2.3.2015
7. fundur íþrótta- og menningarnefndar
7. fundur íþrótta- og menningarnefndar Árborgar, kjörtímabilið 2014-2018, haldinn miðvikudaginn 11. febrúar 2015 í Setri Egils, Ráðhúsi Árborgar, Austurvegi 2, Selfossi, kl. 07:15.
Mætt:
Kjartan Björnsson, formaður, D-lista,
Axel Ingi Viðarsson, nefndarmaður, D-lista,
Helga Þórey Rúnarsdóttir, nefndarmaður, D-lista,
Eggert Valur Guðmundsson, nefndarmaður, S-lista,
Estelle Burgel, nefndarmaður, Æ-lista,
Bragi Bjarnason, íþrótta- og tómstundafulltrúi.
Bragi Bjarnason ritaði fundagerð.
Dagskrá:
Almenn afgreiðslumál
1.
1502067 - Bæjar- og menningarhátíðir 2015
Farið yfir drög að dagskrá bæjarhátíða í sveitarfélaginu 2015. Ákveðið að kynna hátíðirnar með sambærilegum hætti og síðastliðin ár og skoða þá sérstaklega kynningu á netinu. Nefndin leggur til að boðað verði til fundar með hátíðarhöldurum fljótlega til að fara yfir dagskrána, mögulegar nýjar hugmyndir og aðkomu sveitarfélagsins að hátíðunum. Samþykkt samhljóða.
2.
1501084 - Tillaga UNGSÁ um heilsueflandi stefnu
Tillaga ráðsins rædd og tekur nefndin vel í hugmyndir ráðsins. Starfsmanni nefndarinnar falið að vinna áfram að þessum málum en fram kom hjá nefndinni að hægt væri að setja upp sem fyrst opinn fjölskyldutíma í íþróttahúsum fyrir íbúa í sveitarfélaginu. Samþykkt samhljóða.
3.
1501087 - Tillaga UNGSÁ um aðstöðu í Sigtúnsgarði
Tillaga UNGSÁ rædd og fram kom að nefndinni litist vel á hugmyndirnar. Ráðinu er þakkað fyrir áhuga á uppbyggingu Sigtúnsgarðsins. Málið þarf að vinna samhliða skipulagi garðsins á næstu mánuðum. Samþykkt samhljóða.
4.
1501110 - Framtíðaruppbygging íþróttamannvirkja í Sv. Árborg
Gissur Jónsson og Guðmundur Kr. Jónsson frá Umf. Selfoss komu inn á fundinn og kynntu niðurstöður á uppbyggingarþörfum deilda félagsins á næstu árum. Umræða varð um skýrsluna og fram komu einfaldir og góðir punktar frá félaginu um hvað hver deild þurfi í aðstöðu til framtíðar. Fram kom að félagið geri sér fyllilega grein fyrir því að uppbyggingin gerist ekki á fáum árum heldur lengri tíma og mikilvægt sé að til sé áætlun um uppbygginguna. Nefndarmenn eru sammála um að það þurfi að vera til áætlun til næstu ára um hvað sé í mestum forgangi í uppbyggingu íþróttamannvirkja.
Ákveðið að halda fund með fulltrúum allra íþróttafélaga í sveitarfélaginu til að fá upplýsingar um alla uppbyggingarþörf og í framhaldinu að skipa starfshóp á næsta fundi nefndarinnar sem hefði það hlutverk að kostnaðarmeta verkefnin og koma með tillögu að forgangsröðun til bæjarstjórnar til t.d. næstu 10 ára. Samþykkt samhljóða.
Erindi til kynningar
5.
1501111 - Framtíðarhugmyndir um menningarsalinn í Hótel Selfoss
Upplýst um að sveitarfélagið hafi fengið gefins um 550 bíóstóla frá Smárabíói og helmingur þeirra sé kominn í menningarsalinn og hinn hlutinn komi í næstu viku. Nemendur FSu hafa verið að aðstoða við þrif í salnum undir stjórn Axels Inga Viðarssonar. Fram kom mikil ánægja hjá nefndarmönnum með þetta framtak og þá aðila sem hafa komið að þessu t.d. báru félagar í Karlakór Selfoss inn stólana sem nú þegar eru komnir í salinn.
6.
1404071 - Frístundaheimili - mögulegar útfærslur
Drög að vinnu starfshópsins lögð fram til kynningar.
7.
1502021 - Ungt fólk 2014
Skýrsla Rannsókna og greiningar lögð fram til kynningar. Skýrslan verður aðgengileg á heimasíðu sveitarfélagsins.
Fundargerð lesin upp og fundi slitið kl: 9:00
Kjartan Björnsson
Axel Ingi Viðarsson
Helga Þórey Rúnarsdóttir
Eggert Valur Guðmundsson
Estelle Burgel
Bragi Bjarnason