5. fundur írþótta- og tómstundanefndar
5. fundur íþrótta- og tómstundanefndar Árborgar, kjörtímabilið 2010-2014, haldinn mánudaginn 2. maí 2011 í Setri Egils, Ráðhúsi Árborgar, Austurvegi 2, Selfossi, kl. 17:00
Mætt:
Grímur Arnarson, formaður, D-lista,
Þorsteinn Magnússon, nefndarmaður, D-lista,
Erling Rúnar Huldarsson, nefndarmaður, S-lista,
Bragi Bjarnason, íþrótta- og tómstundafulltrúi.
Bragi Bjarnason ritaði fundagerð
Dagskrá:
1. 1011145 - Húsnæðismál júdó og taekwondo
Áður á dagskrá á 3.fundi nefndarinnar
Farið yfir þá möguleika sem standa til boða. ÍTÁ felur íþrótta- og tómstundafulltrúa að vinna málið áfram út frá þeim hugmyndum sem ræddar voru á fundinum í samvinnu við bæjarráð.
2. 1102057 - Gólfefni á íþróttasal Vallaskóla
ÍTÁ leggur til að kannað verði hvað kosti að skipa um gólfefni í íþróttahúsi Vallaskóla. Íþrótta- og tómstundafulltrúa falið að vinna málið áfram og leggja fram gögn á næsta fundi nefndarinnar.
3. 1104267 - Aðgangur að Sundhöll Selfoss - kvennahlaup ÍSÍ 2011
ÍTÁ samþykkir erindið og hvetur allar konur til að taka þátt í hlaupinu.
4. 1011088 - Húsnæðismál félagsmiðstöðvarinnar Zelsíuz
Áður á dagskrá á 3.fundi nefndarinnar.
Íþrótta- og tómstundafulltrúi fer yfir stöðu mála. Fram kom að framkvæmdir ganga vel í kjallara Pakkhússins og stefnt sé á flutning félagsmiðstöðvarinnar í maí.
5. 1101122 - Uppbygging og viðhald mótorcrossbrautarinnar í Árborg
Íþrótta- og tómstundafulltrúi fór yfir stöðu uppbyggingarinnar. Fram kom að mótorcrossdeild Umf. Selfoss er með metnaðarfullar hugmyndir um mótorcrosssvæðið í Hrísmýrinni vegna landsmótanna. ÍTÁ þakkar upplýsingarnar og fagnar frumkvæði og framtaki deildarinnar við uppbygginguna.
6. 1104231 - Skýrslan Fyrsta ölvunin
Skýrslan lögð fram.
7. 1104326 - Sumarblaðið 2011
Íþrótta- og tómstundafulltrúi fór yfir stöðu mála. Fram kom að Sumarblaðið 2011 kæmi út um miðjan maí og það yrði sent inn á hvert heimili í Árborg.
8. 1104205 - Hjólað í vinnuna 2011
ÍTÁ hvetur starfsmenn og íbúa til að taka þátt í verkefninu Hjólað í vinnuna 2011.
9. 1104154 - Tillögur HSK á 89. héraðsþingi
Samþykktir 89. héraðsþings HSK lagðar fram. ÍTÁ þakkar HSK fyrir gott samstarf og vonast eftir áframhaldandi góðu samstarfi í framtíðinni.
10. 1104062 - Forvarnarsjóður 2011
Íþrótta- og tómstundafulltrúi leggur fram gögn um umsóknir sveitarfélagsins í forvarnarsjóð Lýðheilsustöðvar árið 2011. Fram kom að sveitarfélagið hafi sent inn tvær umsóknir þetta árið.
11. 1010077 - Vor í Árborg 2011
Íþrótta- og tómstundafulltrúi fer yfir drög að hátíðinni. ÍTÁ þakkar upplýsingarnar og hvetur íbúa og gesti til að taka þátt í hátíðarhöldunum sem fara fram 12. - 15.maí nk.
Fundargerð lesin upp og fundi slitið kl: 18:20
Grímur Arnarson
Þorsteinn Magnússon
Erling Rúnar Huldarson
Bragi Bjarnason
