52. fundur framkvæmda- og veitustjórnar

Almenn afgreiðslumál

1.

1303238 - Viðhald á íþróttahúsi Stokkseyrar 2013

Bragi Bjarnason, menningar- og frístundafulltrúi, og Gísli Davíð Sævarsson, umsjónarmaður fasteigna, komu á fundinn og kynntu möguleika á úrbótum varðandi nauðsynleg viðhaldsverkefni í íþróttahúsinu á Stokkseyri. Stjórnin ákveður að ráðast í byggingu nýs áhaldahúss við íþróttahúsið og leggur til við bæjarráð að kostnaði verði vísað til viðauka við fjárhagsáætlun 2013. Braga falið að gera verðkönnun á nýju gólfefni í sal íþróttahússins. Auk þessara verkefna verður farið í þær framkvæmdir sem þegar hafa verið ákveðnar og eru á fjárfestingaráætlun fyrir árið 2013, sem er endurnýjun þaks, lagfæringar á rakaskemmdum og endurbætur á hljóðvist hússins.

2.

0912091 - Umhleðsluaðstaða á gámasvæði Árborgar

Í ljósi breyttra aðstæðna á gámasvæði þar sem umhleðslustöðin á svæðinu hefur verið lögð af, opnast möguleiki fyrir sveitarfélagið að nýta mannvirki sem fyrir eru. Um er að ræða ramp sem áður var nýttur sem umhleðsluaðstaða. Hugmyndir stjórnarinnar ganga út á það að svæðið verði nýtt undir móttöku lífræns úrgangs. Stjórnin óskar eftir aukafjárveitingu við bæjarráð til kaupa á aðstöðunni af Sorpstöð Suðurlands til framtíðarnota fyrir sveitarfélagið.

3.

1303003 - Stígar 2013

Farið yfir niðurstöður útboðs á "Stígar og plön á Selfossi 2013". Lægsta tilboð var frá GeoTækni og nam 23.700.000,- sem er 77% af kostnaðaráætlun verksins. Áætluð verklok eru 31. júlí 2013.

4.

1304288 - Beiðni um afslátt af heitu vatni fyrir Fagra-Tanga

Framkvæmdastjóra falið að svara erindinu.