8. fundur íþrótta- og tómstundanefndar
8. fundur íþrótta- og tómstundanefndar, kjörtímabilið 2006-2010 haldinn 02.05.2007 í Norðursal, Ráðhúsi Árborgar, Austurvegi 2, Selfossi, kl. 17:15
Mætt:
Gylfi Þorkelsson, formaður, S-lista
Helgi Sigurður Haraldsson, nefndarmaður B-lista
Sædís Ósk Harðardóttir, nefndarmaður V-lista
Ragnheiður Thorlacius, framkvæmdastjóri
Andrés Sigurvinsson, verkefnisstjóri íþrótta-, forvarna- og menningarmála
Andrés Rúnar Ingason, varamaður V-lista
Fulltrúar D-listans, Grímur Arnarson og Kristín Hrefna Halldórsdóttir, eru ekki mætt.
Íþrótta- og tómstundanefnd býður nýjan verkefnisstjóra, Andrés Sigurvinsson, velkominn til starfa.
Ragnheiður Thorlacius, framkvæmdastjóri, ritar fundargerð.
Formaður lagði fram dagskrártillögu: Liður 1 verði færður aftast í dagskrá fundarins. Tillagan var samþykkt samhljóða.
Dagskrá:
1. 0703088
Fyrri úthlutun íþrótta- og tómstundastyrkja 2007 - alls bárust 16 umsóknir.
Alls bárust 16 umsóknir um styrki. Til úthlutunar nú eru 750.000 krónur.
Nefndin samþykkir að úthluta styrkjum með eftirfarandi hætti:
a) Knattspyrnudeild Ungmennafélags Selfoss:
Vegna æfingaferðar 2. og 3. flokks kvenna til Englands 1.-7. apríl sl.
Kr. 100.000.-
Vegna þátttöku á þjálfaranámskeiði á vegum KSÍ.
Kr. 18.000.-
Vegna fyrirhugaðs knattspyrnumóts fyrir 6. og 7. flokk kvenna til eflingar kvennaknattspyrnu.
Kr. 32.000.-
b) Fimleikadeild Ungmennafélags Selfoss:
Vegna ferðar yfirþjálfara á Norðurlandamótið í hópfimleikum í Svíþjóð 13.-14. apríl sl.
Kr. 50.000.-
Vegna fyrirhugaðrar æfingaferðar meistarahóps fimleikadeildarinnar til Danmerkur 7.-14. júní nk.
Kr. 80.000.-
c) Körfuknattleiksdeild Ungmennafélags Selfoss:
Vegna Svalamótsins 10.-11. febrúar sl.
Kr. 100.000.-
d) Handknattleiksdeild Ungmennafélags Selfoss:
Vegna Landsbankamótsins í handbolta 23.-25. febrúar sl.
Kr. 100.000.-
e) Frjálsíþróttadeild Ungmennafélags Selfoss:
Vegna fyrirhugaðs Brúarhlaups í byrjun september 2007.
Kr. 150.000.-
Vegna grunnskólamóts Árborgar í frjálsum íþróttum sem fram fór í mars sl.
Kr. 30.000.-
Vegna Grýlupottahlaups.
Kr. 30.000.-
Vegna æfingaferðar barna og unglinga til Portúgals í apríl sl.
Kr. 60.000.-
Helgi S. Haraldsson, B-lista, vék af fundi við afgreiðslu umsóknar frjálsíþróttadeildarinnar og Andrés Rúnar Ingason, V-lista, varamaður tók sæti í nefndinni.
Margar fleiri áhugaverðar umsóknir bárust nefndinni en þar sem umsóknir voru mun hærri en það fjármagn sem nefndin hefur til ráðstöfunar getur nefndin ekki orðið við fleiri umsóknum að þessu sinni. Nefndin vekur athygli á að síðari úthlutun styrkja verður í desember nk. ÍTÁ bendir og á að með umsóknum skuli fylgja greinargerðir um markmið verkefna sem sótt er um og ítarleg kostnaðaráætlun og/eða að framvísað sé reikningum fyrir útlögðum kostnaði.
2. 0703132
Tillögur 85. héraðsþings HSK. - bæjarstjórn Árborgar vísaði tillögunum til umfjöllunar í íþrótta- og tómstundanefnd.
Samþykktir 85. héraðsþings HSK:
a. ÍTÁ tekur undir þakkir 85. héraðsþings HSK til Sveitarfélagsins Árborgar.
b. ÍTÁ þakkar erindið og bendir á að í Árborg er verkefnisstjóri íþrótta-, forvarna- og menningamála, einn fjögurra verkefnisstjóra í Fjölskyldumiðstöð sveitarfélagsins.
c. ÍTÁ tekur undir fögnuð héraðsþings HSK um aukna fjármuni frá ríkisvaldinu til byggingar reiðhalla. Einkaaðilar hafa unnið að undirbúningi byggingar reiðhallar á Selfossi og kynnt það verkefni fyrir bæjaryfirvöldum.
3. 0607065
Tillögur HSK um Landsmót UMFÍ 2012 - bæjarstjórn Árborgar vísaði tillögunum til umfjöllunar í íþrótta- og tómstundanefnd.
Samþykkt 85. héraðsþings HSK um Landsmót á Selfossi 2012.
ÍTÁ þakkar erindið. Þegar Sveitarfélagið Árborg sótti um að halda Landsmót UMFÍ árið 2012 í samstarfi við HSK, skuldbatt það sig til að hafa til staðar þau íþróttamannvirki sem nauðsynleg eru til landsmótshaldsins. Sú skuldbinding er enn í fullu gildi og treystir ÍTÁ því að öll nauðsynleg mannvirki verði til staðar árið 2012.
4. 0704121
Kosning formanns vinnuhóps um ungmennaráð Árborgar - Sædís Ósk Harðardóttir, formaður, óskar eftir að láta af störfum.
Íþrótta- og tómstundanefnd Árborgar samþykkir að skipa Andrés Rúnar Ingason, V-lista, formann vinnuhóps um stofnun ungmennaráðs Árborgar.
Engin.
Fundargerð lesin upp og fundi slitið kl: 19.30
Gylfi Þorkelsson
Helgi Sigurður Haraldsson
Sædís Ósk Harðardóttir
Ragnheiður Thorlacius
Andrés Sigurvinsson
Andrés Rúnar Ingason
