66. fundur framkvæmda- og veitustjórnar

Almenn afgreiðslumál

1.

1311160 - Hreinsistöð fráveitu við Geitanesflúðir í Ölfusá

Páll Bjarnason frá Verkfræðistofu Suðurlands kom inn á fundinn og kynnti stöðu á undirbúningi vegna byggingar fráveituhreinsistöðvar við Geitanesflúðir í Ölfusá. Stefnt er að því að bjóða út framkvæmdir fljótlega á næsta ári þegar hönnun og skipulagsferli er lokið.

2.

1308067 - Fráveita Árborgar - meðhöndlun á fráveituvatni 2013

Torfi G. Sigurðsson og Sverrir Óskar Elefsen frá Mannviti kynntu niðurstöður mengunarmælinga í Ölfusá sem framkvæmdar voru í október sl. Niðurstöðurnar verða notaðar í lokaskýrslu um skilgreiningu á Ölfusá sem viðtaka fráveituvatns. Fulltrúi frá Heilbrigðiseftirliti Suðurlands sat kynninguna.

3.

1310040 - Gjaldskrá Selfossveitna 2014

Stjórn Selfossveitna samþykkir að gjaldskrá hitaveitu hækki um 3,3% á milli ára. Með því er stjórnin að svara ákalli Alþýðusambands Íslands og Samtaka atvinnulífsins um að sveitarfélög og aðrir aðilar fari sér hægt í gjaldskrárhækkunum í aðdraganda kjarasamninga til að halda verðbólgu í skefjum.

Bókun fulltrúa D-lista:

„Dregin er til baka fyrri ákvörðun um 5% hækkun á gjaldskrá. Sú ákvörðun mun að óbreyttu þýða að 2.2 milljóna króna tap verður á rekstri veitnanna fyrir árið 2014.

Það er von fulltrúa D-lista að almenn sátt í þjóðfélaginu er varðar hag heimilanna muni gera það að verkum að ekki komi til taprekstrar á komandi ári, enda útgjöld veitnanna að mestu vísitölutengd.“ 

Bókun vegna breytinga á áður samþykktri gjaldskrá Selfossveitna.

„Undirritaðir fagna því að stjórn framkvæmda- og veitustjórnar hafi tekið  tillit til sjónarmiða fulltrúa minnihlutans við gjaldskrárbreytingar Selfossveitna fyrir lokaafgreiðslu fjárhagsáætlunar sveitarfélagsins.“

Eggert Valur Guðmundsson, nefndarmaður, S-lista.

Andrés Rúnar Ingason, nefndarmaður, V-lista  

4.

1206102 - Rekstrarform Selfossveitna

Ólafur Gestsson frá PWC kom á fundinn og fór yfir rekstrarfyrirkomulag Selfossveitna.

5.

1301259 - Upplýsingar - frárennslismál við Selfoss

Erindi frá stjórn Veiðifélags Árnesinga lagt fram til kynningar. Stjórnin ákveður að kynna áform sveitarfélagsins um hreinsun fráveituvatns fyrir stjórn Veiðifélags Árnesinga á næsta fundi sem verður 18. des. nk.