5. fundur leikskólanefndar
5. fundur leikskólanefndar Árborgar haldinn í Ráðhúsi Árborgar þann 25. október 2006.
Formaður nefndarinnar, Kristín Traustadóttir, setti fundinn kl. 17:15.
Mættir: Kristín Traustadóttir, Róbert Sverrisson, Sigurjón Kristinn Guðmarsson, Þórunn Elfa Bjarkadóttir, Sædís Ósk Harðardóttir, Heiðdís Gunnarsdóttir og fulltrúi foreldra Sigurborg Ólafsdóttir. Fulltrúi starfsmanna, Auður Hjálmarsdóttir.
1. Drög að innritunarreglum
Formaður leikskólanefndar kynnti drög að nýjum innritunarreglum. Drögin voru rædd og leggur leikskólanefnd til að nýju innritunarreglurnar verði samþykktar með breytingum á orðalagi. Sjá fylgiskjal.
2. Tilnefningar í þriggja manna vinnuhóp vegna reglna um 20.000 kr. greiðslu til foreldra 9 – 18 mánaða barna.
Leikskólafulltrúi kynnti reglur Kópavogsbæjar í þessu málum.
Í nefndina eru skipaðar Heiðdís Gunnarsdóttir, Kristín Traustadóttir og einn fulltrúi frá minnihlutanum.
3. Hulduheimar
Þann 15. nóvember byrja 55 börn í leikskólanum. 1. desember komast 29 börn til viðbótar og hefur þá öllum börnum í sveitarfélaginu 18 mánaða og eldri verið boðin leikskóladvöl.
4. Viðhorfs og ánægjukönnun foreldra leikskólabarna
Rætt var um mikilvægi þess að gerð verði viðhorfs- og ánægjukönnun meðal foreldra leikskólabarna í sveitarfélaginu. Leikskólafulltrúi kynnti fyrir leikskólanefndinni að búið sé að koma á framfæri tillögu að þessu verkefni verðið fyrir í fjárhagsáætlun sveitarfélagsins á næsta ári.
5. Ársáætlanir leikskóla Árborgar
Leikskólafulltrúi dreifði ársáætlunum allra 6 leikskólanna í Árborg til kynningar.
6. Endurrit úr fundargerð leikskólafulltrúa og leikskólastjóra 17.október s.l. til kynningar
Leikskólafulltrúi dreifði fundargerð leikskólafulltrúa og leikskólastjóra til kynningar.
7. Endurmat á skoðunarferð í leikskóla Árborgar
Formaður leikskólanefndar opnaði umræður um skoðunarferðina og voru allir sammála um að þetta hafi verið skemmtileg og fróðleg ferð sem nauðsynlegt er fyrir nefndarmenn að fara í.
Fulltrúar S og V listanna skora á bæjaryfirvöld að taka tillit til stækkunar á leikskólanum Æskukoti á Stokkseyri í fjárhagsáætlun næsta árs.
8. Önnur mál:
a. Leikskólafulltrúi kynnti bréf frá leikskólanum Álfheimum varðandi námsferð til Svíþjóðar. Leikskólastjóri Álfheima óskar eftir því að loka leikskólanum dagana 18. og 20. apríl sem eru þá starfsdagar fyrir árið 2007, en sumardagurinn fyrsti er 19. apríl. Leikskólanefnd fagnar þessu framtaki starfsfólks Álfheima og styður að leikskólinn fái að loka þessa daga.
b. Leikskólafulltrúi dreifði fréttabréfi frá Æskukoti október 2006 til kynningar.
c. Leikskólaflulltrúi sagði frá ferð sem var til kynningar á starfssemi dagforeldra sem farin var til Danmerkur og Svíþjóðar 9.-12. október 2006.
d. Fyrirspurn barst frá fulltrúa V listans til meirihlutans hvort tekið hafi verið til endurskoðunar greiðslur vegna svo kallaðra “náðarkortera” fyrir og eftir dvalartíma leikskólabarna voru sett á síðasta kjörtímabili.
Fleira ekki tekið fyrir og fundi slitið klukkan 19:05
Kristín Traustadóttir
Róbert Sverrisson
Sigurjón Kristinn Guðmarsson
Þórunn Elfa Bjarkadóttir sign
Sædís Ósk Harðardóttir
Sigurborg Ólafsdóttir
Auður Hjálmarsdóttir
Heiðdís Gunnarsdóttir
