listi
Jón Hjartarson V listi
Auk þess sitja fundinnStefanía Katrín Karlsdóttir, bæjarstjóri, ogÁsta Stefánsdóttir, bæjarritari, sem ritar fundargerð.
Dagskrá:
I. Fundargerðir:
1. a) 0606112
Skipulags- og byggingarnefnd frá 28.09.06
b) 14. fundur bæjarráðs - 0606096 frá 12.10.06
2. a) 0605148
Þjónustuhópur aldraðra frá 04.10.06
b) 0606088
Félagsmálanefnd frá 09.10.06
c) 15. fundur bæjarráðs frá 19.10.06
3. a) 0606112
Skipulags- og byggingarnefnd frá 12.10.06
b) 0607075
Umhverfisnefnd frá 18.10.06
c) 0609054
Skólanefnd frá 18.10.06
d) 0606125
Landbúnaðarnefnd frá 18.10.06
e) 16. fundur bæjarráðs frá 05.10.06
4. a) 0606107
Leikskólanefnd frá 20.10.06 og 25.10.06
b) 0601112
Framkvæmda- og veitustjórn frá 25.10.06
c) 0606112
Skipulags- og byggingarnefnd frá 26.10.06
d) 17. fundur bæjarráðs frá 02.11.06
1. a) fundargerð skipulags- og byggingarnefndar frá 28.09.06, liður 19
Gylfi Þorkelsson, S-lista, tók til máls og lagði fram eftirfarandi fyrirspurn:
Hvenær er að vænta svara við tillögu Kristins Hermannssonar frá 25. júlí sl., um að skipulags- og byggingarfulltrúa verði falið að taka sama lista yfir allar nýframkvæmdir og fjölda íbúða sem byrjað var á á tímabilinu 1. maí 2002 til 1. maí 2006?
Gylfi Þorkelssonog Þórunn Elva Bjarkadóttir, S-lista
1. b) 14. fundur bæjarráðs 12.10.06, liður 10
Gylfi Þorkelsson, S-lista, tók til máls og lagði fram svofellda bókun:
Í svari meirihluta bæjarráðs við fyrirspurn Jóns Hjartarsonar um áætlanir við lok frágangs gervigrasvallar við Engjaveg kemur fram að ekki hafi verið gert ráð fyrir viðeigandi búnaði til að hita upp völlinn. Þetta er rangt. Ákveðið var á síðasta kjörtímabili að byggja umræddan völl og við hönnun hans var gert ráð fyrir öllum nauðsynlegum búnaði. Lögð voru undir völlinn snjóbræðslurör í þeim tilgangi að hita hann upp, en ekki bara uppá grín. Hinsvegar var ákveðið að fresta uppsetningu dælubúnaðar fram á næsta ár, enda hljóðaði kostnaðaráætlun vegna hans og reksturs hitakerfisins upp á meira en 20 milljónir til viðbótar við gríðarlegan kostnað vegna vallarins. Fullyrðingum formanns bæjarráðs í fjölmiðlum um að mannvirkið hafi ekki verið hugsað til enda er vísað til föðurhúsanna. Í fyrrnefndu svari meirihluta bæjarráðs frá 12. október kemur fram að meirihlutinn hefur uppi áætlanir um að reka gervigrasvöllinn án upphitunar til reynslu veturinn 2006-2007. Það eru sömu áætlanir og fyrri bæjarstjórn hafði. Samþykkt í bæjarráði í síðustu viku um að verja fé á fjárhagsáætlun næsta árs til að setja upp dælubúnað og hita völlinn er í fullu samræmi við fyrri áætlanir, þó núverandi meirihluti bæjarstjórnar kjósi að láta líta út fyrir að um stefnubreytingu sé að ræða. Það er blekking og gott dæmi um hvernig meirihlutinn kiknar undan þrýstingi hagsmunaaðila. Einnig verður fróðlegt að sjá í væntanlegri fjárhagsáætlun hvaða útgjöld eða þjónustu meirihlutinn hyggst skera niður til að mæta kostnaði við þetta.
Gylfi Þorkelsson og Þórunn Elva Bjarkadóttir, S-lista.
2. c) 15 fundur bæjarráðs 19.10.06, liður 5.
Þórunn Elva Bjarkadóttir, S-lista, tók til máls og lagði fram eftirfarandi bókun:
Undirrituð ítreka bókun vegna skipunar byggingarnefndar Barnaskólans á Eyrarbakka og Stokkseyri. Uppbygging BES er viðkvæmt og umdeilt mál. Mög mikilvægt er að ná sátt um málið sem hafin er yfir flokkadrætti, enda framtíðarhagsmunir íbúa við ströndina í húfi, sérstaklega þó barnanna. Til þess að sátt ríki og friður er farsælast að ræða ofan í kjölinn fyrir opnum tjöldum öll sjónarmið. Sú ákvörðun að halda fulltrúum minnihlutans frá byggingarnefndinni lýsir ekki vilja til þess að sætta sjónarmið.
Gylfi Þorkelssonog Þórunn Elva Bjarkadóttir, S-lista
Jón Hjartarson, V-lista, tók til máls og óskaði eftir að bókað væri að hann tæki undir framanritaða bókun Gylfa Þorkelssonar og Þórunnar Elvu Bjarkadóttur, S-lista.
2. c) 15. fundur bæjarráðs 19.10.06, liður 8.
Gylfi Þorkelsson, S-lista, tók til máls og lagði fram eftirfarandi bókun:
Það er ánægjulegt, en jafnframt nokkuð skondið, að lesa svar bæjarráðs við erindi vegna barnmargra fjölskyldna. Þar eru notuð þau rök að skortur á þjónustu á þessu sviði sé vegna örrar íbúaþróunar og mikillar fjölgunar barnafjölskyldna í sveitarfélaginu, sem valdi vaxtarverkjum en þó geri sveitarfélagið allt sem í þess valdi standi til að hafa þjónustuna sem besta. Þetta er allt hárrétt og nákvæmlega það sem og fyrrverandi meirihluti bæjarstjórnar benti á. Sjálfstæðisflokkurinn réðist harkalega gegn þessum rökum í kosningabaráttunni og fullyrti að ástæður væru einhverjar allt aðrar. Nú er flokkurinn kominn í meirihluta og þá er komið annað hljóð í strokkinn. Svona eru nú púðurskotin, tómur reykur. Sem betur fer liðast hann burt og hverfur með tímanum.
Gylfi Þorkelssonog Þórunn Elva Bjarkadóttir, S-lista.
Snorri Finnlaugsson, D-lista, tók til máls.
3. e) 16. fundur bæjarráðs 26.10.06, liður 3
Gylfi Þorkelsson, S-lista, tók til máls og lagði fram svofellda fyrirspurn:
Hefur meirihluti bæjarstjórnar gripið til einhverra aðgerða annarra en að vísa kvörtunum vegna óþolandi framferðis flugdólga við Selfossflugvöll til aðalskipulagshóps og vinnuhóps um framtíð Selfossflugvallar, eða hyggst hann gera það? Ef svo, hvaða aðgerðir væru það?
Gylfi Þorkelsson, S-lista.
Stefanía K. Karlsdóttir, bæjarstjóri, tók til máls og fór yfir málið.
Gylfi Þorkelsson, S-lista, tók til máls.
4. a) Fundargerð leikskólanefndar frá 25.10.06, liður 7.
Þórunn Elva Bjarkadóttir, S-lista tók til máls og lagði fram svofellda bókun:
Undirrituð fagna því að meirihluti bæjarstjórnar hefur tekið áskorun fulltrúa minnihlutans í leikskólanefnd og ákveðið að stækka leikskólann Æskukot á Stokkseyri.
Gylfi Þorkelssonog Þórunn Elva Bjarkadóttir, S-lista.
Margrét K. Erlingsdóttir, B-lista, óskaði eftir fundarhléi og var það veitt.
Margrét K. Erlingsdóttir, B-lista, tók til máls og lagði fram svofellda bókun:
Undirbúningur vegna stækkunar Æskukots hefur verið í gangi um alllangt skeið. Meirihluti bæjarstjórnar fagnar áhuga minnihlutans á málinu og því að full samstaða skuli vera um það í bæjarstjórn.
Fulltrúar B- og D-lista.
4. b) fundargerð Framkvæmda- og veitustjórnar frá 25.10.06, liður 6 b)
Gylfi Þorkelsson, S-lista, tók til máls og lagði fram eftirfarandi fyrirspurn:
Í svari framkvæmdastjóra Framkvæmda- og veitusviðs við fyrirspurn undirritaðs er skýrt frá vinnuhópi sem vinni við endurskipulagningu sviðsins. Hverjir sitja í þeim vinnuhópi?
Gylfi Þorkelsson, S-lista.
4. d), 17. fundur bæjarráðs 02.11.06, liður 7 a)
Gylfi Þorkelsson, S-lista, tók til máls og lagði fram eftirfarandi fyrirspurn:
Hve langan tíma er áætlað að það taki að semja um kaup á dælubúnaði, setja hann upp og tengja við hitaveitukerfið? Hvenær má vænta þess að heitt vatn fari að renna um snjóbræðslulagnirnar undir gervigrasvellinum við Engjaveg?
Gylfi Þorkelssonog Þórunn Elva Bjarkadóttir, S-lista.
Fundargerðirnar staðfestar.
II. Önnur mál
1. 0502081
Mat á umhverfisáhrifum tveggja kosta um veglínu gegnum Árborg – tillaga frá Jóni Hjartarsyni, V-lista.
Jón Hjartarson, V-lista, tók til máls.
Snorri Finnlaugsson, D-lista, tók til máls og lagði fram svofellda tillögu:
Á aðalskipulagi sveitarfélagsins er aðeins um eina nýja veglínu fyrir veg í gegnum Árborg að ræða. Ekki liggur fyrir ákvörðun um framkvæmdina.
Það er algjörlega ótímabært að láta fara fram mat á umhverfisáhrifum framkvæmda sem annars vegar er ekki á skipulagi og hinsvegar hefur ekki verið tekin ákvörðun um.
Því er lagt til að tillögunni verði vísað frá.
Fulltrúar B- og D-lista.
Tillagan var borin undir atkvæði og samþykkt með sex atkvæðum fulltrúa B- og D-lista, gegn þremur atkvæðum fulltrúa S- og V-lista.
Gylfi Þorkelsson, S-lista, tók til máls og gerði grein fyrir atkvæði sínu.
2. 0611014
Uppbygging útikörfuboltavallar með gerviefni - tillaga frá Gylfa Þorkelssyni, S-lista.
Gylfi Þorkelsson, S-lista, Ari Thorarensen, D-lista og Jón Hjartarson, V-lista, tóku til máls og óskaði Jón eftir að bókað yrði að hann styður við tillögu Gylfa.
Grímur Arnarson, D-lista, tók til máls og lagði til eftirfarandi afgreiðslu:
Bæjarstjórn fagnar tillögunni og vísar henni til umsagnar íþrótta- og tómstundanefndar.
Margrét K. Erlingsdóttir, B-lista, tók til máls, svo og forseti bæjarstjórnar.
Tillaga Gríms Arnarsonar D-lista, var borin undir atkvæði og samþykkt samhljóða.
3. 0607026 Svör við fyrirspurnum
Svar við fyrirspurn Ragnheiðar Hergeirsdóttur, S-lista, á fundi bæjarstjórnar 12.10.06 varðandi biðskýli við Barnaskólann á Eyrarbakka og Stokkseyri og aðkomu skólabifreiðar að skólahúsunum.
Ákveðið hefur verið að nú í vetur verði sett biðskýli við Túngötu á Eyrarbakka. Þá er á áætlun að einnig verði sett biðskýli við skólahúsið á Stokkseyri í vetur, gert verður ráð fyrir kostnaði við það í fjárhagsáætlun 2007. Ákveðið var að fresta uppsetningu biðskýlis við skólahúsið á Eyrarbakka þar til lokið hefur verið við hönnun skólalóðar í tengslum við fyrirhugaða uppbyggingu skólahúsnæðisins. Biðskýlið sem sett verður við Túngötuna er nú komið til landsins, en það var pantað erlendis frá, og verður það sett niður á næstu vikum.
Framkvæmdir sem miða að því að unnt verði að koma á hringakstri skólabifreiðar við skólann á Stokkseyri standa yfir. Hugað verður að aðkomu skólabíls við bæði skólahúsin við hönnun lóða í tengslum við uppbyggingu þá sem stendur fyrir dyrum.
Fleira ekki gert. Fundargerð lesin upp og fundi slitið kl. 18:05.
Þorvaldur Guðmundsson
Margrét K. Erlingsdóttir
Snorri Finnlaugsson
Grímur Arnarson
Ari Thorarensen
Kristín Hrefna Halldórsdóttir
Gylfi Þorkelsson
Þórunn Elva Bjarkadóttir
Jón Hjartarson
Stefanía Katrín Karlsdóttir
Ásta Stefánsdóttir
