71. fundur bæjarráðs
71. fundur bæjarráðs Árborgar, kjörtímabilið 2006-2010 haldinn fimmtudaginn 6. desember 2007 í Setri Egils, Ráðhúsi Árborgar, Austurvegi 2, Selfossi, kl. 08:10
Mætt:
Þorvaldur Guðmundsson, formaður, B-lista
Jón Hjartarson, bæjarfulltrúi, V-lista
Eyþór Arnalds, bæjarfulltrúi, D-lista
Ragnheiður Hergeirsdóttir, bæjarstjóri
Ásta Stefánsdóttir, bæjarritari
Dagskrá:
Fundargerðir til staðfestingar:
1. 0701012 - Fundargerð félagsmálanefndar
frá 26.11.07
-liður 1, bæjarráð þakkar ítarlega og vandaða framkvæmdaáætlun í barnaverndarmálum og samþykkir hana.
Fundargerðin staðfest.
2. 0701062 - Fundargerð leikskólanefndar
frá 28.11.07
Fundargerðin staðfest.
Fundargerðir til kynningar:
3. 0701073 - Fundargerð stjórnar SASS
frá 21.10.07
Fundargerðin lögð fram.
4. 0702012 - Fundargerð stjórnar Skólaskrifstofu Suðurlands
frá 21.11.07
Fundargerðin lögð fram.
5. 0702070 - Fundargerð stjórnar Sorpstöðvar Suðurlands
frá 17.10.07 og 20.11.07
Fundargerðin lögð fram.
Almenn erindi
6. 0711158 - Beiðni Rangárhallarinnar ehf um fjárframlag til byggingar reiðhallar á Gaddstaðaflötum
Bæjarráð samþykkir að veita kr. 500.000 fjárframlag til byggingar reiðhallar. Kostnað skal færa á liðinn óráðstafað.
Eyþór Arnalds, bæjarfulltrúi D-lista, óskaði eftir að bókað yrði:
Mikilvægt er að unnið sé að málefnum hestaíþróttarinnar í samráði við Sleipni.
7. 0711161 - Beiðni Hags, fasteignafélags ehf. um vilyrði fyrir úthlutun lóðar að Fossnesi 11
Ákveðið hefur verið að auglýsa lóðir í Fossnesi til úthlutunar og er unnið að undirbúningi þess. Bæjarráð hafnar beiðni um vilyrði fyrir úthlutun lóðarinnar skv. 8. gr.
8. 0711077 - Erindi Héraðsráðs um viðræður um sölu á húseigninni Hrísholti 8
Bæjarráð felur forseta bæjarstjórnar og bæjarritara að ræða við varaoddvita Héraðsráðs um kaup sveitarfélagsins á eigninni.
Eyþór Arnalds, D-lista, óskaði eftir að bókað yrði:
Tryggt verði að starfsemi AA samtakanna verði áfram í húsinu eða fái sambærilega aðstöðu ella.
Meirihluti bæjarráðs óskaði eftir að bókað yrði:
Aldrei hefur annað staðið til en að tryggja að AA samtökin hafi viðunandi húsnæði fyrir sína starfsemi.
9. 0608004 - Leiðrétting á fjárhagsáætlun 2007
Yfirlit framkvæmdastjóra fjármála- og stjórnsýslusviðs var lagt fram. Framkvæmdastjóri kom á fundinn og fór yfir leiðréttingarnar.
Bæjarráð samþykkir leiðréttingarnar.
10. 0709136 - Frumvarp til fjárhagsáætlunar A og B hluta fyrir árið 2008
Lögð var fram svohljóðandi tillaga meirihluta bæjarráðs:
Bæjarráð vísar frumvarpinu til bæjarstjórnar til fyrri umræðu.
Tillagan var borin undir atkvæði og samþykkt með tveimur atkvæðum, Eyþór Arnalds, D-lista, situr hjá.
Eyþór Arnalds, D-lista, óskaði eftir að bókað yrði:
Í 48. gr. samþykkta sveitarfélagsins Árborgar segir: "Bæjarráð hefur umsjón með stjórnsýslu sveitarfélagsins, undirbúningi árlegrar fjárhagsáætlunar og framlagningu draga að fjárhagsáætlun sveitarfélagsins í samráði við bæjarstjóra."
Bæjarráð hefur ekki sinnt þessu verki og ekkert samráð verið við bæjarráð eða fulltrúa minnihluta um gerð fjárhagsáætlunar eins og kveðið er á um í samþykktunum.
11. 0701025 - Húsnæðismál vegna dagdvalar FAAS, kynning á stöðu mála
Bæjarstjóri fór yfir stöðu málsins og var falið að vinna áfram að málinu ásamt bæjarritara.
12. 0601096 - Samstarf við Fossafl um húsnæði fyrir þjónustumiðstöð fyrir aldraða; drög að samningi
Bæjarstjóri fór yfir stöðu málsins og var falið að vinna áfram að málinu ásamt bæjarritara.
Erindi til kynningar
13. 0711183 - Erindi Lánasjóðs sveitarfélaga ohf um tillögu um athugun tengda stofnun fasteignafélags sveitarfélaga
Lagt fram.
14. 0711172 - Niðurstöður könnunar á viðhorfi til starfsemi og þjónustu Sambandsins íslenskra sveitarfélaga
Lagt fram.
15. 0711178 - Framlög til SASS og undirstofnana 2008
Lagt fram.
Fundargerð lesin upp og fundi slitið kl: 09:10.
Þorvaldur Guðmundsson
Jón Hjartarson
Eyþór Arnalds
Ragnheiður Hergeirsdóttir
Ásta Stefánsdóttir
