31.5.2018

35.  fundur félagsmálanefndar

35.  fundur félagsmálanefndar Árborgar, kjörtímabilið 2014-2018, haldinn þriðjudaginn 22. maí 2018 í Setri Egils, Ráðhúsi Árborgar, Austurvegi 2, Selfossi, kl. 16:15.  Mætt: Ari B. Thorarensen, formaður, D-lista Jóna S. Sigurbjartsdóttir, nefndarmaður, D-lista Þórdís Kristinsdóttir, nefndarmaður, D-lista Svava Júlía Jónsdóttir, nefndarmaður, S-lista Eyrún Björg Magnúsdóttir, nefndarmaður, Æ-lista Sigdís Erla Ragnarsdóttir, áheyrnarfulltrúi ungmennaráðs Guðlaug Jóna Hilmarsdóttir, félagsmálastjóri  Formaður leitar afbrigða að taka mál nr. 18051680 og nr. 18051684 á dagskrá og er það samþykkt samhljóða. Guðlaug Jóna Hilmarsdóttir ritar fundargerð. Dagskrá: 

Almenn afgreiðslumál
1.	1804312 - Styrkbeiðni - starfsemi klúbbsins Geysis 2018
	Félagsmálanefnd samþykkir að veita 50.000 kr. styrk til klúbbsins Geysis vegna starfsárs 2018.
2.	18051614 - Húsnæðismál - trúnaðarmál
	Trúnaðarmál fært í trúnaðarmálabók.
3.	18051615 - Húsnæðismál - trúnaðarmál
	Trúnaðarmál fært í trúnaðarmálabók.
7.	18051680 - Snemmtæk íhlutun
	Markmið snemmtækrar íhlutunar er að koma snemma að málum barna og fjölskyldna með fjölþættan vanda og veita þeim ráðgjöf, stuðning og þjónustu. Mikilvægt er að vinna þvert á svið félagsþjónustu-, fræðslu-, frístunda- og heilbrigðissviðs. Með nýju verklagi skapast sterk tenging og virkt samstarf milli allra fagsviða. Með því að grípa fyrr inn í mál eru meiri líkur á að mál leysist farsællega og vandinn verði minni. Ljóst er að fjölga þarf starfsfólki á fyrrgreindum sviðum. Félagsmálanefnd felur félagsmálastjóra að vinna með sviðsstjórum fræðslu- og frístundasviðs sem og Heilbrigðisstofnun Suðurlands að undirbúningi teymis sem vinna mun samkvæmt hugmyndafræði snemmtækrar íhlutunar.
8.	18051684 - Ályktun um álag hjá löggæslu og sjúkraflutningum á Suðurlandi
	Í ljósi langvarandi álags á löggæslu og sjúkraflutninga á Suðurlandi telur félagsmálanefnd sig knúna til að leggja fram beiðni til viðeigandi yfirvalda um að fjölga í mannafla þeirra. Félagsþjónustan vinnur náið með löggæslunni og finnur fyrir auknu álagi sem getur haft alvarlegar afleiðingar.
Erindi til kynningar
4.	1804149 - Greinargerð um þjónustu SÁÁ
	Greinargerð um þjónustu SÁÁ lögð fram til kynningar. Í ljósi nýlegrar umfjöllunar um að Vogur stefni á að hætta að bjóða börnum upp á að sækja meðferð hjá sér er brýn nauðsyn að finna aðra lausn. Mikilvægt er að sinna börnum í bráðum vanda og að sú aðstaða verði aðskilin frá fullorðnum.
5.	1804017 - Rannsókn á þjónustu fyrir aldraða á Íslandi
	Lagt fram til kynningar.
6.	1801180 - Hagstofuskýrsla fyrir árið 2017
	Tvær skýrslur til Hagstofu vegna talningar á þjónustu í málefnum, aldraðra, dagforeldra, fjárhagsaðstoðar og málefna fatlaðra lagðar fram til kynningar.

  Fundargerð lesin upp og fundi slitið kl. 17:25 Ari B. Thorarensen                                         Jóna S. Sigurbjartsdóttir Þórdís Kristinsdóttir                                       Svava Júlía Jónsdóttir Eyrún Björg Magnúsdóttir                             Sigdís Erla Ragnarsdóttir Guðlaug Jóna Hilmarsdóttir